兔兔排這樣的便便是生病了嗎？

大家好！我是新手兔媽，近幾日我的囡囡(3個月大)排的便便與以往的不一樣。

她的便便是軟身的(她有時會不小心踩到便便，便便就扁了黏住籠底)，有點臭，形狀不規則，大小不一，較以前的便便細粒




我初初以為她是食得太多A草所以排軟便，但停了A草只給T草和幼兔糧她吃後，便便還沒有改善
剛剛還發現有些便便附著黏液...


請問各位兔爸兔媽，我的囡囡是生病了嗎？她其他一切如常的，還是和以往一樣吃得多、喝得多

SEE SEE
http://www.medirabbit.com/EN/GI_diseases/drop/Drp_en.htm

好大機會係  過多GE 盲腸便, 試下比少D糧佢, 可能佢汲取過多carbohydrate: http://www.americananimalcare.com/caring_rabbit_intermittent.html
不過去睇下醫生會穩陣D

睇左醫生未?

謝謝各位兔爸兔媽^^

帶左囡囡睇醫生了，dr. ma話佢係因為換毛期成日lam自己d毛毛清潔所以食左d毛塞住d腸，開左d草粉、纖維膏、益生茵，叫我多d同佢梳下毛，等佢唔洗食咁多落肚

佢食左藥排左好多便便，雖然d便便都仲係尖尖地、大小粒夾雜，但明顯多左好多大大粒的

本來佢精神好左，但今日下晝又見佢好累咁成日孵蛋，無乜點食草兼好少便便，夜晚餵佢食完藥佢過左陣就開始多便便同有番胃口

最驚嚇係見到佢食carefresh!!!其實之前都見過佢個頭仔翁落堆carefresh度，但以為佢係lam番d草碎食就無理佢，但今晚見佢真係成舊carefresh紙碎咬入口嚼嚼(今次無睇錯，因為o岩o岩清完籠，無草碎o係籠的)我即時掃走晒d carefresh......

所以我懷疑其實佢係因為食左carefresh先塞住腸胃

個為食豬咁為食呀{:soso_e134:}
咁你要諗下計仔幫下佢喇

或者買一個用膠網底既廁所
再唔係用尿片改善下啦~
{:soso_e154:} 仲要提醒下佢 叫佢唔好食墊材丫

咁真係要認真留意下兔兔,兔兔要再教育,墊材係用黎吸尿尿,唔係食既

Bube 發表於 2013-5-1 02:21 AM
個為食豬咁為食呀
咁你要諗下計仔幫下佢喇

佢真係好為食，成日聽到膠袋聲就以為有野食每次俾糧同A草佢都餓鬼投胎咁，T草就第一時間揀晒d穗穗黎食，食到個肚仔脹卜卜就倒地覺覺不過真係估唔到連carefresh都食，照計應該唔好味嘛

其實係我之前佈置個籠唔好，佢未學識去廁所，成日o係籠邊尿尿，所以我用carefresh攝籠邊吸尿(見下圖)，點知隻曳曳豬就拎黎食


試過就咁用尿片，佢又發狂咁咬條邊，仲吞左少少膠落肚....所以而家d尿片拎黎鋪底盤...= =lll

raywong521 發表於 2013-5-1 02:26 AM
咁真係要認真留意下兔兔,兔兔要再教育,墊材係用黎吸尿尿,唔係食既

佢好似仲未識聽我講野咁，有時佢做錯野，我大聲叫"NO"，佢會定一下，跟住繼續做....我打佢個pat pat仔，佢又好似唔知我做咩打佢咁，牛咁眼咁望住我，跟住又再繼續做....我都無晒佢符

睇到你個籠既佈置
邊邊位唔用 carefresh 都得呀
怕尿漬可以用少少白醋去清洗  (要過水)
平時可以係用毛巾抹走d污糟野
{:soso_e120:} D毛色好令

好鐘意你兔兔既色啊~我巳前都有一隻咁樣色既兔兔,係一隻大家兔

其實而家咁樣放carefresh,唔放都得,放多d兔兔出黎玩,可以既話換過d底板,兔兔企走平平既地面會唔舒服,同埋易有腳枕~

Bube 發表於 2013-5-1 11:22 AM
睇到你個籠既佈置
邊邊位唔用 carefresh 都得呀
怕尿漬可以用少少白醋去清洗  (要過水)

衰豬好鐘意o係籠邊尿尿，有時見到佢想尿時拍佢pat pat，佢會識去廁所尿。但我見唔到果時，佢就成時偷偷o係籠邊尿，通常朝早起身同埋夜晚返屋企就會見到籠邊濕晒

呢個搗蛋鬼試過幾次跳入草架尿尿，我已經換第四個草架了。由最初既Jusco $12 鐵籃到之後既月餅盒同膠籃，總之佢pat pat坐得落既佢都會跳入去尿尿卒之要買個扁身既佢個pat pat唔夠位塞落去既陶瓷草架先解決到個問題

我日日清籠都有用白醋抹佢尿尿過既地方(除左廁所)，但就無過水，唔知係咪就係漏左呢個步驟所以佢仲聞到味，又o係果d地方尿番呢

我都好少見呢隻色既兔兔，但買佢果陣最吸引我既係佢既大眼睛同長長睫毛，好羨慕

raywong521 發表於 2013-5-1 12:57 PM
好鐘意你兔兔既色啊~我巳前都有一隻咁樣色既兔兔,係一隻大家兔

其實而家咁樣放carefresh,唔放都得,放多d兔 ...

嘻，通常少有d既色都好受歡迎

而家無放carefresh o係籠邊了，但每日清籠都用多好多廁紙抹佢d尿，日日d尿都多到水浸咁，流唔到落底盤既就留曬o係籠邊條隙，臭bun bun我物色緊個平底既新籠，暫時加左塊雲石板同草席等佢訓得舒服d先

在家既時候放兔兔出黎玩多d啊~兔兔會好開心架,仲有可能會跳舞添

raywong521 發表於 2013-5-2 09:39 PM
在家既時候放兔兔出黎玩多d啊~兔兔會好開心架,仲有可能會跳舞添

有啊，每日都會放佢出黎一陣，第一次放佢出黎佢就跳兔仔舞，好可愛
而家佢慣左出來玩，日日一到咁上下時間就咬籠門，嘈住要出黎，以前佢好乖乖唔會咬籠的

sweet0122 發表於 2013-5-2 09:57 PM
有啊，每日都會放佢出黎一陣，第一次放佢出黎佢就跳兔仔舞，好可愛
而家佢慣左出來玩，日日一到 ...

兔兔悶啊嘛~咁樣係活潑既表現,我每日返到屋企,兔兔就可以自由行架喇~郁動多d,健康啊~