年紀大的兔

我隻兔女8歲..自從另外一隻比佢細兩個月的兔女係5月尾過左身之後我就每日開始擔憂好快就輪到佢
近排見佢瘦左, 食野又少左, 便尿都正常, 食草就冇咩興趣,只係食T草D花OR 比較軟身的草(有時)
會唔會換草佢可能會食多D?

其中一隻兔兔走左,還在的兔兔會很受影響,我之前果對老兔,其中一隻走左,另外果隻都立即百病纏身,跟住幾日後走埋,明明之前係一隻無病既老兔,心情影響兔疫力,生無可戀,佢地係同胎既姐妹,由細到大都一齊~

我覺得身為主人要振作,盡量開心d,因為兔兔會感受到我地既擔心,負面情緒,雖然身為主人都會唔開心,但係兔兔死左個老伴,比人更加傷心

至於轉草,都可以試,但要轉的很慢,每次只能很小的滲入,兔兔老了,老伴又走了,兔兔要慢慢適應~

同埋若果可以多d時間係屋企,多d同兔兔玩,唔好比佢成日悶悶不落,多d互動,其實咁樣大家都會好過d

你有無帶你的兔兔定期做body check?若果兔兔唔食野,就要餵草粉,無左個伴同兔兔爭草,食草小左係在所難兔

有多D陪佢, 不過佢有D唔係咁正常, 今朝到而加都冇便便, 又咬牆@@
上網ORDER左D新鮮GE T 草, 希望佢會中意食><
不過頭先佢唔知點解係到DIG佢D PELLET,搞到個籠亂晒,係唔係又唔中意食D PELLET呀

年紀大的兔仔,身體自然會有小毛病。

老兔食少o野的原因好多, 可能未必全關老伴去世事。可能佢肝腎機能比年青時差o左, 牙仔都唔及以前利同有力。要對症下藥, 要睇醫生check下,你隻兔仔係咪要食三寶、草粉,甚至要加alfafa或者轉second cut.

冇錢帶佢去睇醫生>_>... 而加開始便便, 可能食野少左,D 便便數量都比較少, 不過頭先佢D尿好奇怪..水一樣,冇咩色, 同堆帶油係上面 @@

skysblue 發表於 2013-6-9 11:50 AM
冇錢帶佢去睇醫生>_>... 而加開始便便, 可能食野少左,D 便便數量都比較少, 不過頭先佢D尿好奇怪..水一樣,冇 ...

body check只需約$250

skysblue 發表於 2013-6-9 11:50 AM
冇錢帶佢去睇醫生>_>... 而加開始便便, 可能食野少左,D 便便數量都比較少, 不過頭先佢D尿好奇怪..水一樣,冇 ...

直接少少講句,難以相信你已養兔八年。

你需知,當一隻兔仔年紀開始老邁,佢o既使費會越來越多,這是一個常識吧?  你而家搞到佢臨老過唔到世, 你唔好諗住o係論壇度問下會員,我地就可以做醫生幫你解決問題。你講咁多o野,我地都係得一個結論：帶佢去睇醫生。

唔該你做個負責任的主人,花幾百帶你隻兔仔去睇醫生吧!

你養左對兔兔八年,八年不是一過短時間吧.....你居然話無錢帶兔兔睇醫生?你有無人性啊?

body check只需要2,3百,對兔兔付出小小金錢,不是那麼難吧?

兔兔有病就要去睇醫生,更何況係年紀大左既兔兔

我自問這八年多已經很努力做一個好主人。坦白講由細到大我冇帶過佢地睇醫生同埋未 絕育過但係我已經盡力咁令佢地生活開開心心，一有d  唔正常我就立刻上網查or 揾有咩其他方法可以幫到佢地。 過去個八年佢地仍然健健康康同埋比其他普遍兔仔較長命。 係外國住兔仔睇醫生唔只2百3百

請別因為我不能帶佢睇醫生就否定我對她們的愛，好嗎

認真講我哩段野真係喊住黎打。 我諗起我另外死左ge 兔兔係emergency個晚。。佢ge 心跳呼吸停止同埋佢ge 尖叫。。。 每晚我都會諗起。。醫生話佢唔會過到今晚。。 要醫要大約15000 hkd 同埋係冇保證。。. 我地都選擇帶佢番屋企。 我頭兩晚真係未訓過。。Check 住佢因為我知道我俾唔到醫生佢。。我只可以自已照顧佢。 自已出去買藥。。。所有方法都係上網查。。兩日之後佢表面已經好番但係我要留大學陪唔到佢。 十日之後又一次seizure就過身了

