新手

我接左隻賓尼兔女番屋企一個禮拜多啲, 佢依家有10 WEEKS 大,
佢已經識去自己個廁所, 但對四圍環境好驚青, 成日登大對眼望人,
訓覺會母雞蹲, 但唔會合埋眼, 又成日訓係個廁所度,
佢個廁所我用左木屑鋪,
因為我係澳洲住, 依家係冬天, 唔知係咪訓木屑會暖啲,
整極都唔落黎訓, 我又見佢食啲木屑,
見到有人講話如果佢食廁所墊材, 就要換左佢, 但佢唔係食好多, 間唔中食,咁使唔使換?
因為我買左20KG木屑, 我又唔想SIDE左佢.

另外佢又好鬼死惡, 會咬人,
我之前幫個朋友看隻賓尼兔仔兩個幾月, 佢一歲大, 但好乖,點整佢都唔咬人,
我呢隻女已經咬左人幾次, 點知點對付佢好...

咬方面，我諗比多d時間摸下佢同佢傾下計聯絡下感情，我有隻養了10個月都唔太show我，有時嫌我煩或唔高興仲會抓我咬我，慢慢來吧，比d耐性唔好心急

兔仔係primary consumer,因此佢地好defensive. 既然你都睇得出佢好驚, 即係佢仲未適應你家環境同生活節奏。 你地有無好心急想抱佢,所以佢先咬人? 佢唔會無啦啦攻擊人架!

千萬唔好覺得人地隻兔仔點點點,之後你就順理成章地認為你隻兔都應該要點點點先正常。兔仔隻隻性格都唔一樣,唔好羨慕都唔好將其比較。你試下唔好咁心急搞佢, 由摸佢頭開始取得佢信任。摸佢頭先前,要輕柔地叫下佢個名,再慢慢摸。

唔好俾木糠佢食啦! 你都見到佢食, 如果你行開左佢食幾多,都predict唔到。BY THE WAY, 點解廁所木糠都食到?

抱佢, 佢又冇咬,
但幫佢執屎同糧兜個時佢就撲埋黎, 雖然細力,但我怕佢越來越大力.

我買個個廁所係冇格, 得個兜, 我放啲木屑係入面吸濕同吸味

你幫兔兔換野果陣,可以叫兔兔出黎玩,個籠係兔兔個地盆,佢咬你,打你係保護自己既地方~

加上兔兔跟你返屋又唔係好耐,驚係好正常,你驚佢第時會越來越大力,其實,兔兔仲驚過你啦~

每隻寵物都有自己既性格,唔能夠羅你朋友隻兔來做比較,就好似人咁,有唔同既性格

樓主可以多D爬文,養兔有好多小常識,地盆意識只係其中一種而巳

好的, 多謝意見~~!

建立信任就唔咬

耐性，愛心，急唔黎，當兔兔感受到被愛錫，佢地自然會對你好信任，好乖好嗲