[轉載]買雜誌送貓?!

[轉載]
離晒大譜,買雜誌送貓?! 離晒大譜,買雜誌送貓?!我要講嘅係香港一本專講貓嘅月刊(今期十二月號以兩隻貓bb做封面),希望各位網友回覆時唔好開名討論,以免被刪.

今日見到某本寵物雜誌封面大大隻字寫住儲印花送英短,以為係噱頭,點知打開書,入面寫得清清楚楚,佢地會o係儲齊印花嘅讀者中選兩位出黎,每人可得封面上的貓bb一隻。我想講,
第一,呢本雜誌究竟有冇良心?美其名會"精心挑選"得獎者,但讀者得到呢份"禮物"後,會唔會珍惜佢?俾唔俾到個溫暖家佢?隻貓又同佢夾唔夾?
冇人知!亦都唔知班雜誌編輯"精心挑選"得獎者時,又從何而知!更加唔知"禮物"送出後,如果所有問題嘅答案係"No",隻貓會點安置!
第二,請記住,貓都有生命,為增加銷量將活生生嘅動物當作贈品,簡直唔尊重生命,唔尊重讀者,十分令人反感!
第三,我認為for愛貓人士睇嘅雜誌,立場同宗旨都應該係愛貓,佢地打正旗號送貓做贈品,已經清清楚楚話俾讀者知,本雜誌(同所有貓)都只係一盤生意!

------
睇完我即刻知係邊本雜誌啦,一路都無買開呢本雜誌,不過就好奇咁揭入去睇睇,平心而論呢種宣傳手法真係幾引人注目(起碼引人揭下),始終會令人有印象,不過就真係無人性,當晒D貓係物品,話送就送,攞返屋企唔啱key咁點先,唔通退貨?

見到d咁既雜誌仲生存係呢個世上真係都幾可悲,下次d講bb既雜誌不如考慮送埋個b呀~~

有良心既動物機構,成日話愛護動物,見到d咁既野快d出聲啦.

樓上講得好o岩!!
去「愛護動物協會」告發,可以嗎？
我由以前對小動物冇感覺,到見到倉鼠、兔、龍貓
都可令我呢個人愛上佢地,
令我明白一樣野：
「佢地都係生命,每個生命都係平等的
   雖然人類係較高等的生物,但這樣並不代表人類可為所慾為,
   那麼自私,妄顧其他生物的感覺、感受；
   此外,我們更應該代入一下動物們的角色,想一想牠們有甚麼感受!!」