兔兔智力測試玩具 (更新兔兔初試高難度測試)

好耐之前已經聽講過有款專門比兔兔玩既智力測試玩具…

上星期見大減價, 終於忍唔住買左番屋企…

一共有三個唔同難度…

總之就係兔兔要諗辦法去攞走/推開個蓋…

先至可以食到下面既野食當作獎勵…

第一次比我個衰仔玩既時候佢都好八卦架...

不過, 發現佢好似對個葢興趣大啲…

咁係咪即係佢係蠢仔呀?

--------------------------------------------------------------------------------------------------------------------------------------------------------


因為之前個低難度測試衰仔淨係識擔走個蓋...
於是把心一橫決定比個高難度佢試...
唉~ 頭兩次佢完全係彩我都傻...
就咁行過扮見佢唔到

後來終於肯去玩下...
但蠢蠢完全搞唔掂...
試左好幾次先食到下面啲野

Hitan 發表於 2013-3-19 08:56 AM
我都覺得做佢真係好 happy...
記得我之前仲喺香港嗰陣, 有次去左四日旅行留低左佢比屋企人睇... ...

哈哈哈

兔兔話:  睇你仲敢唔敢再掉底我  自己一個去玩!!

Hitan 發表於 2013-3-19 08:56 AM
我都覺得做佢真係好 happy...
記得我之前仲喺香港嗰陣, 有次去左四日旅行留低左佢比屋企人睇... ...

佢真係好叻女喎...哈哈哈哈 (讚好)
禁番左離香港無得鋪地墊啦~?...禁鬼潮濕
唔幫我換床單之餘仲懶醒咁幫我放張尿片喺底就算...<<<<
你諗下對你DADDY MUMMY離講 係錫個孫(兔兔)緊要D定個錫女緊要D...

Bube 發表於 2013-3-19 09:43 AM
哈哈哈

兔兔話:  睇你仲敢唔敢再掉底我  自己一個去玩!!

奴才知罪, 奴才該死!!!

唉... 所以咪就算去美國一年都帶埋個衰仔過黎囉

Twinklesin 發表於 2013-3-19 10:33 AM
佢真係好叻女喎...哈哈哈哈 (讚好)
禁番左離香港無得鋪地墊啦~?...禁鬼潮濕
唔幫我換床單之餘仲 ...

唔係呀, 佢喺香港既時候都係一直踩地毯大架...
唉~ 所以呢, 呢隻野真係皇帝仔...
為左佢, 我冬天開暖氣, 春天開抽濕機, 夏天就開冷氣...


好明顯我屋企人就係錫佢多過錫我啦...
就算而家佢地打電話黎...
第一句就永遠係問: "兔兔點呀?"
又唔見佢地問下佢地個女點喎

Hitan 發表於 2013-3-20 06:47 AM
唔係呀, 佢喺香港既時候都係一直踩地毯大架...
唉~ 所以呢, 呢隻野真係皇帝仔...
為左佢, 我冬天開暖氣,  ...

好過人既享受...我睇完你頭果段之後我剩係諗到電費電費同電費
如果我係禁樣開既話我MUMMY應該插左我好耐.....哈哈

禁你去美國玩一年....係WORKING HOLIDAY 定係咩?

嘿嘿...你屋企人打離已經唔問你點...係問兔兔點.
有次我出左街, 貝貝食糧剩係食左兩啖就訓番係度, 我媽咪就勁心急禁打比我
話貝貝唔食野唔知係咪唔舒服....叫我快D番離...根住我番到離一睇...
佢D糧又食曬, 重跳離跳去好生猛禁款....
我當堂O一O嘴..............

Twinklesin 發表於 2013-3-20 11:30 AM
好過人既享受...我睇完你頭果段之後我剩係諗到電費電費同電費
如果我係禁樣開既話我MUM ...

係呀, 夏天嗰陣一個月電費都千幾蚊架...
不過諗番, 同佢睇一次醫生都千幾蚊...
咁相對黎講一個月先一千幾電費, 仲要我都有份嘆, 算係好抵喇


我唔係黎 working holiday 架...
只係因為工作關係要去第二度實習同吸收下經驗...
所以先過黎...


咁好明顯你媽媽都好緊張貝貝啦!
睇黎你唔好得我幾多咋喎