肥肥日記（二）

呆呆的。。。。


一段時間沒有上來了，主要原因係因為飼養左肥肥之後就患上氣管敏感，一直咳，早排更演變成哮喘，進了醫院。
原來患上哮喘果種狂咳既咳，係會氣管收窄，窄到連氣都透唔到，原來咳真係會咳到死。而家要長時間袋住支氣管擴張氣for有需要時急救。

好喇講番勁耐無update既肥肥，早排肥肥最後update到係patpat有個位無左毛。


係喇，咁係發生咩事呢。就係本人用了寵物店建議既針梳，而且力度唔岩，梳到肥肥損左。

dr.ma話兔子patpat既皮膚比較薄，力度控制唔好好易損，受次激會脫毛。亦推薦左兩把for兔子梳毛既梳俾我。

左手邊為寵物店的針梳，中間及右邊為dr.ma推薦的梳，中間果把for梳打結及面部毛毛，右邊為全身的按摩梳。
（當然右邊把梳一定無針梳咁易及咁快梳到好多死毛，但at list唔會整傷到肥肥，只係時間上用長小小而已）

而家肥肥既傷口已經無事，毛亦慢慢生緊出黎。至於之前所講既白色頭皮狀物體就係好輕微既皮膚病。


之前肥肥睇左一個醫生檢查，當時果位外國人醫生話肥肥好健康咩事都無，仲話擔心肥肥會過重，叫我每天俾糧(全日計)應只俾一湯匙就足夠，否則將來會過重就很難減了。而肥肥寵物店則建議每天早晚每俾3湯匙，即合共一天六湯匙，咁樣既份量同醫生講既簡直差天共地。由於香港好少人養french lop，我四出搜集資料，有朋友係美國養french lop，佢同我講肥肥6個月大時要有10lb重，唔係會過瘦。中途亦有不少朋友提示我不要成日只聽朋友講，應多聽醫生指示建議。
最後我只係早晚俾2湯匙兔糧肥肥。

由於肥肥本月中就會足6個月大，到了接近絕育的時期。就帶了去做檢查同將list左出黎既16個問題請教醫生。


由於外國有french lop既專科，但香港連french lop都已經少人養，更何來專科醫生。我只能帶肥肥去睇接觸兔子比較多既醫生應該會比一般醫生更有經驗。
帶肥肥睇完dr.ma後，心中好多疑團都一一解開了。首先講肥肥體重上既問題，醫生一見到肥肥，摸完佢後第一句既係話肥肥有點瘦。再上一上磅，有8.5lb，可能呢個體重對好多兔爸兔媽黎講係巨型，但相對番肥肥既品種黎講佢係瘦。醫生話肥肥應該可以再肥番ｄ，繼而問到糧份量既問題，醫生話肥肥應該早晚俾4湯匙既糧(即一天8湯匙)先有足夠能量俾佢長大。

跟住慢慢細心檢查全身，發現脫毛位置有少少金錢善，除呢樣外，全身各方面都好健康好正常。醫生特別讚肥肥腳仔，話好少看到腳毛咁厚既腳仔，係肥肥腳到搵唔到一粒腳倉，話肥肥腳仔可以話係佢睇咁多兔仔當中數一數二。

繼而檢查完畢後，當我想發問我一早list左出黎既果16個問題既時候，我發現我已經無野問。因為佢一路檢查時一路講解，好細心地講解唔同既問題。基本上佢既講解已經完全回覆左我呢16個未問既問題，俾左我好充份既答案。到呢一刻時我終於明白好既醫生點簡會出名，因為佢地真係有付出心機同時間，而唔係持住專業資格去搵飯食。

跟住我查問醫生肥肥應該幾時先絕育，因為佢仲有個零星期就6個月大。此時醫生話4-6個月後才絕育會最佳，我初時以為我聽錯，我話肥肥咪下個星期就六個月大囉。醫生再解釋話係今日起計既4-6個月後，我反問醫生點解，佢話肥肥發育比較慢，可以遲一點絕育會更好，差不多足一歲時絕育會最好。繼而查問埋收費（當然預左肥肥既收費一定會比正常的貴。），預約定覆診時間就離開了。


