有無人用過煙霧殺蟲劑

我屋企最近開始出現蟑螂=...=
之前住左十年都無一隻
可能因為鄰居大裝修
我想用煙霧殺蟲劑！
我會將兔仔帶去附近朋友屋企
但草、糧果啲點？(有好多包草...成12.5kg)
洗吾洗拎埋走？
同埋有咩注意？

三個鍾之後我會自己反家清潔完再帶兔仔反黎

以前有諗過, 但無用到
糧草籠放住係門口先得唔得?  或者用膠枱布/垃圾袋封住, 唔係既話籠及其它用品都要大清洗一次

應該冇問題既...只要帶兔兔返黎之前抺一次間屋...將佢D籠同用品清洗一次...
不過D草同糧就同大膠袋包好(最好用封箱膠紙封好)..咁就應該冇問題既...
我媽家之前都係咁(不過係狗狗)...只要抺乾淨就OK啦...

我自己就唔會用,因為好耐巳前用過,果陣我無養寵物,試過有一塊膠邊既鏡,個邊係渡上銀色的,都可以被那些氣體侵食到甩色,還有某些物品都有類似問題

兔兔心肺咁敏感,唔小心索到呢d有毒氣體,都驚有影響,我曾經係書上睇過,兔兔連臭丸那些都要遠離,長期聞到都會影響佢地健康

我自己就用左biokill好多年,十年以上,人畜安全.,另外配埋曱甴藥餌一齊用