點樣教導或懲罰兔仔?

隻兔仔越黎越曵! 又周圍疴尿又中意咬人! 我應該點樣教導呢?  可以懲罰兔仔嗎?  佢會明白嗎?

點亂痾尿法？
因咩事咬你？

兔仔可以鬧，唔可以打

根據我既經驗, 兔兔周圍痾尿同咬人係可能佢有不滿...
我都曾經試過類似情況...
可以同你 share 一下...

當時我隻兔只有三個月大, 但我見冬天就懶好心咁買左個屋仔放入佢個籠...
等佢凍既時候可以入去避寒...
誰不知, 自此之後佢就不停亂痾尿...
仲連嗰間屋仔都痾到污糟晒!
當時我真係好嬲...
好心錫佢就換黎咁既下埸...
好老實, 我的確有試過懲罰佢, 打過又鬧過...
無奈佢根本聽唔明我講乜, 分分鐘以為我唱歌兼無視佢既要求...
結果, 越鬧佢就越衰...
最後佢竟然行動升級, 索性跳上我張床痾尿示威...
激到我死死下...
最後我把幾火決定攞走個屋仔, 費事好心著雷劈...
但誰不知, 一攞走間屋之後佢竟然完全停止左周圍痾尿!!!
於是我又放番間屋仔入去...
結果案件又重現...
如是者幾次之後, 我終於發現其實佢周圍痾尿原來係想投訴我擺間屋仔入佢個籠阻住晒...
我以為自己好心但原來佢根本唔凍同唔需要間屋仔...
所以最終我上左一課... 就係唔好以為人類覺得好既野兔仔會覺得好...
你覺得佢曳可能其實佢只係想話你知佢有啲野不滿...
兔仔唔識講野, 唔識用人類既好與壤觀念黎衡量..
佢地只識用兔仔既方法去表示佢地既想法...
所以懲罰對佢地黎講係冇用...
特別係周圍痾尿呢一點...
因為對兔仔黎講, 佢只會覺得有需要咪痾囉, 點解唔痾得?
所以, 要改變某啲我地覺得佢唔好既問題, 首先可以諗下我地做左啲乜野導致咁樣...
有冇某啲事我地突然之間做多左/做少左?
試下從兔仔既角度出發...
可能好多野會易解決好多

要慢慢調教
如果係疴尿
可以放佢上多幾次厠所

都試過換尿兜時比大脾咬過
佢以為我想拎走個寶物
依家我都會先放佢去一個空籠
再慢慢換
咁咪無衝突
換完佢咪第一時間疴返尿落訂
邊個想要佢個寶物鴉‥‥‥真係

Hitan 發表於 2013-3-13 10:50 AM
根據我既經驗, 兔兔周圍痾尿同咬人係可能佢有不滿...
我都曾經試過類似情況...
可以同你 share 一下...

b仔之前都亂屙尿....後尾傳心先知佢嫌個廁所硬...

最後我剪塊vetbed放入廁所先乖乖去廁所...

但廁所出面既便便比事發前多左好多/_\ 改5返

我家的coffee係籠入面通常小便都在廁所，大便間中周圍都有幾粒。但一出來便沒有指定位置小便(因佢小便過的位置我待他入回籠會用醋及清水抹乾淨),但大便便行到邊屙到那，真是奇怪，放出來只數分鐘己放了廿幾粒，現在的我已開始習慣他一套，亦不知怎樣令他回籠才小便了，如大家有好方法請指點!!

絕育會好D. 因為佢地亂痾係霸地盤行為, 無得教.
我會係圍欄內放張舊窗簾OR床單俾佢地放風任痾. 一星期洗一次. 佢地見到塊布就會跳舞, 好得意.

Yuki78 發表於 2013-3-13 02:18 PM
我家的coffee係籠入面通常小便都在廁所，大便間中周圍都有幾粒。但一出來便沒有指定位置小便(因佢小便過的 ...