回到家後，肥肥就即時在窗台恰眼訓了。可能太累了吧。

呢排仲有一樣野令我好煩惱，因為肥肥搵唔到個大既屋企，佢現在既籠已經係兔仔籠既king size，

由於佢太大隻，柯尿成日柯出界，雖然我知道佢都唔想，但無辦法只能鋪多一個尿毯係底，以防佢出界。
搵左好多地方都搵唔到大d既廁所俾佢，問左好多間都無話無出咁大既廁所。我諗真係唯有好似dr.ma咁講自制一個。

之前又買左一個草屋俾肥肥，但肥肥同間草屋根本一樣大，佢只係可以放到個頭入去（草屋並不是放在籠內，只係影相需要，而且肥肥既籠係長期開門的，佢只係入去大小便同食野飲水）


肥肥既水樽，肥肥飲好多水，一日飲兩樽呢個大樽既size(個樽好大個的,呢個只係側面)


25lb草佢一個月就清哂了



搵籠亦搵左好耐，搵左好多狗籠，但好多都得３尺或者４尺，無３尺半長。就算想要４尺都好，但個籠都好高。
兔仔籠不須要向高空發展，但好多有３尺以上既籠都好高，但又唔夠闊。。。。。頭痛
搵搵搵，搵左好多。。。可能真係要上網訂做，但想請教一下各位師兄，如果買左狗籠，籠入面係網底，要搵野鋪網底應該搵咩鋪會比較好呢？

分享幾張肥肥近期生活照

繼續都係善用保護色




同埋繼續都係鐘意扮狗咬住玩具走黎走去


另外呢排鐘意捐一半個身入去梳化底，然後露兩隻肥腳出黎



同埋鐘意扮食草，然後等待機會咬爛我ｄ書




綜合我自己呢段時間再次養番寵物既經驗同心得有以下既分享：
睇到好多自己身邊朋友同網友都會去領養寵物，給他們一個家，但好多都會早出晚歸跟本無時間去陪伴佢地，（當然，俾一個家俾一ｄ即將被人導毀滅既動物黎講當然非常重要）但其實領養完要付出既責任係更加重大。因為我地重新俾左一個家佢地，你要付出心機，時間，同合適既照料佢地。好多時我地做主人既會用人既思維去諗野，覺得呢樣野會唔會岩肥肥呢，果樣野食又會唔會對佢好呢？當然，我自己都一樣，好似間草屋咁，根本肥肥就唔會去玩亦唔岩佢去玩，但好多時人就係會用自己思維去做判斷，認為自己諗既野係岩同合適。好像見到有ｄ網友自制寵物籠俾兔兔，籠內安裝一大推不必要既東西，在人既出發點當然係希望兔兔開心同舒服，但其實有時有無代入過去諗其實兔兔又係咪真係需要樓梯等等一推向高空發展既野？可能龍喵會比較合適多ｄ。做主人既責任係要俾合適既照顧你既寵物，如果係因為自己錯誤既判斷而令到自己寵物受不必要既傷害，即使even有幾多錢去醫番好佢，但其實又有無反思自己做既野對佢究竟係咪真正需要呢？我自己亦都用錯梳，用錯力，自己心急想梳快ｄ，因為各位主人都明白換毛時究竟有幾多毛。我自己希望用自己過來人既經驗去分享，令多ｄ養緊寵物，領養左寵物，準備買／領養寵物既朋友，可以花多ｄ時間反思下其實自己俾緊既照顧究竟係咪合適，有時唔係鐘意就話領養多一隻，有無諗過夾唔夾到？相唔相處到？有病會唔會傳染，有好多野考慮，假設如果養十隻兔仔但要分開十個籠獨立飼養，咁其實同坐監有咩分別？有時唔係佢識行識走就叫無事。我自己以前養過動物，亦因為同一位醫生連續兩年斷錯症最後離開左。到平復過後再去照顧肥肥時，好多唔同既問題都會出現，一位醫生話佢健康無事，唔第如第二位醫生會話佢無事，我作一個假設，如果肥肥無睇多個醫生，可能一路都唔知有皮膚問題，亦唔知應幾時絕育，更唔知自己一路俾既糧既份量根本係完完全全唔岩肥肥。有時亦唔係話成日聽朋友講，而係多ｄ集思廣益，多ｄ聽多ｄ問，得益既唔係自己，而係自己心愛既寵物。好多時醫生都要夾自己既寵物，當然佢要夠細心同埋要對自己寵物有深入認識，好醫生當然難求，更要慢慢搵。好既照顧我地更加未必１００％可以完全俾到佢地，但好既主人。。。我諗只要自己想，肯學肯做就一定可以做得到。我自己以前有唔好既飼養經歷，我分享唔係咩想得到別人原諒。而只係希望我犯既錯或我曾經有既經驗可以幫到或提醒到準備做主人既大家。

