素素受驚唔like俾人抱??!!

請問大家有無試過抱兔兔時佢掙扎，之後放返落地佢好似係到震咁啊?

我隻素素係混侏仔來的，宜家4個幾月大，最初養佢時，兔協義工提我要日日都抱佢，如果唔係大個唔俾人抱的了。
我一直keep住晚晚抱佢半個鐘，但佢宜家開始大個，成日抱既時候就逃跑，走返入籠，仲試過咕我，又咬我衫袖

尋晚試下企係到抱佢，開頭抱得好地地，勁乖架....點知突然間係咁掙扎，抓到我隻手紅哂，我又好驚佢咁高跳落地會受傷，之後放返佢落地，佢去返佢個"小花園"到就伏係地到休息，但就好似好驚咁係咁震，我諗住摸返佢呵下佢，佢就跳返入籠
幾分鐘後，我諗住餵佢食2粒糧tum返佢，點知我都未開到個食物袋，佢已經好精靈咁企係到一臉天真咁望住我等食，真係俾佢激死

想問其他兔友，有無兔兔試過驚到震咁架? 混侏仔係咪真係唔like人抱架? 我仲試唔試抱佢好啊?佢宜家日日係廳做自由行，周圍霸地盤，係咁左索索右索索

送上素素近照2張，比起買返黎時已經唔同左好多，由bb素變左做紳士素


不過是2個月前，素素仲係成個bb咁，好細粒的

一睇個樣就知道一定好百厭ＸＤＤＤ　　　　你幫佢按摩下　　按摩完比野佢食下　　讚下佢　　一步一步黎　　　　　慢慢佢覺舒服又知有野食就會癡住你ＸＤ

其實細個抱真係好過大過抱　ＸＤＤ　　

我隻卒卒既情況同你一樣 抱下走下又震下。
我由得佢啦，最馬要佢開心

你無講錯...佢真係好百厭，尋晚唔知幾時咬斷左條電話線
我會試下同佢按摩再TUM下佢，但佢次次都係食完即閃咁，無佢乎
你地通常點同佢按摩架，佢細個時細膽，我成日放佢係手提籃之後坐係SOFA同佢玩，點摸點按都得
宜家就成日走頭lor，特別係按佢肚仔時...所以我只係摸下背就算lu

我mo仔都係唔俾人抱
我採取放任主義由得佢周圍玩
最緊要佢開心就得喇{:soso_e113:}

哈~我八妹原本都係唔鍾意俾人抱
但係我呢個任性既主人堅持一日一抱
雖然每次既時間最多都係得五分鍾
而家習慣左 如果o個日無抱佢 佢會眼甘甘望住我想抱咁架

如果o個日無抱佢 佢會眼甘甘望住我想抱咁架

我都好想有咁既一日 我會努力既!