十萬火急!! 兔仔D屎愈黎愈細粒 ,依家仲食左草但唔柯出來...

上星期開始 ,佢D屎已經明顯細粒左
前日開始 佢柯屎既數量仲愈黎愈少
而且仲無咩食慾 , 只係見到兔糧就會食
好少食草....
呢幾日我放佢落地上 佢都唔會走黎走去,
反而係哩係個角落頭 可能LAM下自己
但之前唔會嫁 ,之前放佢出黎佢好開心咁周圍去


岩岩清左個次所 見到佢食左幾條草,
竟然柯左提子屎 (一串串)
之後就柯左好少數量好細粒既屎
然後就一直係次所上扮雞 ,郁都唔郁,


我好擔心佢呀!!
唔知佢係咪有所謂既毛球症?但我今日已經買左木瓜丸同化毛膏比佢食 .
希望佢會好D啦 唔知大家有無類似既經驗呀!!
十萬個火急  ..因我知兔仔便便出現問題就好大件事!!
希望有人指點下我或者分享下你地既經驗..

感激不盡呀

果D乜野木瓜丸係長期食品 我買除左係今次兔仔有事之外我亦知道佢平時會食好多毛落肚 預防勝於治療各位愛兔人士有聽過嫁可? 咩叫唔好買呢D野 唔通每幾個星期睇住佢食慾不振個肚又脹氣屎又細粒然後就同佢睇DR?

l0ve0w0 發表於 2013-1-5 12:16 AM
果D乜野木瓜丸係長期食品 我買除左係今次兔仔有事之外我亦知道佢平時會食好多毛落肚 預防勝於治療各位愛兔 ...

咩叫木瓜丸係長期食品？
你隻兔兔食得夠多草嘅就唔會＂每幾個星期食慾不振＂架喎
其實木瓜丸係真係唔需要食架〜

DR講佢一定會食左毛落去 為免排唔到毛 最好食木瓜丸 但係要長期食先有效

邊位Dr.?

係紅磡獸醫診所  一個女DR .唔記得咩名~

l0ve0w0 發表於 2013-1-5 12:25 AM
DR講佢一定會食左毛落去 為免排唔到毛 最好食木瓜丸 但係要長期食先有效

食左毛只要佢食得夠多草就會排到出來，唔使食啲乜木瓜丸架
嗰個醫生其實係咪睇開兔仔架。。。

你唔好怪姐姐們激動,大家愛兔心切。

最後你家兔兔係咩事呀?

佢比較細隻應該食少D兔糧 (個SALES話兔仔一天要食兩次兩茶匙糧)佢食得多糧之後又無胃口食草 加上佢食左D毛落去咪排唔到出黎  

你兔兔無事就好啦，咁你要努力同你兔兔改善飲食習慣啦！你兔兔食開咩牌子草草? 有啲牌子草草嘅味，好快會散晒，之後兔兔就唔願意食。不如試下momi呀。另外，兔糧就等佢好返先再食好啲啦，希望你兔兔早日康復

其實你兔仔咁細個就遇到咁的問題,可能真係飲食上出現問題, 要好好改善。兔仔食夠草同水就可以排出毛毛架啦~

l0ve0w0 發表於 2013-1-5 12:15 AM
你唔知頭唔知路就話我覺得睇醫生貴 你以為你係我條蟲 你以為我唔鍚我隻兔仔 (做主人對動物只可以承諾照顧 ...

見到你一直問邊度有草粉賣，你又無講自己帶左兔兔睇醫生，咁樣好容易比人誤會喎。排毛係靠草，好多兔友唔係成日比木瓜丸比兔兔食。就算唔食糧，有草比兔兔食都OK呀。

siudao0831 發表於 2013-1-5 06:40 PM
你兔兔無事就好啦，咁你要努力同你兔兔改善飲食習慣啦！你兔兔食開咩牌子草草? 有啲牌子草草嘅味，好快會散 ...

食緊momi 2 nd cut ~ 依家比少左好多兔糧佢等佢個情況穩定多幾日先慢慢比多返 ~ 有心啦

我家兔兔已經6年無食木瓜丸，排毛方面完全無問題，你試下唔好只俾2cut 草，溝D1 cut ，纖維高D對排毛磨牙都有D幫助。依家無事大家就放心了。