我隻兔兔又血尿喇...點算 開刀定唔開刀好?

佢係女仔(灰色),2008年2月帶佢返黎,現時5歲半

1.睇醫生經驗:
   前幾年睇過醫生,
   血尿問題,之後
   (冇記錯好似係食日本糧,少食草,同少飲水引起血尿問題)

2.今次問題都係血尿
   兔兔
   狀況:尿液(一舊黃色既雲中間有朵紅色既雲)/透明紅的血水
   時間:大約於2013年6月21號左右,觀察左幾日以我所見於,6月21,25,30&7月1 發現血尿
   絕育:未
   胃口:良好
   行為:唔知係咪血尿令佢痛,成日縮埋一舊
   睇醫生:於6月30日中午去看了DR.MA,話要開刀切除子宮,
   費用:但手術費太貴(絕育手術+CHECK 好多野),驗血,X-RAY,切片化驗,藥,鹽水,等


同埋兔兔高齡應唔應該比佢涯呢一刀?同埋有乜解決方法?

血尿應該係腎/膀胱出事...
但點解醫生會提議切除子宮?
係咪你隻兔身體有其他毛病你未搞清楚? 例如係子宮癌/生殖器管有事...
不過無論係泌尿系統 or 生殖器管有事, 都可以好大鑊甚至冇命...
你最好再去同醫生 double check 下到底佢而家邊度有問題同究竟係切除乜野
不過無論如何, 你上面講既 checking list, e.g. 驗血, X-ray, 切片化驗, medicine, and isotonic saline 係一定需要架...
同埋最多都應該係 HKD 3500-4000 max 左右(應該大概 break-down 如下: ~HKD 1000-1200 blood test, ~HKD 500 X-ray, ~HKD 200-300 化驗, ~HKD 500 吊鹽水, ~HKD 1000 麻醉藥)...睇邊個獸醫都應該差唔多架啦...
貴都只可以話因為獸醫不嬲都係 over-charged 既, 所以冇辦法
只睇你覺得究竟錢對你緊要啲, 定還是無論如何都會喺你身邊陪你, 度過好多時光既寵物條命仔緊要啲...
如果係後者, 呢啲錢就唔好慳啦
快啲帶佢睇醫生做手術啦!

做絕育手術+埋上面我打果幾樣野一個PACKAGE(因為兔女通常都係子宮有事).....咁先可保佢生命,但係話曬都5歲幾...做定唔做好?

兔兔因乜事要成個子宮唔要？有瘤？

五歲半嘅兔，話大又唔係話好大，呢個手術做唔做係你嘅決定，我唔敢負呢個責任幫你決定。但，係咪當初閣下無決定幫佢絕育，以致佢而家搞成咁？

果陣唔識嗎...E+屋企兩隻兔兔,細果隻PLAN緊去做絕育...我知血尿可大可少...有冇方法減徑痛楚,不用受開刀之苦?錢已PREPARE....但驚一刀送命

leochardy 發表於 2013-7-1 11:38 PM
果陣唔識嗎...E+屋企兩隻兔兔,細果隻PLAN緊去做絕育...我知血尿可大可少...有冇方法減徑痛楚,不用受開刀之 ...

既然錢已PREPARE, 先做檢查, 確定係咩事先再決定
除左咁, 無咩可以做到

BTW 驗過真係血尿?

我屋企有隻七歲既兔女，前主人無幫佢做絕育，後來有乳腺瘤兩年前先做手術。不過因為年紀都算老兔，要食D保健品，每個手術都有風險，但為左兔兔，我會選擇做手術。唔做既話，兔兔會好辛苦，自己又擔心。博下吧，比多D正能量兔兔，無事既。加油。

leochardy 發表於 2013-7-1 11:34 PM
做絕育手術+埋上面我打果幾樣野一個PACKAGE(因為兔女通常都係子宮有事).....咁先可保佢生命,但係話曬都5歲 ...

聽你咁講, 咁可能醫生既 priority 係幫你隻兔做 blood test 同照 X-ray 去 check 左 kidney + bladder 先, 然後再順便幫佢做絕育切子宮...
建議你去了解一下, 又或者再同醫生傾下
如果真係, 咁我覺得應該先醫好泌尿系統毛病, 然後再做絕育...
咁樣一黎兔兔唔駛一下子受咁多苦...
二黎你又唔駛一鑊過攞幾千蚊出黎

搞左我成成个个x(月月

係幾幾千…大半份份糧，係要比！呢排比隻兔搞到我我精神病病

生命無take two,兔兔條命係你度，等你決定。錢無左可以搵過，生命係無價。盡快同兔兔做手術吧。

我只可以講　錢冇左可以搵過　兔兔條命冇左就係冇左！
睇下對你黎講錢定係兔兔條命重要

你同兔兔都要加油呀！真的，錢可以再搵過，健康係無價的！

兔仔命得一條  無得再搵過嫁    錢有得再搵呀   

快D作好決定     病左 每分每秒都好緊要

leochardy 發表於 2013-7-2 12:07 AM
係幾幾千…大半份份糧，係要比！呢排比隻兔搞到我我精神病病

你可以同醫生了解點比較好, 做唔做手術你要自己決定

你除左睇馬大夫之外, 有需要可以問多個醫生意見

好老實講, 任何醫療都有一定風險, 無話百份百安全, 當然做手術亦唔例外, 雖然有風險, 但唔可以因為咁而去逃避

如果你因為兔兔有事而有精神病, 你應該去搵心理輔導, 我相信係你承受壓力既能力不足所引起

你只兔兔到底咩事?  佢係出血定血尿?  係兩個唔同既情況, 如果係泌尿系統問題引起血尿, 無理由用切除子宮去醫

你決定做唔做之前, 最緊要先了解清楚係咩一回事, 你一定要問清楚, check清楚先可以去做