我隻兔兔成日發脾氣!!

夜晚全屋人都訓啦, 同佢講: 夜啦~要入籠訓覺覺啦~ 之後困佢返入籠就發哂脾氣,
整亂哂d野, 整到呯呯聲, 之後就趴係度用個pat pat 對住你!


朝早去返工, 如果唔同佢講bye bye, 話今晚返黎陪佢玩, 佢又會發脾氣!

上次仲反轉個廁所, d便便尿尿倒哂出黎.... 搞到我又要執一餐....

乜d兔兔唔係好溫馴嫁咩..... 點解我果隻d脾氣咁臭嫁......

兔仔好有性格。唔放心你就試吓晚上用圍攔，攔內加塊長毛毯，我隻MOMO夜晚都好安靜，自己入籠食草和大小解,跟着多數在欄內走動。

我唔敢用圍欄, 怕佢都係會逃獄! 呢隻仔乜都夠膽死嫁! 鋪床好高都夠膽跳上去, 第一次失敗就跳第二次, 第二次唔得就跳第三次, 唔怕跌親嫁喎..... 都唔知話佢曳好定有毅力好......

我是用這種的，應該不會跳倒出外面面。 我已將大半個廳比咗佢。Around 280.00 for 4 ps.

其實如果佢乖既, 我有考慮過放養連籠都唔用, 但可惜佢曳到不得了....
如果佢有你隻兔一半咁乖就好啦~
都係時候考慮買返欄, 感謝你提供既資料~

由於觀察了一段時間，注意到兔仔真係同一般兩三歲小朋友一樣，非常非常好奇，乜野都要用口感受下，我唔會要求佢好乖，曳並非全是壞事，証明牠有活力去做佢喜歡嘅野，所以就決定用圍攔，並給了牠大部廳的位置，只留適當空間給家人出入，攔內再加塊長軟的毛毯，每每見牠吃飽草，就會走出籠，並且像乳猪上枱般的形態在攔內休息，覺得佢安心我們就開心。

哈哈~ 咁又係~ 有時見到佢會偷蘋果食我都會覺得好開心, 因為知佢好精神! 心都定哂~

兔兔係夜行動物來，佢地日頭休息，夜晚活動，所以夜晚想出來玩，或者o係籠度搞搞陣係正常的。@v@

我初初都唔知，以為兔仔同狗仔一樣夜晚訓覺的。點知晚晚隻曳豬都唔訓，係咁咬籠要出黎玩，又o係籠跑來跑去嘈嘈閉，摔碗、摔廁所蓋....我以為佢日頭訓得多夜晚太精神訓唔著，試過晏晝專登見佢休息果陣就搔擾佢，唔比佢訓，點知佢唔理我不特止，仲試過bu bu我同想咬我。之後我上網搵資料，先發現原來兔兔係夜行動物...

而家我既方法係：夜晚訓覺前將個籠推離個房遠d，等無咁易嘈醒我；收起碗、草架等易碎品，等佢只能摔草球、公仔等安全玩具；扣實個廁所，等佢咬唔郁；最重要係盡量唔好俾佢見到我同聽到我把聲，因為佢一見到我就狂咬籠，要我放佢出黎...見唔到我佢就會乖乖摔玩具、食草，最多都係o係籠跑下跳下。如果屋企無位又或者個籠無轆推唔到，可以試下夾毛巾遮住籠既周圍，等佢乜都見唔到，但記住唔好遮晒，要通風良好，唔好焗親兔兔。

兔兔其實同小朋友一樣，見到主人(爸爸媽媽)就撒嬌，想引你注意同佢玩。你唔理佢或者佢見你唔到，佢就無癮，唔會點搞搞陣，因為佢知搞黎都無用，主人都見唔到

丫，仲有就係，兔兔半夜同清晨係最好胃口的，所以夜晚臨訓俾多d草佢，佢都肚餓果時有野食都會定d，無咁曳的

我之前睇書都有講佢地係夜行性生物, 但我發現清晨既時候佢更加精神! 所以每日返工之前都會放佢出黎玩陣! 次次都會跳兔仔舞! 佢只係唔鐘意我抱返佢入籠困住佢! 如果佢自己本身係入面, 我困佢就完全冇問題!

其實佢發完脾氣, 就會趴係度唔郁唔理你! 就算我行返過去氹佢, 佢都會繼續趴係度! 搞到好似我send左十萬個message比佢, 佢都唔覆我咁!

但基本上夜晚熄哂燈, 個個返哂入房之後佢就會乖好多, 會係咁食草同飲水! 佢晚晚都要食好多野,所以晚晚都會比好多草佢! 有次我見到佢個籠仲有草就冇比佢, 點知我第二朝發現佢唔夠食, 冇野食之下食墊枓, 嚇到我拿拿林比草佢!

兔兔係好單純既小朋友, 佢地有咩感覺無辦法用言語表達, 所以, 佢會用行為去反映

你兔兔既情況, 我有只兔兔都會, 咁又有咩問題?  好少事

人都有情緒, 兔兔一樣

佢整亂野, 你咪執返好去, 佢將個廁所反轉, D便便尿尿倒晒出黎, 咪做返清潔囉

整到呯呯聲, 你咪忍下, 慢慢就慣啦, 我只兔兔有時全晚都有咁既情況, 咪都係咁

其實你所講既情況根本係濕濕碎, 根本小事到不得了, 你養得佢就要預左會有依D情況

兔兔其實係bb，時時都要我地呵呵同錫錫
要時時同仍地按摩、傾計，就算做緊野都要離遠同阿仔打聲招呼、送幾個飛吻
我阿仔開頭都係夜晚先返入籠，到後他好唔願意，於是就開始比阿仔24小時自由行啦