成年熊仔鼠用咩寵適合?

其實我都睇左d post咖啦,
但有時淨講籠既名/item no.唔知係咩樣,都幾亂下:044:

因為我打算領養隻1歲大既熊仔鼠,
以前都養過金毛鼠,不過好耐之前,都唔記得佢係用咩籠了= ="

希望大家可以比d建議我,
最好有相同埋價錢,呢幾日上網睇到頭都暈= =同牌子隻隻款都差唔多樣
budget係$220以下..如果唔係貴好多都可以考慮下..
金魚街邊間鋪買野會係好d呢?

另外我想問返,除左籠之外,第1次買倉鼠用品大約有咩要買,同埋總數要幾多錢度?

以前我買小灰霸個陣都係$5,而家要$38up,唔知d倉鼠用品係咪都加價加得好勁呢:044:

[ 本帖最後由 shaan 於 2009-2-7 03:48 AM 編輯 ]

好多d比較大既籠都可以,,"

AB雙子籠啦..MR-320啦..Pet Home雙層籠..WILD-380都不錯的喔,,"

AB雙子籠 粉紅色幾令嫁..i love賣$108好似


MR-320 呢個我之前用過..夠哂大..又夠硬正又好易洗..係金魚街賣$258,,"




Pet Home雙層籠 呢個我都有用過..仲大過MR-320..比你隻熊仔鼠係咁走上走落係咁玩都得..不過洗籠果陣就麻煩d..i love $158,,"(呢個係SR度就平d..$130)



WILD-380 依個我都而家用緊..都幾大..很不錯的喔..呢個同pethome雙層籠一樣係i love賣$158,,"





希望幫到你啦:073:

[ 本帖最後由 【細賢】 於 2009-2-7 06:13 AM 編輯 ]

我 都 係 推 介 反  AB 大籠 . .

1 . 價錢平       2 . 易清潔      3  . 可以自己 DIY 落去

MR320 大細同 AB 差唔多 . .不過用料比較好 . . 但係價錢相對貴左 D

PETHOME 同 WILD 既籠清潔比較麻煩 . . 但係活動地方相對比較多 .

但我覺得養熊仔用AB雙子籠真係超唔夠地方呀
有人養養下,隻熊仔3個月大都要換籠喇.........

我而家用PET HOME兩層籠,個空間養一隻就岩岩好夠用
佢走上走落不知幾開心
但拆件真係會麻煩D,用慣左都OK既~

因為下層岩岩好放得落17CM既WILD轉架~所以可以用來養熊仔~

唔該哂你地:020:
我今日去左見隻熊仔啦,真係幾大隻下,
我見領養中心個轉轉都幾大個,但我行金魚街個陣好似見個d冇咁大(一係就一個波個d)

WILD-380 個個我好似唔多覺眼..
SP姐係邊間@@?

pet home呢隻同第2隻我都有睇過,
但佢個樽係直身,特別d,不過好似好長咁,同2樓唔係相差好多,
熊仔鼠會唔會要耷低個頭飲呢?or飲得辛苦?

熊仔鼠要17cm既轉轉先得?mark低佢先=]

係呢,你地有冇人去過q之兔度買籠?(好窄個間)
我見佢d籠好似平好多咁 (雖然大籠得2個)

麻煩你地可唔可以講下第1次買倉鼠用品要幾錢度?
因為我係領養中心hold左鼠鼠,人地話hold 1日only,
我要聽日下午去買哂籠同其他野..要預算budget...太多野既話要call定fd幫我拎:026:
再返屋企執好哂夜晚再出去接鼠鼠返屋企=]

時間趕左d,不過都想鼠鼠有個舒舒服服既家=]
最後想問既就係..紅蘿白係邊咖?定係金魚街冇@@?
今日行左2次都唔見,想搵你地講個個好sales介紹我d野邊隻好d=]

[ 本帖最後由 shaan 於 2009-2-7 03:39 PM 編輯 ]

你講個圖既籠,我用緊,個水樽真係低左D,不過我隻熊仔都飲到,佢而家已經唔會再大~
不過如果你唔要個樽,可以另外搵野塞住個洞,唔係會走鼠,不過我為免麻煩,都係照用個水樽,都OK既.........

熊仔一定要用17CM直徑的轉轉,太細跑唔到,我而家果隻都係僅僅夠咋,背已經頂到個軸花喇.......

