緊急，我隻兔又唔食野唔飲水啦，點算

其實呢，由上星期開始，我隻兔一反常態咁咩都咬，尿墊，地墊。木，報紙咩都咬，又係度食carefresh,因當時我唔係香港，我屋企人幫我睇住，我不停叫佢地留意兔兔啦，但係我返左黎之後，佢精神都好好，成日跑黎跑去，成日係度玩，但大前日開始佢就開始唔食野唔飲水，force feed都唔得。之後我尋日去左見dr ma，check哂後照完x ray,dr ma話兔兔盲腸入面好多便便同埋偏實，可能因為唔夠水份既關係，就叫我返屋企啦！

但到而家食左藥，我兔仔都係唔肯食草唔肯飲水，淨係肯食草磚同埋食藥，請問大家知唔知咩事呢？同埋有咩方法可以教下我？已經約左聽日再睇多次dr.ma

用針筒餵水得唔得?

meroco 發表於 2014-3-3 10:34 PM
用針筒餵水得唔得?

唔得呀，佢唔肯吞，漏哂出黎

你試多幾次,可能係你餵GE位唔好~佢唔吞,我仔有時好衰,只係蝦我,係我餵又唔食,到姑娘到又食,好衰!!
唔可以唔食嘢 試多幾次草粉,開多d水!!

ching` 發表於 2014-3-4 12:21 AM
你試多幾次,可能係你餵GE位唔好~佢唔吞,我仔有時好衰,只係蝦我,係我餵又唔食,到姑娘到又食,好衰!!
唔可以唔 ...

佢而家我一餵草粉就咬我呀！

我都俾佢咬左二 三十啖 佢見我無反應就唔咬囧 忍痛餵藥

如果問夠水,問下Dr Ma食唔食得菜,菜有大量水分

唔食野要食草粉,唔識點餵就去睇醫生果陣叫人教埋

raywong521 發表於 2014-3-4 02:14 PM
唔食野要食草粉,唔識點餵就去睇醫生果陣叫人教埋

我識餵呀，但餵個陣佢同我鬥力

佢嬲你唔响屋企，試下餵佢飲菜汁

Dylan 發表於 2014-3-5 07:08 PM
佢嬲你唔响屋企，試下餵佢飲菜汁

菜汁係將d菜打碎再溝水？

Dr.Ma話兔兔點呀？

Shyshyboy 發表於 2014-3-6 08:53 AM
菜汁係將d菜打碎再溝水？

將d菜菜乍汁

yanyan1211 發表於 2014-3-7 07:48 AM
Dr.Ma話兔兔點呀？

DR Ma 話兔兔盲腸好多大便...但又唔見佢排出...已經住院3日...而家係屋企肯飲少少水同食少少草...但仲未去返平時既水平...我好擔心佢呀~唔知點樣可以幫到佢~同埋我發覺到一樣野..就係佢好鍾意坐係度訓覺...平時係趴係度訓架..有無人可以解答我?

Shyshyboy 發表於 2014-3-7 07:53 PM
DR Ma 話兔兔盲腸好多大便...但又唔見佢排出...已經住院3日...而家係屋企肯飲少少水同食少少草...但仲未 ...

坐瞓可能唔舒服！有食緊藥？適心照顧，希望快d冇事，加油！