草蟲問題

近幾個月發現各大牌子既T草都有草蟲問題，試過幾個方法都消滅或減少唔到草蟲既出現，又怕兔寶食左d蟲會影響健康，好煩惱

我家兔寶食開Oxbow, 但上兩個月o係Mini Zxx買既9 lbs草開箱後發現好多淺啡色類似書蟲咁既草蟲...之後我先後到過旺角Mini Zxx同紅蘿X買過包裝Alfalfa King、箱裝Alfalfa King(但佢送黎果時拆左原本既箱，改用Oxbow箱裝住...)同包裝Kaytee，都發現有草蟲問題。d草蟲好細隻，又同d草碎差唔多色，真係要夠光既環境同金睛火眼先發現到，我頭兩次買包裝Alfalfa King同Kaytee就係無睇清楚就中左招....後來專登去門市拎起包草左照右照，先發現原來都有蟲....暫時只有密封裝既包裝Momi無發現有蟲，可惜我家兔寶對Momi提唔起興趣，可能因為Momi草無乜香味@@

為免兔寶餓親，最近兩次o係I Lxxx Rabbit買大包裝Oxbow。第一次係經過見佢岩岩返貨，好多箱草放o係店度，見d草好綠好多花花，望過無蟲就買了。結果好好彩食晒成包都無發現蟲蟲。上星期又去果度諗住買多包，今次無新貨了，o係貨架拎左包望兩望見好似無蟲就買返屋企，點知返到去俾兔寶食果時先發現有蟲.....但因為已經掉過好多包草，浪費左好多錢，所以想試下有無方法可以消滅d蟲蟲

我試過放吸濕器、每日用消毒濕紙巾抹包裝袋出面同放袋草既膠箱、拎袋草去曬太陽...但第二日再打開個箱蓋都發現蟲蟲走出黎同我say hi....

各位兔爸兔媽有無遇到草蟲問題？有方法可以消滅佢地嗎？另外有無邊款牌子既草可以介紹？我上網見到有兔友反映Station X同兔協既Oxbow草都有草蟲問題，都唔知去邊度買好了...T^T

感謝各位睇晒我咁長氣既文>.<"

食開momi, 唔覺有蟲啊
D草可能在儲存方面出問題，除左換草諗唔到仲有乜方法

hh0 發表於 2013-10-28 11:34 PM
食開momi, 唔覺有蟲啊
D草可能在儲存方面出問題，除左換草諗唔到仲有乜方法 ...

我都覺得momi包裝好d又無蟲，但兔兔唔肯食>.<
係囉，最慘係一款草有開d蟲就爬埋去其他牌子d草度好似Mini Zxx咁，想o係佢度買其他牌子都唔得

我都唔覺有蟲

係一番到屋企就打開睇嗎？會唔會係你儲存方面出咗問題？因為我雖然無認真睇過D草，但每次都係我親手放草入籠嘅，從來無發現過草蟲喎，我都有去Mini zoo買過草，都無事喎

新鮮蟲烘乾，裡要有蟲屍唔出奇，不過如果係生既話，不妨放防潮包係裡面，放草都要檢查下。曾經試過有繩頭係入面。

wesky 發表於 2013-10-29 10:27 AM
我都唔覺有蟲

你買邊款牌子既草同o係邊度買？可以介紹下嗎？

Dallask 發表於 2013-11-1 01:18 PM
係一番到屋企就打開睇嗎？會唔會係你儲存方面出咗問題？因為我雖然無認真睇過D草，但每次都係我親手放草入 ...

一收到箱貨我就開箱睇了。Oxbow果次我發現有蟲就即時打去店度問，個店員話已經有唔少客同佢地反映過收到既Oxbow草有蟲，話同代理果邊都反映過，代理果邊亦check過d草先發貨俾佢地，但都唔知點解仲會有蟲。而因為張單寫到明牧草係不能退貨而我又開左箱草，所以無得退無得換......(其實唔開箱草又點發現到有蟲呢...我都好無奈.....= =)咁我只好掉晒箱草囉.....

