洗耳問題

大家好，我有個關於洗耳既問題想問下大家。m(_ _)m
我同我隻bb(傻蛋)睇完醫生。
因傻蛋係bunny仔，醫生發現佢兩隻耳仔內都有菌，叫我幫佢洗耳同滴抗生素，等下個禮拜種菌報告結果出黎再睇下咩情況。/_\
但問題黎啦，我幫佢洗左2日，佢愈黎愈抗拒我搞佢耳仔，我開始懷疑我唔知有冇滴錯。xox
因我見到佢耳仔內有兩個洞，我滴左接近頭個邊個，我想知我咁樣岩唔岩?
同埋有d抗生素痴左落d毛到，我搵濕紙巾先抹再用乾紙巾抹，都仲係有d抹唔到，
之後仲要做d咩會抹得乾淨d?

給傻蛋的話：
對唔住，係我既照顧不周，你先會咁。orz
我希望盡我能力去醫好你，但有時會怪自己，害怕比唔起你d醫藥費，那種冇力感讓我很想哭。有時會想你若果比有錢人收養或許更幸福也說不定。傻蛋 Mama love u.

你試下用毛巾輕輕覆蓋係兔兔頭上,遮住眼睛會無咁抗拒
你包春卷包實,洗耳水要滴滿耳道(滿既意思係就咁睇都睇到洗耳水)
再用毛巾輕輕覆蓋係兔兔頭上,輕壓耳根三四下,再放手
等兔兔自己fing走洗耳水
因為頭上同身上D毛巾會幫手擋唔少,一般洗完耳都只係耳廓D毛濕
用棉花球印乾就好

另外你唔使咁自責,耳仔有菌可以係長期感染,但而家先發出黎(即有機回未接兔兔返黎之前就中左招)
而家有睇醫生同洗耳,一個月左右,好快就好

因咩事要睇醫生??  耳仔得一個窿, 近頸果邊, 伸入d 再擠藥

食野少左(近幾日發現原來冇咩點莖食晒葉)
飲水少左，尿小左
屎屎細粒左(但醫生見到d屎話幾正常健康。。但真係細粒過依前)
之後睇醫生，check到兩隻耳有好多菌，仲係白色黏液，唔正常。
當時已經好驚，因近排睇到一個blog(拖肥)，個主人好悉心照料。
我只不過係一個打工仔，一日一半既時間都比工作霸佔。
當我聽到醫生咁講，我好驚傻蛋側頭，我唔能夠好似個位主人24小時都陪伴佢身邊，我好驚到時佢好辛苦，而我又不能在身邊照顧，想到便想哭了。

HSY 發表於 2013-5-2 07:37 AM
食野少左(近幾日發現原來冇咩點莖食晒葉)
飲水少左，尿小左
屎屎細粒左(但醫生見到d屎話幾正常健康。。但真 ...

你睇左邊位醫生?? 耳仔發炎可大可少, 你睇下專欄有篇文章可以參考
http://petkd.net/article-289-1.html

我睇左la個post.
紅磡獸醫診所，我諗住等埋星期六覆診個結果睇下嚴唔嚴重。
之後想轉睇dr. Ma 但通常要提前幾耐預約?

HSY 發表於 2013-5-2 03:45 PM
我睇左la個post.
紅磡獸醫診所，我諗住等埋星期六覆診個結果睇下嚴唔嚴重。
之後想轉睇dr. Ma 但通常要提前 ...

最好快啲，打去問左先
我波波以前眼潰瘍係紅磡拖左兩次覆診都唔好

咁我想問佢既種菌report準唔準?

HSY 發表於 2013-5-2 06:30 PM
咁我想問佢既種菌report準唔準?

答你唔到, 未試過係果度種過菌, 應該 okay 瓜

其實都唔洗諗得太灰,頭痛醫頭,腳痛醫腳,我地人都會有病有痛~

就算兔兔跟著個有錢人,但都唔等同有錢人會比錢兔兔睇醫生,會關心兔兔,照顧兔兔,養寵物最緊要有愛心,睇下有無屋企人可以幫下你,你和兔兔都要加油呢~

開心d~兔兔會感受到我地既情緒,最重要係珍惜大家一起既時光

raywong521 發表於 2013-5-4 03:28 PM
其實都唔洗諗得太灰,頭痛醫頭,腳痛醫腳,我地人都會有病有痛~

就算兔兔跟著個有錢人,但都唔等同有錢人會比 ...

多謝關心=]我自己獨自照顧
家人幫唔到我
所以有時都d辛苦 先會咁灰
我會努力嫁啦0,<b

Carman 發表於 2013-5-4 09:44 PM
你試下用毛巾輕輕覆蓋係兔兔頭上,遮住眼睛會無咁抗拒
你包春卷包實,洗耳水要滴滿耳道(滿既意思係就咁睇都睇 ...

D洗耳水真係要滴滿?！0口0
我見佢寫滴一滴 —、—

更新：
覆診時醫生比返個種菌report比我睇，話佢開岩左隻藥繼續滴返上次開既藥就ok.

但個問題黎啦/-\體重輕過上次，
胃口依然都係唔係幾好。今次佢又睇到舌仔有d損 maybe痛所以唔多食野 開左止痛
過左幾日都係差唔多 胃口都係冇以前咁好 佢地睇個時話再唔好就x-ray
我心諗你照埋都唔知咩原因咁點算
基於金錢問題 我都係搵大家兔友信得過既dr Ma睇下咩原因
所以book 左dr ma禮拜六 希望搵到原因啦
若果真的找不到 照便照吧 但希望係有限既金錢 用得其所 /-\
加油丫 傻蛋<3

一路做一路學

HSY 發表於 2013-5-7 03:32 PM
D洗耳水真係要滴滿?！0口0
我見佢寫滴一滴 —、—

滿,滴一滴fing唔走污糟野
你支野應該係好大支下
當然,如果有疑問一定要問番處方醫生