其實到論壇我都知道大多數回復都係'睇醫生' 但係我覺得如果有一絲希望我都會問會試。 同埋經過上隻兔仔過身之後我已經預備好。 就算有再好ge 醫療都敵唔過生，老，病，死 哩個'老'字

我養佢地ge 時候應該係12 歲。。。哈。。頌記得我要同呀媽洗足一個月碗先俾我養。。初時又點會開始要計睇醫生哩樣野。只係知道我終於可以有寵物就開心死。。哈。。哈。。。 過去咁多年我真係好開心有佢地ge 陪伴。。。 我而加真係有心埋準備。。無悔了。。。

愛不是用把口,是用行動的。你雖然好愛你對兔仔,不過現實就係你無錢,俾唔到醫療佢地。無論多愛他們也好, 現實就是枉然的。你對兔仔可以生存到八歲,坦白講,係佢地超級好彩,并不代表你過往做的一切,包括上網查資料搵方法,同埋自己買藥是正確的。

如果你真的愛佢地,你一定有想到自己的經濟能力、居住條件等多方面因素,你一定有想過吧? 不能因為一句自己住外國,醫療費高又係學生,諸如此類的原因而找藉口吧?  我們住香港, 賺得不多, 醫療費也沒有你想像中的便宜, 分分鐘是一個普通打工仔一個月的人工。坦白講, 我個人一直覺得學生要養小動物,尤其是得不到家人經濟support而因為一己私慾而養小動物,是一種不負責任的行為。

可能呢度的哥哥姐姐語氣係重o左D,叫你一定帶兔仔睇醫生。不過,.你都要明白,你一句話"我無錢帶佢去睇醫生"來回覆,確是令人感到沮喪。

八歲已經很了不起,我也佩服你家兔仔的生命力,好好地陪佢走過餘下的日子吧!

skysblue 發表於 2013-6-9 11:50 AM
冇錢帶佢去睇醫生>_>... 而加開始便便, 可能食野少左,D 便便數量都比較少, 不過頭先佢D尿好奇怪..水一樣,冇 ...

兔兔無胃口, 而且仲瘦左, 原因可以有好多, 有機會係因為之前既兔兔離去影響, 更大機會係健康出現問題, 年紀大因素, 唯一辦法, 就係去睇醫生, 唔係再耐d, 好難補救

而尿亦係反映兔兔既健康狀況, 如果尿尿好似水咁既色, 好大可能係腎病, 而且已相當嚴重

skysblue 發表於 2013-6-9 03:57 PM
我自問這八年多已經很努力做一個好主人。坦白講由細到大我冇帶過佢地睇醫生同埋未 絕育過但係我已經盡力咁 ...

你12歲開始養佢, 而家佢地8歲, 即係你有20歲, 你亦知兔兔年紀大, 就應該平日準備好基金, 以應不時之需

無論你仲讀書又好, 做野亦罷, 你可以勤力去做多幾份part-time, 預備好錢, 唔係一句
冇錢帶佢去睇醫生" 就可以了事

老實講, 香港唔係你所講醫療費比較便同幾百蚊就可以, 遇到較嚴重既問題, 一次要幾千蚊, 醫好要過萬, 有可能係幾萬
我本身都有養年老既兔兔, 佢地一樣有健康既問題, 我都一樣做兩份工準備多d基金以防不時之需, 好多野事在人為

兔兔唔舒服, 唔訓去照顧係責任同本份, 你只係做左份內事, 唔好話兩日唔訓, 就算兩個星期都要架啦

我睇完你依段野都好想喊, 想喊并唔係覺得你對兔兔有幾好, 有幾感人, 而係感覺你兩只兔兔真係好慘, 非常之慘, 點解佢身受重病, 而主人認為即使佢死, 都好似理所當然, 希望你認清一個事實, 你既兔兔唔係老死, 而係因為無儘力去醫而病死, 因為失救而死

你當然無悔, 因為你根本唔認為有事唔醫有問題, 認為上網問下人,  就認為已儘左力, 但事實并不是如此, 兔兔同人一樣有病, 有事都需要去睇醫生, 唔係隔空問下人同去買藥就可以好返, 如果係仲需要醫生咩?

請反思, 如果一個有絕症或肝腎病既人, 係咪可以上網問下人, 唔需要去醫就可以好?  如果係你身邊人, 你仍會用依種心態去面對

你一直無同佢去睇過醫生同做絕育, 只係佢地堅強, 幸運, 但并唔代表你無問題, 亦唔係佢有事都唔去醫係岩

你既然知道無能力去醫兔兔, 而醫療費你無法負擔, 在此, 我真心請求閣下高抬貴手, 以後唔好再養任何小動物, 以免往後又一句無錢醫佢地, 又令佢地飽受患病折磨同失救而死

losing a friend is not easy for old guy