最後都係上次果句，
由你許下承諾那天開始。牠們亦會許下承諾用最長的壽命，無間段的陪伴你。（所以在開始或結束這份情的時候，請再三回想問一問自己）

最後希望各位還要考慮自己和家人的身體狀況是否合適才去領養或購買寵物。


我現在每天也咳咳咳，清晨時更會咳到透不到氣要入急症。
現在深深體會某網友三年都咳唔停既感受，哮喘在早上真的會咳到氣管收窄透不到氣。
我從小到大都沒有敏感及哮喘，從前飼養寵物亦沒有敏感。但現在只能天天準時吃藥及２４小時帶著擴張氣，以防發作時作急救之用。
但我相信自己是守信之人，我沒有想過放棄，亦永遠不會放棄。肥肥由開始到現在也一直跟我生活，之後亦如是，我會緊守我的承諾。希望大家也可以。。。

金魚街有個灰色超大兔籠

同埋可以比佢住iris 狗籠...呢個日本牌子既狗籠都比較可愛 又大  同岩兔仔.. station r 同mini zoo個網都有幾款睇
有用taobao既  仲可以taobao訂.. 款多d 又平d search "iris 狗籠" 就有好多

nixie 發表於 2013-2-6 03:15 AM
金魚街有個灰色超大兔籠

同埋可以比佢住狗籠...iris 呢個日本牌子既狗籠都比較可愛 同岩兔仔.. station r  ...

我今日睇左金魚街果D了.....都唔過3尺...
我諗肥肥AT LIST要一個42"X30"X30" 既籠先夠位..
係果個POST覆左你了.@@

有俾ALFAFA,份量同T草比例係1:9

kazas 發表於 2013-2-6 03:18 AM
我今日睇左金魚街果D了.....都唔過3尺...
我諗肥肥AT LIST要一個42"X30"X30" 既籠先夠位..
係果個POST覆 ...

我岩岩改左個回覆  唔夠你快tim xd
我一陣搵下先@@    我記得見過幾款好大的

nixie 發表於 2013-2-6 03:20 AM
我岩岩改左個回覆  唔夠你快tim xd
我一陣搵下先@@    我記得見過幾款好大的  ...

肥肥而家用緊果個已經係睇過咁多間佢地有既最大既SIZE了...
有一隻都有3尺幾長既....但係好窄....得個長字
而家唯有係睇下上網有無D FIT D既.....或者訂做...OR買一個FIT身D既狗籠再改裝下...因為好多狗籠都係網底的

kazas 發表於 2013-2-6 03:32 AM
肥肥而家用緊果個已經係睇過咁多間佢地有既最大既SIZE了...
有一隻都有3尺幾長既....但係好窄....得個長 ...

