古惑的兔（肥肥）

一段時間無上來了，因為前排踏入換毛季節本人哮喘又發作。
肥肥已經大左好多了，今個月岩岩足一歲。
post下d舊相（d相係約兩個月前）
２個零月前有一晚，聽到廳有d怪聲，
走出去望下，肥肥無咩異樣，環望下四周，無亂到無異樣，
肥肥只係好乖訓左係梳化而已，咁就順手影幾張相啦。



影完自己番番入房睇書，回房坐低後諗諗下覺得唔係好對路，
肥肥平時係唔會訓係梳化中間，佢會訓係Ｌ型果個位，加上岩岩郁都唔郁，
平時我行埋佢身邊佢就算訓低都會坐番係度，無理由岩岩咁乖俾我影幾張相咖？！
then我行番出房，佢依然係果個位wor，我行埋去，佢依然係唔郁。
我試下推佢，佢又唔走開。


見佢古古惑惑，再試下推開佢，佢又唔郁，連推三四次patpat都唔郁。。。。。。。。
最後成隻抱起。。。。。
原來佢咬爛左個梳化，所以拎自己身軀姐住佢
（呢個係佢第一次咬梳化面，平時都只會捐入梳化底咬底下。）




話左佢幾句，佢最後入左梳化底避嫌。

朝早六點零出黎睇下佢，佢已經番番自己王位度。。。好似一隻喵咁休息。

同梳化一様色,好襯呀.

你既肥肥真係好醒我睇完係咁笑,好可愛

醒目女