腳枕問題

大家好...
又有野要麻煩大家啦....
事緣係咁....
牛牛同lafite都有腳枕.....
睇完醫生話問題唔大.....唔駛搽藥膏....
醫生話最好由環境著手.....例如鋪careflash係籠底....
咁我就有幾個問題想問大家....

1.如果我鋪左carefresh係籠底，佢會唔會變左唔識去厠所，四周圍痾?
2.如果我鋪左carefresh係籠底，我怕佢地會咬同食....有冇方法可以避免呢?
3.我時不時會放佢地出黎行，咁我有試過鋪ABC膠，但係佢地又咬...可以點好呢?

麻煩哂大家啦....我成日都咁多問題問...真係唔好意思....

你好呀， 我囡囡之前都grade 2 腳枕，所以我依家都係佢起居生活方面入手改善。 我兔兔一返屋企都係用carefresh墊籠底， 的確佢真係係籠周圍vv。食carefresh，有機會出現， 但之前聽過食咗極少量係無問題的。 依家我用布墊鋪籠底比兔兔嘅，你可以考慮一下可行與否。

另外，我囡囡都超愛咬膠，重食過落肚，所以屋企又係鋪布墊比佢

其實我都係初學者，希望可以幫到你啦^^

siudao0831 發表於 2013-2-20 11:14 PM
你好呀， 我囡囡之前都grade 2 腳枕，所以我依家都係佢起居生活方面入手改善。 我兔兔一返屋企都係用carefr ...

原來小豆都有曵曵豬既一面既，好可愛

siudao0831 發表於 2013-2-20 11:14 PM
你好呀， 我囡囡之前都grade 2 腳枕，所以我依家都係佢起居生活方面入手改善。 我兔兔一返屋企都係用carefr ...

多謝你先....
咁小豆而家會唔會去厠所vv呀?定係抑或係四周痾?
咁而家你係唔係仲有鋪carefresh?小豆仲會唔會食?
如果你鋪布墊，未都會好薄?

chingling1203 發表於 2013-2-21 12:13 AM
多謝你先....
咁小豆而家會唔會去厠所vv呀?定係抑或係四周痾?
咁而家你係唔係仲有鋪carefresh?小豆仲會唔 ...

其實小豆返咗屋企3個星期左右已經識去廁所vv啦~ 加上我留意佢會係carefresh上vv都無再用。但屋企都有一小包carefresh備用嘅，以便萬一(touch wood)佢病病唔舒服時，可以有得用。

我會比有少少厚度嘅布墊，太厚會令兔兔覺得熱^^

發問係優點！
不用太擔心
照顧小朋友都係學一步試一步
祝好

你好，我係新手，以下係我小小心得，分享一下，希望幫到你。

我養左一隻大品種既垂耳兔，而家６個月有成４。幾ＫＧ

上個月帶左去ＤＲ。ＭＡ果度睇醫生，醫生話佢腳板毛好厚，全腳搵唔到腳倉同腳枕，屬佢見過數一數二既美腿。

肥肥係放養既，屋企廳有張大地毯，佢平時都會係張SOFA上面睇電視同玩。
有時都會跳上個兔籠頂到企下，但為免佢腳仔辛苦就鋪左兩塊大毛布係籠頂再磅實兩條毛巾。（注意我係鋪兩條，唔係一左一右，係因為兩條加埋先夠厚，我用普通沖涼果Ｄ大毛巾，超級市場7X$條）

佢既籠都係KING SIZE既兔籠黎，入面都有廁所，但係由於佢太大隻，成日柯出界，咁我唯有鋪多Ｄ　CAREFRESH，但係發現鋪太少佢會踢到周圍都係，踢到散哂又柯完尿自己踩番，
跟住試過鋪尿毯，但係佢又會咬黎食，跟住最後就唯有將成個籠鋪哂CAREFRESH，鋪到大約3-4CM厚度，
咁樣佢就無咁易踢到周圍散哂。佢係廳出面都有多一個盆用黎放草俾佢食，等佢唔洗下下番籠。
但佢自己會番籠到大小便，佢而家已經當左成個籠係廁所，但廳既任何位置都唔會有大小便。

咁清潔方便我自己會每日清咁小小CAREFRESH，因為由於鋪3-4CM厚要好多，會用哂一包大既CAREFRESH，
$130包日日換會好貴，咁我自己會清左面頭果Ｄ有草或便便痴住果Ｄ，廁所就照早晚清潔一次。
兩星期左右再全部倒哂，再熱水洗個籠。
（唯樓主要考慮價錢問題，我咁樣做大約一個月用３包－４包大包裝既CAREFRESH）
我有上網睇過價錢比門市買會平好多，但有Ｄ國內網唔太放心。所以我會一次過買１０包咁樣放屋企，咁樣會比散買平Ｄ

另外最後就係除左價錢問題外亦有個大缺點既，就係因為肥肥係放養既，佢除左食糧同大小便番籠外大部份時間都係出面，咁佢一出一入個身會痴到好多CAREFRESH，有時個廳同SOFA地毯周圍都係一粒粒白色既CAREFRESH，我自己住就無問題，如果同家人住呢點要留意了。

最後覆番你幾個問題：
１：）唔會變左唔識係廁所柯，但要留意佢有可能會係開頭誤會左係Ｄ有CAREFRESH既新角落度柯下

２：）肥肥最初都會有食，但我問過醫生，醫生話果Ｄ係＂千維＂黎，食小小都唔大影響。肥肥食左小小後就無食。

３：）呢Ｄ一定會有發生既事，你可以放出黎果時望實佢，（我自己本身未養過兔，我睇Ｄ兔仔書跟住咁教左一段時間有Ｄ成效）
而家佢知道我大聲叫ＮＯ佢就會停低，如果最初叫完ＮＯ都唔理你，你就用拖鞋大力拍地下整Ｄ聲出黎，再叫ＮＯ。但千萬唔好叫佢名再叫ＮＯ，例如：肥肥，ＮＯ。
因為咁樣佢會當左自己個名係等如唔得或者俾人鬧。我咁樣ＫＥＥＰ住訓練左大半個月，我坐係廳有時佢跑入房，因為我哮喘唔俾佢房既，佢係走廊跑緊時我大叫ＮＯ，佢會停低回頭望我，跟住唔敢再向前行。

如果無咁多時間去教或訓練，你可以噴Ｄ香水係Ｄ佢會成日咬既野上面，咁佢就唔會再咬。
（書教係因為香水佢唔鐘意隻味，會行開）
肥肥成日咬爛我書櫃Ｄ書，我自己噴完之後發現佢真係唔咬，但大約１星期左右佢又咬番，跟住再噴Ｄ書，佢又唔咬。

以上既野除左鋪３－４ＣＭ既ＣＡＲＥＦＲＥＳＨ係本人自己亂黎之外，其他都係醫生或者書籍上教既。
希望幫到你

我自己用布墊,污糟就洗,最少一日洗一次,carefresh白色係經過漂白既~個人都唔建議噴香水,若果想防止兔地咬書,就真係好有用,但係兔地若果聞得太多化學野而敏感,咁就得不嘗失.........香水裡面有好多化學成份,我自己都好鐘睇書,我情願將所有書升高,兔兔無機會咬

初時兔地可能會食小小carefresh,之後應該都唔想食,兔地會知道carefresh無味,唔好味既.......

我會將舖abc膠既地方,舖布墊