之後又同佢地買箱Alfalfa King，點知收貨發現佢地拆左原裝紙箱，將袋草放左落Oxbow紙箱度....(可能我同時訂埋其他貨，佢地方便運送所以換個大箱...)我見到個Oxbow箱都心知不妙，一開箱果然見到箱底有蟲爬來爬去....我博一博將成袋草無開過就咁放入大膠箱...點知第二朝一開蓋就見到箱度有蟲.....應該係由Oxbow箱爬左入袋草吧，因為Alfalfa King袋草同Oxbow既一樣個袋有好多透氣孔.......咁又掉一袋了......又跌錢..=_=

兩次都係一開箱就見到有蟲，而且我之後去過旺角門市拎起過細袋裝Oxbow都發現袋底有蟲....所以之後無幫襯過呢間店了

syt174698 發表於 2013-11-1 11:38 PM
新鮮蟲烘乾，裡要有蟲屍唔出奇，不過如果係生既話，不妨放防潮包係裡面，放草都要檢查下。曾經試過有繩頭係 ...

蟲屍我唔怕，但係活既蟲，所以怕兔寶食左影響健康
有繩頭咁誇張？！放草果時真係要望清楚先得，謝謝提醒

其實d草蟲真係幾難發現，佢地一來好細隻，二來同草碎差唔多色，我都係o係紙箱同膠箱發現到先，再仔細望個袋底先睇到袋裡面有蟲。

d蟲多數聚晒o係袋底同d草碎一齊，要搖下搖走d草碎先會發現到佢地o係袋底爬來爬去。
我貼埋兩條其他兔友發現Oxbow草有蟲既網頁俾大家參考下：

兔協：https://www.facebook.com/pages/%E5%85%94%E5%8D%94-HKRS-%E9%A6%99%E6%B8%AF%E5%85%94%E5%8F%8B%E5%8D%94%E6%9C%83-Hong-Kong-Rabbit-Society/279102325152#!/media/set/?set=a.10153268764630153.1073741851.279102325152&type=1

Station X：http://petkd.net/thread-19914-14-1.html (第197, 198個post)

syt174698 發表於 2013-11-1 11:38 PM
新鮮蟲烘乾，裡要有蟲屍唔出奇，不過如果係生既話，不妨放防潮包係裡面，放草都要檢查下。曾經試過有繩頭係 ...

(岩岩回既post唔見左...唔知係咪因為連回3個posts佢block左...^^"")

謝謝你的提醒^^有繩頭真係離譜左d@@.....

有其他兔友都發現Oxbow草有蟲，俾兩條link各位參考下：
http://petkd.net/thread-19914-14-1.html
https://www.facebook.com/media/s ... 02325152&type=1

sweet0122 發表於 2013-11-2 12:06 AM
一收到箱貨我就開箱睇了。Oxbow果次我發現有蟲就即時打去店度問，個店員話已經有唔少客同佢地反映過收到 ...

咁慘？咁有無試過momi 2nd cut？我今日買咗一包，好香好綠，而且係密封的！
我都係第一次見到有兔友話有草蟲，有無得影相睇下？等我以後都小心啲留意下

兔協會唔會好d?
我係SR買開 無中伏wo

去兔協買啦!真係 便 靚 正

同一個牌子的草來自同一個出處, 應該相差不多, 但兔協有以下QC:http://www.hkrabbit.org/?p=6496

去兔協買, 等佢地有經費運作, 令一些無辜的兔兔可以生存下去..

支持去兔協買！

本來我的兔兔食開Oxbow草，但是突然草的品質變差了，囝囝的便便都無之前的大及金黃，
我和兔爸擔心會影響他的腸胃，便買了一包2.5kg的momi 1st cut，初頭兩天佢不太肯食，便混合momi同oxbow(確認無蟲子)，佢現在就好種意食momi 1st cut Tim Hay. 便便比之前更大粒更金黃。

而且，我有個相熟的兔友開了間兔兔用品店，佢亦發現25lb的Oxbow有蟲子，品質很參差，相信不是stationX定兔協賣的問題。Momi這牌子真是幾好的，至少佢keep到水準。

所以，樓主可試下混合其他草(如Mountain Grass)，相信慢慢會食的