抓耳背及洗眼問題

我見波子周不時就抓下耳背位，唔係成日，咁我之前睇過話如果兔仔抓耳就係耳仔污漕，但我check 佢耳仔時又好乾淨喎~咁點解佢又抓耳仔?唔通好似狗咁?仲有可以用貓狗洗眼水幫兔仔洗眼嗎?

若果唔係抓得密,無問題架啵~我隻囡都會抓下耳背,耳仔裡面~痕咪抓下囉~若果成日fing,又成日抓,聞到異味,就要留意喇

點解要幫兔兔洗眼既?貓狗果d就唔好喇~好多貓狗野都唔o岩兔兔用

除兔兔有草入眼等特別情況可用透明生理鹽水(藥房有得買要即棄)
否則5洗
所有藥物都應由獸醫處方,更何況私下購買貓狗藥物給兔兔

抓耳背係兔兔其中一個自己清潔身體既動作, 有時抓完仲會fing頭, 其實兔兔此舉係想清潔同fing走垢同污jo野, 就好似兔兔會洗面同一個道理

不過, 每只兔兔自己既生活都有規律, 例如平日佢會抓耳仔同fing頭3次, 但突然次數多左, 咁就要留意, 要去搵醫生檢查下, 因為好可能係有野整左入耳仔, 有寄生蟲, 蝨或者發炎之類

兔兔既耳洞都幾深下, 如果只係用肉眼望入耳洞到唔會睇得清楚!

另貓狗既藥物, 唔可以自己比兔兔用, 因為有某d成份對兔兔有害, 一定要經醫生處方先可以, 唔係會有反效果, 嚴重可以引起藥物中毒同死亡

我有問過一d讀獸醫既朋友，佢都話唔洗會比較好，我比左狗狗用開個枝眼水佢睇，佢話個隻ok.除非真係要用到，否則我都係唔用好了