到底食乜野草先有助兔仔牙齒？

三天前領養了兔，立即去body check，醫生話牙有小小長，唔好比糧同小食，全力谷佢食草。咁上手係比apd果園草佢食，我睇過呢度資料就話應該食T草，於是我問人比左D moni 1 cut 同自己買左包 OXBOW WESTERN TIMOTHY HAY。

結果 moni 食一條就唔食， OXBOW 係咁食，但朋友就話 OXBOW好多葉，唔係支，幫唔到兔仔的牙。我以為係T草 1cut 已經得，點知原來都有分。


1. 想請問兔友我而家仲有乜選擇？同埋點睇佢係1 cut? oxbow 好似無特別寫明係 1 cut?同埋d花花係咪唔比佢地食架？


2. 同埋應該點樣換草？係食到無先換，定放左一日無食既都就即刻換？


3. 如果moni 真係最好，係咪只放moni迫佢食？


唔該晒兔友們

Apd Timothy High Fiber 價錢好貴
Oxbow 無分 1st cut 2nd 價錢合理
Momi 1st cut 價錢合理

如果佢唔食 Momi 1st cut, 你不如比佢食住 Oxbow 先, 遲 D 先同佢轉 Momi 1st cut , Momi 1st 有花, 不過問題唔大, bB 食咗禁內都無大問題. Oxbow D 草比較多水份,碎同啡色, 所以轉咗 Momi 1st 比較香,大枝,青綠同乾身. bB 而家 d 黃金便便大大粒又多纖維

而草草放出來太內會無香味, 所以要用膠袋封好. 你要一早一晚各加一次兔兔身型大少既草比佢, 就算食唔曬都要掉.

葉都可以磨牙，飲食正常就得。避免零食。草本身有味，放一日份量，食晒再加草。

要食momi 1st,係最多枝既,但若果第一次食通常唔肯食,要慢慢轉

有枝就磨到牙， 食 Oxbow 唔係問題

其實佢地hea好多草...我會每次加少少新草溝落d舊草度....

以前俾oxbow佢地食, 不過覺得oxbow好多枯枝越食越唔靚, 之後轉左momi一直到而家, 其實好睇草質, 不過而家見momi ok咁我就無同佢地轉草喇, 佢地而家都係食緊1st cut

感謝各位意見，我決定oxbow 同 momi 溝比佢慢慢轉！

ak12345678977 發表於 2013-12-3 12:55 PM
感謝各位意見，我決定oxbow 同 momi 溝比佢慢慢轉！

成兔除咗食 Timothy hay 之外, 每日要比三種唔同既菜菜比佢食架, 可以補充水份纖維同多種維生素.一定要浸半個鍾, 浸走D農藥, 過多兩次清水之後倒曬D水, 先至好比兔兔食, 食完菜菜之後一定要用紙巾幫兔兔抺鼻鼻咀仔.鼻仔咀仔會生濕疹嫁. bB 今年4歲喇, 我每日都浸三種唔同既菜菜比佢食, 所以都好健康

兔兔可以食既蔬菜:  蕃茄、唐生菜、羅馬生菜、菜心、小棠菜、油麥菜、白菜(菜葉)、西洋菜(小心蟲)、、紹菜、通菜、莧菜