幼兔飲食

早幾日買左隻兔仔，佢叫冬甩，而家3個月多dd,今日帶左佢去做身體檢查，一切正常
早晚食緊2匙更幼兔糧，草就A+T草、但我發現佢唔係太鐘意食A草，食淨好多唔食、
A草淨低既都係枝（唔知係唔鐘意枝定唔鐘意A草），反而加T草就會食，咁樣佢會唔會唔夠營養架，應該點做好
（買個陣店員話佢食T草就得，佢應該係食開T草，糧就好似長期都擺係度由佢食）

咁 T 草既枝食唔食啊??  食緊邊個牌子??

觀察左一陣，佢應該係揀葉黎食，而A草既枝又比較粗同多、所以食淨好多，比緊既t草如圖

我兔兔2個月，同你一樣都係唔食A草既枝，但T草就係咁食，
建議你轉左隻A草，唔好買日本草，爬文既時候好多人話日本草有好多添加劑對兔兔唔好

轉左隻T草先岩

luckygirl1025 發表於 2013-4-6 10:17 AM
觀察左一陣，佢應該係揀葉黎食，而A草既枝又比較粗同多、所以食淨好多，比緊既t草如圖 ...

唔好買日本草, 轉 Oxbow, momi or APD 既 A 及 T
T 草含鈣及蛋白質比較少, 幼兔要食多d A 草先夠發育 (情況好似人一樣, 細個要吸收多d 鈣質, 骨骼先強健)
你先轉返做大牌子既 A草, 如果都仲係唔食枝, 可以混多少少 Timothy 俾佢

幼兔以 A 草為主, T為輔 (如兔兔唔食A草或有太多軟便, 就俾多d T草, 靠幼兔糧補充鈣質); 成兔則要戒 A, 主食 Timonthy
有時間睇下呢段片吧

我應該都會轉返OXBOW架啦，係日本真係好小地方買到OXBOW基本上係得網上商店。
琴日去睇醫生既時候，醫生推薦既兔糧都係日本糧，其實係咪所有既日本糧都唔好架？

條片我睇過幾次架啦，唔食a草比多d T草，怕唔怕唔夠營養，因為早晚各2平匙糧，買佢返黎之前係無限糧同t草任佢食

luckygirl1025 發表於 2013-4-6 02:01 PM
條片我睇過幾次架啦，唔食a草比多d T草，怕唔怕唔夠營養，因為早晚各2平匙糧，買佢返黎之前係無限糧同t草任 ...

如果佢肯食A草既葉&枝當然最好, 你話佢唔食A草既枝, 咁就唯有混埋 T 草俾佢 (A+T)
草枝既不可消化纖維係最多, 可以促進腸蠕動, 便便&毛停留係腸既時間會短d, 腸胃就健康d
所以兔兔食枝太少或淨食糧唔食草, 腸道蠕動就會慢d

如果幼兔淨係食T草, 早晚就要俾多d A糧, 補充T草相對含量不多既鈣質&蛋白質