我隻兔仔絶育後兩日都唔食嘢!點算好?

我隻兔兔16／4絕育，已經兩日仍然唔食嘢!強迫性餛草粉又全部整番出嚟!今朝已經去覆診，醫生話要繼續餵草粉，但佢死都唔肯食!點算好?

草粉有擠到入口嗎？
如果有食開菜，可以俾埋菜佢食

其實都係要比草粉兔兔食,若果兔兔有食開菜,食菜都得,同埋要哄兔兔食草,搵d草了下兔兔,我果陣兔兔唔食草,我就搵草了兔兔個口,兔兔唔耐煩都會食幾啖,果陣我維持左成個星期,兔兔之後先肯食返草~

唔可以由得兔兔唔飲,唔食,確保個針口隊左入兔兔個口裡面,之後就慢慢o即比兔兔食

無咁易，你望唔到時，佢應該有食少少
相信慢慢餵口會好

唔該哂各位!我會嘗試!

佢肯自己食野未呀？餵佢食成功嗎？

我隻兔兔絕完育之後2日都唔育食野...餵草粉佢都唔肯食....抱住佢餵..佢唔肯食都夾硬餵佢食少少...針筒放係佢咀邊角落放入去..係咀角唧支針筒...佢濕濕地個咀自然會舐...不過自己個身同佢個身都預左會DIRTY..餵完先慢慢清潔...佢自然會食...不過慢慢餵...小心咽親佢...之後放D菜同草係佢個籠度...除左餵水同草粉外...其他時間盡量少D騷擾佢...第3日左右佢會自己食菜同草...慢慢會恢復胃口...另外驚佢唔食野會腸停既話...餵D益生菌水/膏比佢食...獸醫/寵物店有售...不過如果佢肯食草粉/餵到草粉比佢食...都已經OK...最緊要睇佢有冇便便....我隻兔仔成9個鐘先便便1-2粒...又唔肯食野2日...我初初都好擔心...之後見佢慢慢自己食返菜同草...比DD耐性...佢3-4日會恢復胃口...

有D人話草粉D味好難食...佢地會抗拒...可以整少少新鮮菠蘿汁開草粉比佢地食...易D接受!餵到2-3支已經OK...可以分幾餐餵佢地...我都係餵2-3支...唔肯食過一陣再餵過...同埋放D香D既草同香D既菜比佢地...我發覺佢地好中意食西芹...西芹又香佢地又中意食...可以試下用D西芹引佢食...

前排牙Dee腸停，都唔願食野，要食草粉(之前係九龍動物醫院買佐包香蕉味草粉，因為Dr.Betty話兔仔會鐘意食呢隻味多啲)之後牙Dee都好鐘意食
不過之後帶牙Dee去睇梟史丹尼獸醫診所Dr.Hugh's，之後都係要食草粉，醫生話每一日要餵兔兔食60或70枝草粉，分三餐餵，姐係每餐餵二十枝(因為醫生話唔知牙Dee幾時會肯食草同食佐幾多草，所以就算佢有食草都要餵佢食草粉)(因為牙Dee當時已經有體重下降即像)
同埋草粉(醫生見議食原味，因為其他味嘅草粉加有香精！唔係咁健康)
現在我牙Dee情況轉好了，可慢慢減少草粉份量，用四天時間去減，第五天完全停草份！因為醫生話要慢慢停草粉，等佢適應到！

你記得要打電話去診所講返兔兔嘅情況，俾醫生知道