(已解決)^__________^

原本今朝重無嘜野……
一到夜晚 好似平時錦放佢出黎行
佢俾平時反應呆左好多
望住部電視擺好似老虎見到獵物既姿勢
無啦啦向平時唔會去廁所既地方便便同尿尿
擺番佢去籠度  之後就開始唔食野唔飲水
連平時仲鐘意既零食都無反應
頭先打俾dr.gerry佢要星期五先番工
我諗可能係最近佢換毛食到腸胃引致錦樣
而家淨係可以擔心 所有兔協提供獸醫啲電話都無人聽
我可以點做？？！擔心;

---

琴晚訓下醒 keep住同佢換暖水袋(唔知有無關係)
今朝終於見到有便便喇！但係仍然未見有尿尿
開始食番草……今日仲帶唔帶八妹出去睇醫生好
定係等星期五dr gerry番再帶佢過去>~<

---

Update:04/01/2013

多謝各位提供既意見 >w<
八妹好好彩琴日終於睇到DR.MA
原本個護士話FULL晒期 我同佢講左個情況 好好采佢肯幫我攝到時間
因為有DR.MA o向度既關係 好多兔仔媽咪都帶左佢地既小朋友睇醫生
哈哈..真係好熱鬧 dr.ma真係細心過任何之前睇過八妹既獸醫
起碼唔係為左做生意既亂嗡 上次帶八妹去檢查係個外國醫生
佢好求其摸兩摸就話兔兔整體無問題但係牙仔唔健康叫我有時間帶佢黎做手術
我當時答佢係考慮下 (今次去見醫生 醫生話佢o的牙仔生得幾靚 仲用個牙仔顯示放大鏡俾我睇)
真係吹漲=.=....真係...唔知想點...
琴日dr.ma 檢查兔兔話可能o個日即時腸停左,令到佢痛所以就呆晒唔食野唔飲水
好好彩因為個情況唔係嚴重級別,同埋兔兔年輕,所以第二日會有好轉左既情況
但係而家兔兔既腸既郁動都未變番正常狀況 要keep住食七日藥再覆診
琴日餵第一次藥...同佢博命咁款..佢反抗但係又唔敢整親佢(攪左成個鍾)
第二次餵藥..竟然出奇乖乖食藥...有時..大小姐既心理真係難以預測(開心^_^)
見到而家精精神神 放心左好多

你住邊頭?
兔協個網未必update,  例如Dr. Hugh急症電話係唔同的, 官網寫係60181385

如果兔仔真係唔食野,  要考慮force feed 草粉同水
有冇聽過兔仔腸聲?  聽下會唔會無聲or好大聲,  會就有機會係腸停 / 腸塞
便便明顯減少就要按摩肚仔,  另外一定要做好保暖

如有急事，夜晚只有 Pet Central 可以睇

摸下肚仔有冇漲，有冇特別聲？
有冇便便出？

會唔會天氣凍 .. 我兔仔天氣凍都會唔想郁  你摸下耳仔..   ???

Re  unik：我住屯門架，我聽唔到腸聲，係點樣聽架？？
平時無為意……今日霎時間錦樣……擔心
發post大概一個鐘頭後，兔兔有飲水但係都唔係好多…仍然唔食野…所以我諗住聽日一朝早打去大圍，我見兔兔主人都話佢專門睇兔仔
會好啲，如果book唔到……都唔知點算

Re wesky：我都試過帶八妹去pet centrel
之前佢細細過睇醫生，點知俾個護士包毛巾太大力
格硬將佢塞落袋…我當時唔知，番到放佢入籠就返工
夜晚先知佢有只腳縮起左……去旺角pet centrel後
照左好多次x光都睇唔到咩事…佢地話佢地唔係專門睇兔仔
所以無論啲儀器同診斷都唔夠comfirm咩事……
所以開左啲止痛葯 經嗰次 就覺得佢麻麻……><

Re 花芝媽：我都有諗過，，，，
但係佢唔食野呢……同埋係好突然間
我呢幾日已經向籠面舖左一條大毛巾同一件毛毛褸
佢呆哂錦…就算嗌佢餵佢…佢都無反應……
好似只火雞錦坐向度…………

妳可以坐西鐵到元朗SAA睇Dr. Ma 如果急診SAA個外藉主診醫呀生都可以睇兔架，不過診金要400蚊呀，上次我兔兔唔食野睇完都OK呀。

Re eggegg89:我都帶過八妹去身體檢查
個醫生check唔到咩問題就話去啲牙仔尖
叫我俾八妹佢做手術…我眼見八妹啲牙仔無野
都唔想佢成受不必要的風險

要即日啦！
我地有隻等第二日先睇，未天光，己經升天。

佢嗰個伏下的姿勢，係好攰，但係扮比其他動物睇，扮無事。
我地死咗嗰隻，零晨死時都仲係正身伏下。

樓主, 我隻兔兔有時都會鬧情緒, 唔食野唔飲水, 真係比佢嚇死
兔兔幾大? 可唔可以食菜? 試下用d菜浸多d食水, 等兔兔有足夠水份, 睇下幫唔幫到佢?

另外, PET CENTRAL 我試過睇兩次:
- 第1次係兔兔絕育手術後第2晚傷口爆線, 有個香港人既醫生睇得唔錯, 幫兔兔補針
- 第2次係兔兔唔食野唔飲水, 有個外藉醫生幫兔兔打支針, 開藥比兔兔食。 我問支針打黎做乜? 兔兔乜野病要食藥? 佢話唔知兔兔乜事, 試下新藥啦 我頂佢個肺

祝兔兔早日康復啦

Rabbit Chan has this before, bring him to Dr Hugh at Tin Hau immediately la....

Hope he is fine.

我個人唔建議等到星期五...  兔仔由有病態到出事可以好快,  一日就夠
如果今日仲未帶八妹出去睇,  今晚最好都留意多D,  聽日診所開門打去同姑娘講下情況,  睇下有冇需要睇急症

唔知而家有尿尿未呢?
如果仲未有,  要諗下會唔會係飲水唔夠;  如果有飲水但冇尿出,  其中一個可能係尿道結石...   總之都算係急症了

聽腸聲可以用聽診器,  或者兔仔肯就直接痴隻耳仔埋去聽,  唔好聽錯心跳聲~
平時聽下點為之 "正常" 既腸蠕動聲冇壞

yancyan520 發表於 2013-1-2 05:19 AM
Re 花芝媽：我都有諗過，，，，
但係佢唔食野呢……同埋係好突然間
我呢幾日已經向籠面舖左一條大毛巾同一 ...

凍係會好呆唔應人  我2個妹都會  兔仔好怕轉變天氣@@