善用保護色

肥肥：只要我繼續堅持呢個動作唔好郁，佢就睇唔到我

肥肥：我而家成個頭捐左入去，佢更加無可能發現到我。

肥肥：被發現左TIM...

好可愛呀!!

肥肥好可爱啊，保护色太搞笑啦。
其实最后个张都几融合jeh

哈哈，半夜3更真係唔知點搵你呀，肥肥

hh0 發表於 2013-1-7 11:11 PM
哈哈，半夜3更真係唔知點搵你呀，肥肥

我有嚴重散光,晚上如果無戴眼鏡或CON睇野會化開
真係有時佢唔郁真係睇佢唔到

咁肥肥係全屋放養？佢好大隻好可愛呀

貓仔兔 發表於 2013-1-8 12:00 AM
咁肥肥係全屋放養？佢好大隻好可愛呀

因為驚佢跳樓,所以本人睡覺或外出時就會放番佢入籠...
其餘時間佢自己出入全屋所有地方,隨廁所外....
但主人房同客房唔知點解打開門佢都唔會行入去...佢可能鐘意留係廳

手仔腳仔會出賣佢~

樓主系咪專燈GA
熄燈真系睇佢唔到

醒目喎!
識用保護色
我MO仔係扮公仔匿埋喺公仔堆裡面
等你搵佢唔到

你地真係超有趣
唔怪知得你死了竉物會咁傷心
無他，放得感情多
一路開心啦

實在太可愛啦! 我真係好想見下肥肥既真身呀! 係呢, 你放養, 佢係未自己識得去返廁所痾?
肥肥真係大明星, 可唔可以打個腳印黎睇下呢?

DomDomPig 發表於 2013-1-8 05:20 PM
實在太可愛啦! 我真係好想見下肥肥既真身呀! 係呢, 你放養, 佢係未自己識得去返廁所痾?
肥肥真係大 ...

佢識自己回籠去廁所同食草，而家唔會再周圍大小便，好乖。
食完飲完水會自己出地毯同SOFA坐...

Insomniahk 發表於 2013-1-8 05:06 PM
你地真係超有趣
唔怪知得你死了竉物會咁傷心
無他，放得感情多

以前看過一篇報道講古天樂養左一隻狗，死左後佢好傷心，用左兩年時間去平復。
自此唔敢再養狗，因為承受不了那份傷心。
以前都唔明白果份傷心係點樣。直至真係狗狗離開左先明白。

如果係因為寵物自己本身老死或老人病，我同家人都會接受。
但狗狗只有５歲，我地每年都有帶佢去BODY CHECK兩次，每次問醫生佢點解咁多痰聲，
醫生都係答因為佢氣管短，問佢是否健康正常，全部都答正常健康。
直至一天突然條利發紫，帶佢去診所，個女醫生仲話佢中暑要吊鹽水。
仲用酒精林落佢個身度幫佢降溫，最後個醫生話佢鋪頭收７點要收工，叫我地帶住就死既狗狗去太平道醫治。
去到時候果位醫生大罵我地不負責任，咁遲先帶佢睇醫生。(果時醫生咩都未照,就咁睇一睇就已經肯定佢係嚴重肺積水)
結果佢X RAY後，發現狗狗心臟已經腫脹到佢個頭咁大。心臟病已非一朝一夕之事。
幾小時後狗狗就離開左。

如果。。。如果我地唔堅持睇同一位醫生，狗狗就唔需要咁多年都診斷唔到有病
如果我地可以早Ｄ帶佢轉醫生，佢就唔需要做埋Ｄ無謂既所謂中暑治療，用酒精幫佢沖涼
呢Ｄ一切係我地做主人既責任，係我照顧得唔夠好。

我唔知其他人點樣看待寵物，每個人價值觀都唔同。
但如果因為怕傷心而要放得感情小D，咁不如直接開張CHEQUE俾愛護動物協會仲實際D

你係呢度講出來，希望得到原諒？

不如，正確的做，承認啦！
唔好只係怪個醫生唔好，你可以睇書、上網、問人、問其他醫生，仲有最簡單一樣，自己多加留意，
你諗吓，古代已有人養動物，以前都無醫生，唔好將過失怪其他人。
再向前，好好照護呢隻黑兔啦！