我估你隻兔仔幾大隻又鍾意乾淨，所以唔會係籠度去尿尿，因為佢地唔鍾意尿味同污糟，你可以試下係籠外放厠所，用圍欄養兔，我隻兔自從籠外有厠所，就無係籠入面個厠所去，亦無係墊地啲地氈去lu,但係如果個厠所污糟，佢又會係地氈去...

回樓主，教兔仔係要好有耐性同唔打得，你可以輕力推開佢，佢就知唔可以咬人同有啲地方唔去得，不過發情嘅兔仔係會咬下當玩，亦可能係想叫你同佢玩，注意下佢，唔係曳行為呀！

Insomniahk 發表於 2013-3-13 11:32 AM
都試過換尿兜時比大脾咬過
佢以為我想拎走個寶物
依家我都會先放佢去一個空籠

我隻兔都會落訂，一見換籠又阻住晒，好搞笑！

貓仔兔 發表於 2013-3-13 03:14 PM
我隻兔都會落訂，一見換籠又阻住晒，好搞笑！

係呀！落完訂咪即刻安樂晒！

Yuki78 發表於 2013-3-13 02:18 PM
我家的coffee係籠入面通常小便都在廁所，大便間中周圍都有幾粒。但一出來便沒有指定位置小便(因佢小便過的 ...

係呀！
大脾出來時都鍾意四隻角位放廿幾卅粒
都係宣示主權

貓仔兔 發表於 2013-3-13 03:12 PM
我估你隻兔仔幾大隻又鍾意乾淨，所以唔會係籠度去尿尿，因為佢地唔鍾意尿味同污糟，你可以試下係籠外放厠 ...

@@咦
乜兔兔5系鍾意自己陣味安全感多d咩.....

有待研究研究wor甘

Yuki78 發表於 2013-3-13 02:18 PM
我家的coffee係籠入面通常小便都在廁所，大便間中周圍都有幾粒。但一出來便沒有指定位置小便(因佢小便過的 ...

你每日會放佢出籠玩幾耐
如果佢係一隻識去廁所既兔兔
咁就好有可能佢一行出黎就痾尿係因為佢有投訴
我個衰仔一直都係 24 小時周圍走架
而且佢從來唔會亂痾
大小便都會番入籠去廁所
但之前搬屋之後就放番佢入籠
每日只比佢出黎行幾個鐘
一黎因為當時搬完屋，屋企太多雜物
二黎以為等佢適應下新居
一個月之後，我心諗應該 ok, 於是開始試下成晩放佢出黎
點知佢到深夜就會跳上我張床痾尿 (仲要淨係我張床，因為屋企其他位都冇發現尿積）...
於是我又放番佢入籠...
結果連續好幾次都係一到夜晚佢就淨係跳上我張床痾尿
我又推番佢入籠....
如是者又過左一個月
我心諗冇理由佢會突然間亂痾，因為明明搬屋前佢 24 小時周圍行都冇事
於是把心一橫，決定你要喺我張床痾就痾到夠
最多我瞓過啲避開你啲尿 (因為我自己一個瞓張 king size bed）
頭幾天比佢成晚可以出黎行
佢都仍然會喺我張床痾...
但結果過左幾晩之後，佢就冇再亂黎，乖乖地行番去籠痾尿然後跳番上我張床瞓...
成單野我覺得佢一開頭亂痾係想投訴我搬屋之後放得佢出黎少...
點知佢既投訴令我更加多時間放佢喺籠...
於是案件重演
但後來佢既 "投訴＂成功之後，佢就冇再亂痾...
所以，不如你試下忍耐幾日，比佢多啲時間喺出面...
睇下情況有冇改善呀！

Insomniahk 發表於 2013-3-13 05:26 PM
係呀！
大脾出來時都鍾意四隻角位放廿幾卅粒
都係宣示主權

現在屋企2/3位置都是他的,都無人同佢爭,仲宣示什麼!!