阿兔忍尿忍C問題

阿兔一直都好乖識得去廁所, 以前間中會all一兩粒C口係出面
因為屋企比較亂唔能夠完全放養, 只係每日比佢出黎3個鐘
所以佢好唔願意返入籠食野或者去廁所
以前佢內急時會衝入籠企廁所兩秒, 好快咁衝番出黎, 驚死人刪門咁
跟住就會搵暗角位或者鞋all
事情發展到後期...阿兔只在浴室內排水口位置all,
因為阿媽覺得方便清理..幾好...所以我地冇去糾正佢
如事者..兔廁所內的C量好少, 好少發現有尿..三日唔清理都OK..三日得嗰廿粒...
原來阿媽每朝6點起身時, 見阿兔咬籠抓籠想出黎, 就放佢出黎
阿兔每次都係第一時間衝去浴室all
有次一次all 左百幾粒..15分鐘後再all 成百粒..加個半鍾內all 3 篤尿..
好擔心佢會忍C忍到腸停...唔係誇張..
阿媽5點放工返到屋企, 又係第一時間放佢去廁所
唉..

唔係呀化？一次過痾咁多？陰公豬囉，忍咁耐要諗諗計啊

未完...
同阿媽商量完, 阿媽堅持佢嘅做法, 仲話難得阿兔咁乖
而加開始擔心佢嘅健康, 佢會唔會忍到病?
有次唔比佢出黎一日幫佢戒, 佢狂抓籠, 之後發呆, 呆左成日, 於是又放棄左
但阿兔去浴室ALL,因唔會吸水, 會整濕個pat pat, 始終唔好
有人沖涼佢又會狂抓浴室門, 諗住佢急, 俾佢去先, 但又唔係..
去個廁所佢又跟入黎, 好驚有人會唔小心關門夾到佢
仲要攰左就瞓係廁所入面個門檻到,要拎開阿兔先可以關到門
而加佢成個廁所守衛咁
唔知可以點做? TxT..

兔兔應該食完就痾，咁樣攪法真係唔係辦法，我都好擔心你隻兔兔呀 但係我又幫唔到你

正常既兔仔真係會邊食邊屙 因為控制唔到嫁我記得..  但聽到你咁講真係好神奇  但我都覺咁樣對身體唔好其實...  佢兔廁所  係米無佢自己陣味呀??

同埋廁所  其實好多細菌...     沖廁你唔山蓋係會噴好多細菌出黎    之前有影片講過   

佢成日係廁所  訓呀食呀       比係你係人 你都唔會成日比BB仔 細路仔 係WC玩/訓...      同埋遲下潮濕.,  
佢個身多細菌    到你抱佢 ...             一定要改呀  就算慢慢都要    係米企唔慣個WC格網????

你不如想辦法用紙巾吸點佢既 vi vi

然後放入佢既廁所…等佢知自己個廁所係邊！

另外，係籠外加多個廁所，都加點佢既vi vi

咁佢唔入籠都有廁所用！

而佢係…浴室內排水口位屙…會否塞！？

塞左…會好大工程！

[backcolor=rgba(255, 255, 255, 0)]兔兔係習慣性動物。你真係要小心，正如花芝媽所講，廁所真係好多菌架地方。我從來唔俾兔兔入廁所和廚房。可能你兔兔當左人用架廁所係佢用架廁所，所以堅持去人用的廁所到去CC。你真係要盡快引導他用返兔兔廁所。而且你都要每日檢查下他們的CC正唔正常，唔可以因為方便而要他去人用架廁所。盡快幫小朋友糾正，唔好再俾佢去你家的廁所了。

最緊要佢活躍肯食
食得疴得好好呀！

你試下放D 尿係返個兔厠所裡面, 引導返佢. 但兔仔係鐘意乾淨, 如果佢唔想係籠裡面ALL, 迫唔到佢.
你唯有ALWAYS放個圍欄係籠外面, 加塊厚布墊地, 等佢係布上面解決.

你個籠係咪太細, 我買個3尺籠佢地, 佢地只會係左邊ALL, 右邊係玩同休息.

首先佢去人廁所時先要NO NO返佢...
再重新教返佢去兔廁所...
佢系咪5中2臭親自己個籠AH????

兔兔忍大小異便咁長時間, 當然有問題, 先唔好講洗手間有幾多菌, 但係佢忍咁長時間, 長期會對佢身體多部份器官有嚴重影響

兔兔同人一樣都係用膀胱儲尿, 到某一個程度, 會令膀胱過度膨脹, 日後可引致失禁

兔兔係透過尿尿同便便將身體毒素排出體外, 如果經常要忍既話, 佢就會無法正常排毒, 身體積聚過多尿液, 會加重腎臟負擔, 引起腎病同泌尿系統問題

兔兔既便便除左將食物既殘渣排出體外, 亦係透過排便將消化系統同肝臟既毒素排出體外, 經常無正常排便, 會令食糜留係腸胃, 引起脤氣, 亦會令肝臟大大增加工作量, 負荷過重, 亦很容易引起脂肪肝

如果你有爬開文, 應該會知道兔兔除左唔食野12個鐘可引起死亡, 另兔兔如果無便便8個鐘都一樣可致命, 無便便除左因為脹氣, 腸停, 另一個原因, 係因為無法透過排便將身體毒素排出體外, 亦會令身體產生致命毒素, 引起急性脂肪肝

要知道小動物佢地既健康係透過平日既照顧一點一點累積而成, 而唔係只見佢而家食得訓得就代表完全無問題, 有部份兔友當發現兔兔有事去睇醫生, 好多時情況已經好嚴重, 好多時原因就係平曰積積埋埋有問題

人尚且忍大小異便會有問題, 更何況係兔兔