兔兔耳瘡

我的兔兔隻耳仔度生咗粒膿瘡，之前睇過馬醫生話要做手術切除，
佢話呢個方法最好，仲同我解釋埋個手術內容
當時自己個心太亂諗唔到其他嘢，剩係聽到醫生話呢個方法最好就決定book時間做手術

呢兩日自己都上網揾過啲資料，見到切除咗之後係隻耳仔度會有個窿，好似唔係咁好，
我記得馬醫生提過好似有另一個方法去醫，好似係類似打針抽膿咁，
但因當時自己已然傻咗，冇詳細問呢個方法，
唔知有無兔兔曾經做過呢啲手術，可唔可以分享下，等我知多啲，而家好擔心呀

膿瘡係咩位置？
要好返一定要做手術，將壞死組織完全切除，稱為清創
如果唔係，會一直有膿

我波波係右耳生腫瘤，成隻切左，健康最重要，毛生返長後一樣咁可愛
你可以睇下我之前個post

我家仔仔做過呢個手術呀!

老老實實,我係兔協領養佢的,佢係做完手術,身體康復得差不多,我就馬上申請領養。我仔仔的手術是馬醫生操刀,我亦同馬醫生好詳細瞭解過所有事情。

你隻兔應該是賓尼兔吧?  其實呢個係個小小的手術,你唔使擔心。據馬醫生講,呢兩年已經有新技術, 我家仔仔就係用此技術去完成手術,也是馬醫生手下的第二隻用新技術的兔兔。手術後仔仔康復得好快,手術埋口得都好靚。

馬醫生口中所講,耳仔會有個窿,的確是如此。但係,我地唔同人講,無人會睇到,要撩起佢隻耳仔先睇到架~ 完完全全無損佢外觀同生活。大可以放心!   有一樣比較得別的是, 我地可以睇到佢果隻耳仔內耳道, 所以可以係家中幫佢清理耳垢。

有一樣野我要講,都好重要。我家仔仔之前有側頭,馬醫生推斷好可能係因為佢既耳瘡無及時處理,所以D膿經耳道流入左耳仔inner part,以致側頭。雖然唔會隻隻兔仔都會咁,但係,我想話你知,有呢個可能性。既然手術一刀就可以根治,那麼就不要猶豫吧~~

唔使怕,BOOK定日期做手術吧!

就算仔仔有個窿，我都係咁錫佢
我係只怕仔仔有個窿會對佢日常生活有影响，

Suzanne:想問下你呢，佢好返之係個窿會唔會影响到佢架？
比如佢地洗面既時候會唔會自己整到？
又或者我地梳毛、剪毛既時候會唔會有問題？

只怪自己當日太亂，冇聽同問得醫生咁清楚
連佢會有個窿我都係自己上網再睇返馬醫生個Blog先知，
試過打去診所，想再問清楚醫生，不過護士話醫生好忙，
唔會有時間俾我再問，一係等手術前醫生會解釋，唔係就做booking睇醫生再問

咁我唔知點算，唯有上嚟問lor...

Melon 發表於 2013-4-15 06:16 PM
就算仔仔有個窿，我都係咁錫佢
我係只怕仔仔有個窿會對佢日常生活有影响，

放心啦!!

以上你講咁多點,無一樣有影響~~  佢同正確兔仔無異,只係耳仔少左一小塊一小塊軟骨咋。完完全全無影響到佢同我地既生活。

5個月前粒粒之前既情況同你一樣，我最後揀左馬醫生既方法，另外既方法覆發機會較大、而家粒粒已經完全好返晒，所以唔使太擔心、不過手術越快做越好，粒倉會爆。

做手術切除膿瘡 大約要幾錢?

都係做手術啦

差不多6000，未計覆診

唔好意思，因為仔仔做完手術，呢兩日掛住照顧佢，冇時間上嚟
佢做咗手術啦，好心痛，見到佢好似好唔鍾意個頭套，阻住佢洗唔到臉，成日想整甩個罩
我又唔係好識喂佢食草粉，每次梗硬喂佢，但又驚整到佢，都唔知點好
佢今次做手術用咗$7600(連埋約一個星期藥)，除咗做耳瘡之外仲剝咗兩隻牙仔，加埋醫生話佢麻醉嘅時候唔係好穩定，另外加咗啲藥，所以會貴少少

Melon 發表於 2013-4-19 11:24 PM
唔好意思，因為仔仔做完手術，呢兩日掛住照顧佢，冇時間上嚟
佢做咗手術啦，好心痛，見到佢好似好唔鍾意個 ...

唔使擔心,做左手術就好!我仔仔兩個星期前手街都唔穩定,打左兩支強心針。

我仔仔左腳做完手術要包住,佢都R唔到痕都撩唔到耳屎,我一覆診就叫馬醫生幫手撩耳屎。睇到佢咁真係會有D唔忍心,不過為左佢地好, 唯有摸多D佢 氹佢多D。

佢係果種一定要bb咁抱佢先食到藥o既兔仔。我用毛巾包住佢,佢走唔到又安全。
有咩問題打返去診所問馬醫生啊~~