古惑的兔（肥肥）

一段時間無上來了，因為前排踏入換毛季節本人哮喘又發作。
肥肥已經大左好多了，今個月岩岩足一歲。
post下d舊相（d相係約兩個月前）
２個零月前有一晚，聽到廳有d怪聲，
走出去望下，肥肥無咩異樣，環望下四周，無亂到無異樣，
肥肥只係好乖訓左係梳化而已，咁就順手影幾張相啦。



影完自己番番入房睇書，回房坐低後諗諗下覺得唔係好對路，
肥肥平時係唔會訓係梳化中間，佢會訓係Ｌ型果個位，加上岩岩郁都唔郁，
平時我行埋佢身邊佢就算訓低都會坐番係度，無理由岩岩咁乖俾我影幾張相咖？！
then我行番出房，佢依然係果個位wor，我行埋去，佢依然係唔郁。
我試下推佢，佢又唔走開。


見佢古古惑惑，再試下推開佢，佢又唔郁，連推三四次patpat都唔郁。。。。。。。。
最後成隻抱起。。。。。
原來佢咬爛左個梳化，所以拎自己身軀姐住佢
（呢個係佢第一次咬梳化面，平時都只會捐入梳化底咬底下。）




話左佢幾句，佢最後入左梳化底避嫌。

朝早六點零出黎睇下佢，佢已經番番自己王位度。。。好似一隻喵咁休息。

可愛, 我到現在都未成功抱過個頑皮仔, 見到肥肥咁乖, 好羡慕.

肥肥幾重，好似好重喎！好諗你屋企一定很整潔，否則肥肥身上一定佈滿塵，因為他周圍走！

醒目！

肥肥既生活好寫意呢~夠晒嘆

佢既毛色,同梳化好似呢~

肥肥好可愛呀真係
搵自己個身遮住真係好抵死

我用掩護色，咁個梳化咪無爛到囉！

好叻叻又識隱形既肥肥！

crystal55445 發表於 2013-8-20 11:06 AM
肥肥幾重，好似好重喎！好諗你屋企一定很整潔，否則肥肥身上一定佈滿塵，因為他周圍走！ ...

幾個月前覆診係4.幾KG...我而家諗應該有5KG或以上...
佢算細隻了

我自己住...一天盡量吸兩次塵,但有時忙就吸一次..
佢放養的....佢租左間房俾我,其餘都屬於佢既空間

肥肥好奸

佢D毛色同梳化颜色好似，容嘜易坐到佢(≧∇≦)

super4 發表於 2013-8-22 06:30 AM
佢D毛色同梳化颜色好似，容嘜易坐到佢(≧∇≦)

um.......呢個情況基本上唔會發生既,因為我既活動空間只可以係房...
個廳同其他都係佢既

super4 發表於 2013-8-22 06:30 AM
佢D毛色同梳化颜色好似，容嘜易坐到佢(≧∇≦)

um.......呢個情況基本上唔會發生既,因為我既活動空間只可以係房...
個廳同其他都係佢既

好可愛嘅肥肥 ，醒目呀！肥肥悶唔悶？我隻壞蛋兔可以教佢做壞蛋！哈哈！

好攪笑丫佢..好叻叻丫,,,扮傻丫佢

我隻兔仔...比呢間醫院拖延時間...最後死左....仲唔肯認錯.....
請求各位爸爸媽媽去我post度發言...
http://petkd.net/thread-24476-1-1.html

萬分感謝!!!!