金魚街既i love rxbbxit好似有呢個轉轉,有隻係座地既大轉,可以拆走個座,掛籠架~

呢個兩層籠係i love rxbbxit到買就要$158紅蘿蔔即係兩層樓,好大間,門口係紅藍色果個PET CENTRAL呀~
另外講一講,金魚街除左Q兔廊同i love rxbbxit外,所有小動物既PET SHOP都係同一集團,裏面賣既野都好垃圾,又日本糧,又多小食.......只有好小野係岩用.....
如果唔識養,會比佢SALE到買左一大堆垃圾架~
而且咁多間PET SHOP,價錢係紅蘿蔔最最最貴架~

而Q兔既籠係最平,不過用料最CHEAP,呢個就要自己衡量下.....
另外佢其他鼠鼠用品都OK既
不過有D自己包裝既糧,有人話唔知來源,所以未必買得過.......但用品佢真係最平的~

再者,如果真係用PET HOME果隻籠呢,個半圓氣窗要的話,可以另外買,但買果時要對牌子,因為有第二個牌子既籠都有半圓氣窗,但係唔岩位架
呢個你可以入去i love rxbbxit果到問,佢會指比你睇邊隻氣窗對邊個籠

但暫時黎講,你都可以唔洗買氣窗住,有需要先買都得

糧買左未?建議OXBOW同MAZURI既淨糧
OXBOW得i love rxbbxit到先有
MAZURI就好似Q兔同I LOVE都有~

OXBOW糧好似五十蚊左右
MAZURI就貴少少架~
另外磨牙石買最細粒都OK喇......我果隻基本上唔咬......比我拆走埋.....都係幾蚊一粒既者~
而家天氣開始暖,唔買棉花都OK

墊材呢,唔建議用木糠
有會員話用廚房紙撕碎比佢用最好
有人做左實驗,係百佳牌最好,可以溶係水,呢D應該都係3,4十蚊一大PACK既者~

[ 本帖最後由 Vicky 於 2009-2-8 12:15 AM 編輯 ]

加返先.....唔係SP
係SR
即係Stxtixn R
第一個X=a,第二個X=o
你上網打個名,就搵到個網,可以訂貨架,佢D野都好平
而且口碑好好,我都用左佢年幾了~
不過要送貨就要買滿$240以上
自己去就要去到荃灣,唔知近唔近你~

依個就係17cm轉轉 (SANKO WILD 381), 金魚街I X RABBIT有得買

唔該哂你地丫:054:
我諗我會買pet home雙層籠...
唔...廁所砂使唔使買?不過我唔識教佢去..以前養冇整廁所..
沖涼都係= =以前人手同佢沖
要買屋..食物盆..
牧草要買嗎?今日見間鋪比牧草佢地..不過以前我都淨係比糧- -

另外點解唔好用木糠既?
不過我諗我會買條木糠先..用住先,我屋企廚紙都冇= ="
同埋,,,總係覺得用廚紙會好亂咁:043:

真係唔該哂各位:020:
聽日可以既話就影鼠鼠比大家睇下@@
仲未諗到改咩名好..大家比d建議我丫=] (男仔來的)

廁所砂我無買.....我覺得呢樣你鐘意啦,基本上好多隻熊仔唔洗教都識去廁所
你係想佢去個位放D已經有尿既墊材,其他位尿左就整返乾淨佢
盡量唔好洗走廁所個陣味,佢都會識去架喇,其他地方,基本上唔放墊材都OK
我自己比COFFEE(我隻熊仔)個廁所放左D紙砂就已經好OK
下面果層放左D(我D小天食剩既草碎同少少木糠)其實係我唔知點處置D草碎先比佢,木糠我都盡量CUT,唔比佢喇,其實下面果層佢主要都係玩,好少會係下面去廁所
好乾淨架,我得閒倒左廁所D紙砂,一星期洗一次籠就OK了~

木糠唔建議既意思係因為好多木糠都好大粉塵,對佢地氣管唔好
而且粉塵容易令佢地有皮膚病,因為寄生虫好容易係木糠滋生

我上次帶COFFEE去睇VET
個VET都叫我唔好再用木糠了,奈何原來一條木糠係用到好耐架.........:054:

而牧草呢,唔洗買的,倉鼠食糧就OK,任何小食都唔應該食~
我上次比VET鬧我比草佢食呀
佢話我你都知小天係草食性,而熊仔係雜食性,佢唔需要太高纖維既食物,要比都係一兩條就好喇...........:054:
如果唔係養開小天兔仔,真係唔需要去買一包草....食一世鼠都未必食得晒.........