係囉,,, 好多大狗籠又係全鐵...外觀好似監獄=.=

nixie 發表於 2013-2-6 03:37 AM
係囉,,, 好多大狗籠又係全鐵...外觀好似監獄=.=

最慘係狗籠好高....我想要無咁高果D....
你有時間拎把尺度下122CM X 92CM X92CM你就知有幾大舊=.=

kazas 發表於 2013-2-6 03:45 AM
最慘係狗籠好高....我想要無咁高果D....
你有時間拎把尺度下122CM X 92CM X92CM你就知有幾大舊=.= ...

xd  超大...   

一係你買個圍欄放張厚墊當係籠囉     反正肥肥咁大隻

nixie 發表於 2013-2-6 03:48 AM
xd  超大...   

一係你買個圍欄放張厚墊當係籠囉     反正肥肥咁大隻

之前已經買左,但佢可以直接跳出圍欄,佢跳好高

用住先啦，呢個籠真係暫時最濶大最岩肥肥
你好有心機，小心保重身體
另外提醒一下，用貓梳（右邊綠色）要小心，需然唔傷皮膚，但D毛會飛得好勁，漫天兔毛

我係兔協見到有個廁所有40x40cm大嫁，唔知岩唔岩肥肥用？

好耐冇係到發言喇..不過睇完你個po真係忍吾住要覆你!
1>www.minizoo.com.hk <呢間有個好大size既廁所應該岩你既(P12A  日本MR特大豪華廁所  (W395×D245×H225)mm   $158)
2> N58  日本Marukan特大平底籠 W92xD66xH70(cm) $850 <呢個籠我係金魚街間q pet見過真身..真係超級大個,應該岩你用...
另外金魚街間q pet重有另一款大灰籠都好大個...不過比較長身,你可以去比較下....

其實如果出面既兔廁size都係吾岩既..我建議你如果個籠夠大又許可既...可以用狗廁所!希望幫到你!

另外其實你可以去金魚街間q兔廊到買佢8片片裝既圍欄diy整位個籠....佢8片裝比較高身..如果佢都重係跳到出黎既其實你可以去12蚊店買d格裝返黎自己加多小小野封返住個圍欄頂就已經可以了

肥肥主人,
睇完你的一番說話,我真心覺得你比之前真的成熟了很多呢!!  由衷為你感到高興!

還記得之前我跟你說過, 不要什麼都說"聽朋友講聽朋友講",醫生的建議真的比較可信。當然,這次的經歷令你學得更多,這是一件難能可貴的事。

我尤其同意你的第2段剖白, 相信大家也很明瞭你所指懶自以為是為自己兔仔加高不必要跳板的阿茂整餅領養人是何許人。我也是領養兔仔之人, 我自己之前完全沒有養兔經驗,但我明白這是門學問,所以我選擇了好多人都覺得領養手續好麻煩的兔協。我去上堂去學習去觀摩,起碼我曉得最BASIC又最正確的養兔知識。

我也是你口中所說,領養兩隻兔仔之人。但, 其實我想說的是, 我的心態是：為兩隻兔仔提供一個新家, 照顧兩隻被遺棄的兔仔。而非覺得一隻悶悶地,搵個伴。 老實說,我兩個小朋友在現階段不能和平相處, 當然BONDING需要時間。但係, 我一直的心態是夾得到是一個bonus,夾唔到咪分開佢地。我劃分了兩個地盤,一個在客廳,一個在飯廳及其他地方活動,兩隻都沒有困籠,24小時活動。又不傷害到大家,又可以自由活動。

我地不是兔仔,無可口非會用人的角度去思考先。買了草屋,也不打緊吧....不買哪知肥肥不愛呢~~~

最后, 希望你身體健健康康, 肥肥快高長大啊!!!!

你真係好有心，咁夜仲打咁多字，小心身體
屋企放多幾部空氣淨化機對你健康會唔會好啲？

另外，你不如買個圍欄，你返工時佢都有位活動，唔怕周圍走
我波波除左食飲痾會係籠入面，其餘時間都係籠外面