新買嘅刺猬,6星期大左右。 18號系第一日接返屋企就發現皮膚上邊有識得郁嘅白色細細隻嘅蟲，唔算有好多隻，但肉眼見到,而皮膚都唔會有好多皮屑。 19號買咗支用Bio-Care 噴過,今日第3日了!我每日都返工前換一次貓砂,放工返屋企又換一次貓砂，膠箱都有用bio-care噴一次,之後等一陣再用紙巾抹乾。尼3日甩過3條刺
問題系：
1.想知道其實用Bio-Care大概要噴幾多日先會殺曬D蟲? 因為我一日一早一晚各噴一次，會唔會噴太多？
2.D蟲如果系刺猬身體以外會唔會仲生存到？ 因為我每日都有用手抱刺B嘅,雖然無掂到身,都有洗手.但驚D蟲跌落地下會唔會大量繁殖架?發現蟲后,唔知系未心理作用,覺得自己D頭皮，面果D有時都痕痕地。人掂到D蟲仔會唔會被寄生？
3.如果噴到今個星期4或者5都仲系會有蟲，打算去睇獸醫。
知道有大圍珍禽異獸診所同荃灣沙咀道珍禽異獸診所都可以睇刺猬，邊間好D。因為本人住荃灣。想知尼兩間系未都OK可以睇？如果荃灣ok應該會揀荃灣先,因為近。
相分別系住嘅箱；琴晚噴藥后蟲仔走曬去鼻樑，所以後來鼻樑位又用棉簽掃多次；刺B用嘅貓砂同貓糧；
刺B除咗有白色蟲仔外其他都正常，走得都幾快。進食都正常。
麻煩大家比D意見，因為本人系新手。麻煩同唔該曬大家。
|
|
分享
收藏
支持
反對
