好唔開心啊！定係我錯咗？

頭先我爭d俾tommy咬.....
我頭先想叫佢出個籠玩，所以我伸隻手入籠推下佢petpet
佢唔想出來，我就用手掃下佢頭仔（伸手入籠）
然後佢突然發出「合」一聲，個口撲過來我隻手度想大啖咬
點解呀？

定係我隻手有味

慢慢黎啦~
伸手入免籠，好多兔兔都唔like的，以為人地攪佢地盤，尤其係未熟悉大家既時候。

試下打開籠門傾下計先，再摸下頭仔，抱兔時兔兔最好唔好面向你，咁佢都無咁易咬到你，
唔駛灰心，我隻衰仔dumpy都領左返堅企成個月成比我抱架~

咬咬下就慣架啦，個個兔奴都有比自己隻寶賽咬過架啦
樓主，你要比d時間tommy同你培養感情同埋信任架嘛
即係好似男女相識都要了解先拍拖結婚生仔啦
慢慢黎啦，欲速則不達

兔兔呢兩日先跟你返屋企.......你咁樣兔兔一定好大反應

剛被領養既兔兔係乜野安全感都無,最有安全感就係個籠裡面,係佢既地盆,佢攻擊你都係好正常,就算養左好耐,都仲咬,都大把.......

若果你想兔兔出黎玩,你可以把開個籠門,咁當然你要係附近啦~佢想出既時候自然會出

可能大家未熟以為你想侵佔佢地盤姐，慢慢黎同佢互動多D
開住門，佢想出黎就會自己出黎嫁喇！
到時佢唔肯入返籠丫

唔使擔心，呢個係好自然既自我保護反應

我早兩日抱住阿仔準備洗耳仔時都比佢咬左一啖，流左少少血

我隻豬潤遲放出黎一陣佢都會扮高竇唔肯出籠,要出籠自然會出架啦。
呢個世界無唔食魚0既貓,亦無唔出籠0既兔

我會用零食引佢地出黎. 我試過俾佢咬甩指甲連肉, 成個月先好番.

慢慢教佢:  當佢想咬主人時, 你大聲SAY NO, 同埋絶左育會好D.

不過你要同佢相處幾個月, 佢地先會認得你, 無咁怕你.

兔兔HA一聲?
我都想聽下 >.<

其實兔兔嘅火氣都大... 好鐘意出口傷人