絕育後腸停~

小囡momo, 5月31日做完絕育, e生做得好好, 傷口縫得好靚, 第一日返到屋企都開始正常飲食, 有poo poo vivi, 食足一星期藥,但7日後唔食野唔飲水, 即刻買佢鍾意食0既油麥菜引佢, 佢都食少少, 痾得少少細粒poo poo, 星期日 ( 6月8日) 一早打返電話俾e生, 佢地好好安排到我時間俾我, e生話所有狀況好好, 稍為唔夠水份, 開左Fibreplex 纖維膏, 止痛藥等俾佢, 食一星期.

e生話可以俾多d菜佢食, 生菜有較多水份所以比較好, 返到屋企食藥食菜, 夜晚開始有返便便, 到星期一 (6月9日), 又食返少野, 連生菜都唔食, 咁我唯有勤d餵草粉 ( 4ml / 2 hrs ), 溝稀少少, 等佢多d水份, 半夜繼續用針筒餵水, 佢有poo poo, 但都係唔多.

今早 (6月10日) 俾菜心仔佢有食, 我返工到爸爸接力, 有poo poo, 但未算頻密.

我無兔仔試過咁 ?  係咪佢做完絕育未痊癒 ?   陰公豬, 佢輕晒, 擔心死我呢個阿媽~~~

我都有按摩下佢肚仔, 聽佢肚仔有咕鹿咕鹿聲, 好似人飲左水咁.

我仲有乜野可以引佢食野飲水 ?  或者其他地方需要改進~ 十萬個THANKS!!!!

你睇邊個醫生呀？不如去睇毛國界動物醫院啦！

肚仔有咕鹿咕鹿應該係食得太多菜，你試下將草粉開得稀D，佢可以補充埋水份

我係睇開馬醫生架，我有開稀左草粉餵佢，再餵水，星期四覆診。

佢係咪有食抗生素呀？ 有無食腸藥？ 我仔仔食抗生素都會痾細粒屎 呢的情況都係餵草粉糊如果肚仔唔太脹可以慢慢加多的 例如4ml/2hrs-->6ML/2.5hrs--->8ml/3hrs 咁你同佢都多的時間休息 佢肚有聲係有氣 摸佢肚肚你可能會feel到有一舊舊既野郁 多的按摩堅有幫助 佢肚脹會肚痛 肚痛就唔食野 唔食野就仲賬 係惡性循環 佢好番的之後都要餵草粉糊 可能一日三次 每次十ml咁  要慢慢減 到好穩定先可以停 因為呢的情況好反覆 你隻咩兔兔呀？賓尼可能要食多少少 唔好食甜野住 剩係補充水都差的 因為要推番的硬便便出黎 餵稀稀地既草粉糊係最好 我唔知你咩兔兔幾大隻 我仔係貓貓兔 太約二kg佢肚好脹時我餵一日六次 廿四小時制 每次四到五ml就按摩十分鐘肚肚 到見到有乾屎屎痾到 就一日四次 每次十ml到 視乎肚脹程度 太脹就餵少的 訓覺就放多的菜 到正常食番野就一日三次 可能餵兩日 無事就 一日兩次 再觀察 咁慢慢減 希望幫到你

佢地腸入面的菌都有好壞菌 有時有咕咕聲係有氣 即係壞菌多 唔好餵咁多甜食 纖維膏都幫到手 仲有隻益生菌既 我仔touch wood成日腸胃有事 試過搞左我成個月 俾的心機 慢慢會好的

多謝你，上星期再食左幾日藥已經變返食得瞓得痾屎大大粒嘅妹妹，覆診時醫生都話可能佢絕育後傷口痛，始終係兔囡。