唔知點好......

我家屋企人突然有事，所以要張家中兔仔暫時帶起走大半年，其實我已經問咗兔協，因數量多同時間長所以收費好贵，而家雖然放係朋友家，但都差唔多要帶走，所以請問有冇兔友可以幫我暫飬(食物钱我會出，同有D暫養費)，或者有冇其他可以暫養地方又唔係太贵，我真係唔想放棄佢地

八號仔有寄養，你打電話問下

如果你係拎去寄養大半年收費一定會貴, 兔協其實同寵物店既收費差唔多, 最好都係搵返兔協, 因為兔兔暫養并唔係一段短時間, 而一般寵物店對照顧兔兔既認識好有限, 亦唔會好似兔協會觀察兔兔每日既健康同飲食!  雖然話寄養費係貴, 不過, 再貴都無辦法, 錢用左可以再搵過, 當然唔可以放棄佢地啦, 因為依個係責任黎!

無論樓主係搵寵物店, 兔協, 兔友寄養都好, 都要交兔兔比佢地之前先比定一夠錢做預備基金, 以防係寄養期間有咩事要同兔兔去睇醫生, 出面既寵物店唔會因為兔兔寄養期間有事, 出錢同兔兔睇醫生

之前有兔友試過, 將兔兔寄養半個月, 寄養期間兔兔有事, 寵物店即刻搵個兔友, 但兔友唔係香港, 又搵唔到佢, 寵物店亦無帶兔兔去睇醫生, 結果兔兔死左都搵唔到個主人

你有好多隻兔兔？逐隻計定一個籠計

你住邊區…不如你講多點兔兔資料…睇下有無人可以幫到你！

官塘，7隻

Pf8811 發表於 2013-1-26 11:36 AM
官塘，7隻

咁真係好貴= =
不過我諗都係放兔協好d
雖然兔協唔會放佢地出黎玩...
不過普通寵物店都放唔到7隻咁多= =
同埋你要早d book定位
我之前都因為寄養ge事問過兔協
唔一定有位架
你仲要咁多隻
早少少問好d

我諗你分開2-3隻寄養....會比較好..

1次過7隻會比較難搵暫養...

7隻，同我一樣，真係好難搵暫養，替你擔心，努力啊