兔兔去完兔協寄養後嘅改變！！！

話說上個月16~19號因為我要離開屋企3日，所以將兔兔放左係兔協！
到我返到黎接返兔兔之後我發現兔兔食草小左，
平時佢可以食到2個體型，計埋A草!
依半個月食小左大約半個體型，仲要有時唔夠！
我當然好擔心啦，帶佢去Check又冇問題，屎尿都正常！
但我都好擔心佢會愈食愈小，所以我依段時間都不停諗方法令佢食多D，
不過都冇用！
但前幾日我忽然諗起佢係兔協果陣D草係放下地下食，
我就將草架一半草放左係籠地下，佢果然好快就食哂地下嘅草！
對草架D草完全冇興趣！
尋日我直頭拆埋個草架直接放草入去，佢食草嘅份量比之前仲多！
唔計A草都有2個體型份量！
屎蛋仲超大粒呀！
所以我想同大家講，如果可以的話放草係籠嘅地下比兔兔食啦！
我搵左好多資料同埋問人都話如果放草係地下可以增加兔兔食量！
佢食多D草都健康D!

以上只係我個人感受同參考網上資料！
不喜勿插！

其實放係地下食係舒服好多  食多D係正常    係草架食有時好辛苦

花芝媽 發表於 2013-5-10 01:36 AM
其實放係地下食係舒服好多  食多D係正常    係草架食有時好辛苦

佢食得開心同埋健康我就開心啦

如果兔兔食食下係啲草上面疴尿咁點算{:soso_e122:}

MIA 發表於 2013-5-10 04:18 AM
如果兔兔食食下係啲草上面疴尿咁點算

以下只係個人意見
其實兔兔好聰明架，只係搵唔搵到一個岩兔兔嘅方法去教！
因為每隻兔兔都唔會完全一樣，所以教佢嘅時候要比d耐性！
我不嬲都唔會鬧同打我隻兔兔，我用嘅方法就係…
如果佢做錯野or 尿錯位我就會比佢聞下之後話比佢聽點先岩…
跟住捉佢入出街袋直到我汁好哂d野清理好個籠先比佢返入籠！
幾次之後佢就知咁做會比人關住！順便一提，個袋我唔係用黎同佢出街！
同佢出街我有另一個出街籠！

我隻兔之前係好中2禽上個草架食草，直頭係超愛，佢而家就懶左5肯用草架！我刀係就咁將d草擺地下任佢食雖然佢識去廁所但有時貪方便刀會就咁疴係d草到，唯有勤力d清潔同再俾草佢

我都無用草架好耐，放地下兔兔食得舒服啲

我有一隻兔囡，佢就好鐘意企起身兩隻手禁住草架邊邊係到食草，又會張啲草推晒落地下食之後坐住啲草就尿尿，但佢自己係出面玩玩下都會好叻叻自己走返去廁所到尿尿！唔會係出面尿尿！

我有一隻兔囝，佢就懶啲，鐘意扒係地下食草，佢有時走出泥玩果陣會周圍尿尿，有時就係廁所尿尿有時就周圍尿尿

我都冇用草架好耐啦，卒卒都係鐘意放晒d草起地下慢慢食，痾尿會痾起廁所架嘛

wmlynlyn 發表於 2013-5-10 09:29 AM
我隻兔之前係好中2禽上個草架食草，直頭係超愛，佢而家就懶左5肯用草架！我刀係就咁將d草擺地下任佢食{:3_7 ...

我一見佢屎屎亂柯我都會清理個籠…我好驚佢手腳唔乾淨

wesky 發表於 2013-5-10 09:46 AM
我都無用草架好耐，放地下兔兔食得舒服啲

絕對認同

MIA 發表於 2013-5-10 08:42 PM
我有一隻兔囡，佢就好鐘意企起身兩隻手禁住草架邊邊係到食草，又會張啲草推晒落地下食之後坐住啲草就尿尿， ...

我頭一日洗籠洗左9次…真係要好有耐性同勤力先得
不過之後會覺得絕對值得

DomDomPig 發表於 2013-5-10 11:00 PM
我都冇用草架好耐啦，卒卒都係鐘意放晒d草起地下慢慢食，痾尿會痾起廁所架嘛 ...

我希望qq 以後都好似卒卒咁乖啦

rannes.qq 發表於 2013-5-11 02:51 AM
我頭一日洗籠洗左9次…真係要好有耐性同勤力先得
不過之後會覺得絕對值得 ...

因為我好多時間都唔係屋企，所以係鋪尿墊嘅！都有試過一日換5塊尿墊

MIA 發表於 2013-5-12 10:10 AM
因為我好多時間都唔係屋企，所以係鋪尿墊嘅！都有試過一日換5塊尿墊

我一唔係屋企都會鋪定尿墊…我驚我唔係度佢又百厭