今日見到一隻無耳兔

今日喺旺角寵物便便見到隻無耳又無咗一隻手嘅殘障兔兔，真係好可憐
其實一直都想同呀B搵番個伴（唔係繁殖）
問下個sales，佢話要買野買滿＄1000就免費送，再唔係就比正價$580 orz
最衰今個月訂咗一箱timothy，無晒錢。。。
大家經過寵物便便可以睇下隻兔兔，係黃色短毛嘅，真係好慘，唔知係咪天生係咁，我掛住計下自己有幾多錢剩都無問到點解會搞成咁，唉諗起隻兔兔都心up。。。

warm_warm 發表於 2014-1-9 11:25 PM
kathy 加油呀！!
希望兔兔可以成功被救出!!
也希望karen可以收養到兔兔!!

希望能順利救出！
都好多謝你咁關心兔兔同熱心幫忙！

亦都要多謝Kathy加入幫忙！

其實我有時會響兔協，sr，mini呢幾間，其他唔買，因為佢地比較有良心
另外果幾間衰野比人睇既兔好似好乖其實好多人買左出事，所以大家養兔既唔好幫佢地買野

poorguy2 發表於 2014-1-9 11:42 PM
其實我有時會響兔協，sr，mini呢幾間，其他唔買，因為佢地比較有良心

我都係喺mini同8號兔買，謝絕五方集團

如果買野我有8折喎

可能有得同佢傾傾

JOE198732 發表於 2014-1-10 03:28 AM
如果買野我有8折喎

多謝你！我今日去問下，睇下係計折後1000定係點，多謝你咁熱心！

其實未養兔兔可以上論壇搵有需要既人，亦可去兔協，兔協一定絕左育同埋有適當照顧而且免費，養緊既同幾間有良心既店比出面平又，或者甚至上網買滿二至三百都免費送貨，何必手痕要去果d衰店買之後搞送貨，晒錢晒時間，成日去果頭都唔駛啦，mini 8號 都響果度，遠dd兔協佢地其實價錢同黑心店唔差多少，而且會撥部分去養收養左既幾十隻兔仔，仲有意義

poorguy2 發表於 2014-1-10 01:06 PM
其實未養兔兔可以上論壇搵有需要既人，亦可去兔協，兔協一定絕左育同埋有適當照顧而且免費，養緊既同幾間有 ...

我唔係為咗想養多隻兔而想要呢隻無耳兔，我係真係想收養呢隻咁可憐嘅兔兔。我話一直都想幫我家兔兔搵個伴，意思係我本來就有打算養多隻。mini zoo有好多兔協無嘅野，8號兔我係去屯門嗰間，距離我屋企5分鐘路程。我唔係唔想去兔協，但我一個女仔真係無辦法將30L嘅紙粒由旺角托番屯門

poorguy2 發表於 2014-1-10 01:06 PM
其實未養兔兔可以上論壇搵有需要既人，亦可去兔協，兔協一定絕左育同埋有適當照顧而且免費，養緊既同幾間有 ...

樓主講話想救隻無耳兔，而間店就要買滿1000$野先可送果隻無耳兔比佢。

唔係想去果度買野，亦都唔係想養多隻兔。

重點係救隻兔，而家有義工話去同店鋪傾可唔可以無條件放兔。如果唔得樓主就可能要行plan B買滿1000野先救到隻兔。

而唔係特登去果度買野，請兔友了解。

請問有新消息嗎?
我一陣會出兔協拿東西，睇下需唔需要幫忙夾錢買野

好多謝大家咁關心咁熱心，我今日去到寵物便便嗰陣，隻兔仔已經無咗。。。
我問個sales，個sales支支吾吾咁話："啊。。。嗰隻兔仔。。。比熟客買走咗lu"
我唔知寵便呢D咁嘅店係咪真係有熟客，可能真係有，真係比熟客買走咗，不過亦有可能係佢哋D人有睇到呢個forum/facebook有人post嘅消息，驚有義工介入會搞大件事，所以收起咗。。。之前有兔友話驚兔兔會唔知去咗邊，估唔到真係一語成纖
可能我陰謀論啦，不過明明上晝仲見到，下晝就突然無咗，而且個sales眼神都真係幾閃縮。。。佢坦蕩蕩D我都仲可能會信
唉，唔知兔兔去咗邊呢。。。我都真係幾失望，已經籌到一千蚊，準備買籠，連兔兔改咩名我都諗好咗。。。
寵便／五方嘅人，如果你哋真係收埋咗嘅，不如放番出嚟啦，今次我會直接買咗佢架啦！（唔好意思呀義工，但我真係好喜歡嗰隻兔兔）

不過真係好多謝咁多位咁熱心，願意幫忙！！！！見到眾多兔友一呼百應，真係好感動！多謝晒你哋呀！！！

kongmayu 發表於 2014-1-10 09:54 PM
好多謝大家咁關心咁熱心，我今日去到寵物便便嗰陣，隻兔仔已經無咗。。。
我問個sales，個sales支支吾吾咁 ...

唔緊要啦，你都好有心的了！希望隻兔兔可以好好過活啦！

ak12345678977 發表於 2014-1-10 10:06 PM
唔緊要啦，你都好有心的了！希望隻兔兔可以好好過活啦！

多謝你！

樓主..之前我同你講話見到呢隻兔兔0既!(同你見到相同的...)請問同時有隻兩黑色兔兔和無耳兔一起,兩隻黑色兔兔被人買咗未呀?唔使擔心,可能真係有人買咗呢...因為其中有隻一黑色兔兔我都好喜歡,但我都好留意無耳兔兔..因為佢真係好得意^^希望無耳兔兔搵到一個好主人我諗一諗因我再不能再養多隻,我隻兔兔太頑皮了...

RE:雖然我隻兔兔好頑皮,我會養到佢一生一世