嚇死我啦！！！

今日一早帶左兔兔去Dr.ma度磅重，我都知佢出街會好驚…
點知個磅好壞唔壞今日先黎壞，但係兔兔又要磅重滴藥，唯有帶佢出去磅啦！
好平安咁返到屋企滴完藥我就比佢全屋玩陣先啦，佢冇啦啦跳左上籠頂，
我諗住佢去抱返佢落黎…點知見到佢個頭側左小小，鼻又濕哂！
我即劑抱佢落黎，拎紙巾睇下佢鼻D水係咪黃色同埋係咪側頭，
用紙巾印左D水又唔係黃色，用手摸又冇痴泣泣，但個頭仲係側呀！
但我望真D，頭先好似唔係側依邊架喎！我心諗:唔通我記錯左！
我放兔兔落地睇下佢行唔行到，點知佢好像彈弓咁一跳跳左上張床再跳上張枱，
我見佢定左再望下佢個頭，又側左去第2邊！
原來佢只係側側地個頭黎望我，但我都未係好放心，所以繼續望住佢玩，
望左成個鐘，最後結論係………
佢鐘意望高嘅野果陣側住黎望…跑果陣好似支箭咁仲好直好穩陣，跳高更加服左佢！
好彩我間房地下有哂軟墊，同埋佢一跳高我就跑去抱返佢！
我後來再摸個鼻仔已經冇再濕！
真係比皇帝嚇到腳都軟，呀媽我心血小呀！唔好嚇我啦！

心血少啲都唔得

HAHA...心血少...
我MO仔頭先一路DUM地一路跑又一路跳
我都俾佢嚇餐死
以為有啲咩危險野

wesky 發表於 2013-4-29 05:17 PM
心血少啲都唔得

一睇到佢側左頭果幾秒我真係成個人呆左個心離一離呀

freeling820 發表於 2013-4-29 09:58 PM
HAHA...心血少...
我MO仔頭先一路DUM地一路跑又一路跳
我都俾佢嚇餐死

做兔爸兔媽真係心血小都唔得，一個好可愛嘅動作都會嚇到暈