各位兔友，請問養2隻兔仔需注意甚麼?

我本身養緊一隻一歲賓尼兔女，牠是家中小霸王，牠不容許睡覺地方有任何阻礙物，包括拖鞋，毛巾，紙巾等等（牠睡在我房間的地板上）牠平時一個在家通屋走，因為我和老公要返工，基本上由早上八点至晚上九點都不在家，所以想養多一隻仔陪佢。請養緊2隻兔既兔友指教下，由養一隻到兩隻既時期，本身嗰隻會接受嗎?養左几耐先融洽呢?

要幾耐先夾到好難講，每隻兔兔既性格不同，你隻賓尼全屋自由行，成屋係佢地盤，養多隻要小心安排。

基本上係分籠養，各自做絕育，絕育後才安排大家碰下面，憑觀察再判斷下次碰面時距。好彩的可以一拍即合，最差的是打交互不相容夾不來，長期要分開養。

我們需要耐性去夾，急不來，我的多數係分開養左大半年先鉽，幸運地配合到。如果養多隻之前預左最壞後果係夾唔到，接受到分開養，咁就去馬啦！

初頭我都係養1隻, 之後黎第2隻用左半年時間先夾到
而家夾緊第3隻, 似乎唔係好夾到, 所以預左會長期分開養

我家雪雪同希希一拍即合 我買左雪雪先 3個月後再買希希返黎 現在非常恩愛(≧3≦)