兔兔好抗拒入出街袋....我可以點做?

我自己唔識幫兔兔剪指甲，所以定期都會帶佢出去比人剪...但係我發覺佢好似愈黎愈唔鐘意(驚?)入出街袋....
有次我擺佢入去之後佢狂dum地 = =
上次就擺佢入去之後就跳出黎 (重複左n次), 禁都禁唔住.
出到去又縮埋一舊...
佢應該係好驚?


我可以點做先令到佢無咁驚呢?
其實佢係咪知道出去剪指甲,唔鐘意,所以先咁....

你不如學下同佢剪吧
次次拎出去俾人剪一定會驚

學下同佢剪, 又或者叫人上門幫佢剪...
隨時重平過拎出去剪....

我隻卒卒咪又係, 都未抱佢出黎唧, 見到個袋都DUP地啦, 係個籠度喪跑三千個圈先捉到佢
我地自己幫佢剪甲囉, 前日開始連毛都自己幫佢剃啦

不如試下自己學剪啦~我情願自己剪,慳返好多搭車既時間~

其實剪甲唔係好難,可以爬左文先,搵人幫手一齊剪

我自己幫兔兔剪毛,剪甲,一手包辦,出街只會係睇醫生,同埋去活動~

我搵人上門...貴少少...但5錯...馴服到我2隻惡仔

我無辦法幫佢地剪 ~"~
因為我有近視同散光兼集中力唔好
為左佢地只好將呢個任務交比美容師做

click 太快忘記講
我通常將菜菜子放入去個出街袋引佢地上釣

我阿囡放菜都唔肯上釣,近呢年都見過dr.ma幾次喇我係個籃到放草,放菜,一出街就嬲嬲地,過多陣,阿囡就會諗通左,係個籃裡面好自在咁食草

但係一見到dr.ma就會發晒癲,阿囡巳經認定dr.ma係壞人好采係嬲dr.ma咋.....若果係嬲我,肯定有排哄

多謝大家意見!
其實初初養個陣都係想自己剪架....但係我搞佢唔掂.....我控制唔到佢可以乖乖地唔郁比我落刀
見佢出去剪又好乖所以先帶佢出去....
兔媽我要努力下先得

DomDomPig 發表於 2013-3-19 12:57 PM
我隻卒卒咪又係, 都未抱佢出黎唧, 見到個袋都DUP地啦, 係個籠度喪跑三千個圈先捉到佢
...

Good Job

我去兔協學左抱佢同剪甲, 好WORK. 而家仲買左剪毛機同佢地剪毛, 唔洗等去兔協剪.

其他寵物店唔放心. 有次梳毛野左蚤. 有次見到其他兔仔俾人剪到流血. 心痛死.

..我上次都有睇過兔協D義工教我地點抱兔兔..點幫佢地梳毛同剪甲..佢地真係好PRO架....
不過...我自己返屋企試.....衰晒...不停出無影腳..
我想問..兔協係唔係有得單獨教架...貴唔貴架..係唔係可以帶埋自己D兔兔去學架....可唔可以比D資料我呀.....謝謝...

放佢中意既零食入袋先，我通常放木瓜既小食，佢就會入去個袋度架啦