水樽,飯碗都唔洗買,個籠有埋架~
你如果真係要呢個籠,咁你要買既基本野呢就係:
籠: $158
糧: $40-60
墊材:木糠?(一條細既$20樓下)
沖涼沙(我係Q兔買一小樽,灰色,龍貓可用果種,$12)一星期用一次就OK
磨牙石: $10內
大17CM轉轉,好似都五十幾蚊~

屋仔呢,最抵都係去吉記$ 10店,我係樂富果間執到個熊形屋仔,夠大間,都係$ 10咋,超底,PET SHOP細個SIZE都幾十蚊架~

另外我買左呢個玩具比佢,佢都識得玩呀~

但係千萬唔好買個千秋,佢上次就係玩呢個,夾親手,腫晒去左睇醫生喇.....:050:



但係呢,用PET HOME,佢都會有機會咬籠,同埋個門口易咬開,所以我上層圍左膠片,同埋用索帶索死左,下層就用個鎖仔鎖住就OK喇


哈,呢隻熊仔好可愛~同我隻COFFEE一樣色架,不過COFFEE得4個月大,我都係SPCA睇中左隻好似叫Danny?唔記得,好似咁上下,不過我唔養喇,屋企太多鼠了~

順帶一問,去SPCA領養倉鼠要唔要入會,公屋得唔得?
要比幾錢呀?要唔要絕育?

[ 本帖最後由 Vicky 於 2009-2-8 12:16 AM 編輯 ]

唔...墊材今日我睇本書,
話小型倉鼠要用5-10公分木糠,熊仔鼠要10公分以上= =
唔知係我睇錯定真係要咁厚,
不過冇墊材會唔會太"扇"?
用廚紙我又驚佢熱,而家都十幾廿度..

沖涼砂你係放係浴室度定幫佢沖?
係唔係沖涼砂好過粉呢?

屋仔睇過有d籠原本間屋個hole我覺得好細,
好似都係你個隻會大d,不過你個隻我今日係金魚街都見到有,但唔知幾錢

我見到個迷宮,諗住遲d買比佢丫,
不過又要考慮佢會唔會太大隻過唔到- -"唔記得係邊間鋪見到$45的

膠片可以係邊度買呢?
不過我應該呢2日買唔到..希望唔會走鼠啦- -

而家spca除左我想領養個隻之外,仲有隻女係度

但應該同我個隻應該係近親黎,養埋都唔生得,等我隻鼠鼠單身下先XD

SPCA領養倉鼠係唔使入會的,
領養費就$20 (唔知小灰霸個d使唔使錢)
絕育方面我之前都問左人,係冇獸醫會同倉鼠做絕育的,
因為佢地太細,風險太大啦

公屋係可以養雀鳥(不包括鴿子),倉鼠,兔仔,龜同觀賞魚的=]

原帖由 shaan 於 2009-2-8 06:14 AM 發表
唔...墊材今日我睇本書,
話小型倉鼠要用5-10公分木糠,熊仔鼠要10公分以上= =
唔知係我睇錯定真係要咁厚,
不過冇墊材會唔會太"扇"?
用廚紙我又驚佢熱,而家都十幾廿度..

沖涼砂你係放係浴室度定幫佢沖?
係唔係 ...

其實鋪墊料唔洗好厚架 . . 鋪得平平均均已經 OK 架喇 =]

木糠可以吸左鼠鼠既味 . . * 雖然熊仔本身都無咩味架喇 =)

同埋可以吸尿 . . 因為尿尿好易整到鼠鼠有皮膚病 . . 所以一定要有墊料 . .

廚紙  木糠都係俾鼠鼠做窩 . . 佢地熱就會推反哂 D 野出黎 . .

所以 . . 睇情況幫佢 + 墊料 . . 廢事浪費 .

______________________________________________

可以每星期同佢清潔籠果時順便同佢用沖涼沙沖涼 =]

因為大部份熊仔都唔識自己沖涼 -   - "

_______________________________________________

SPCA 領養鼠鼠 要年滿 21 歲   要有住址証明   基本上所有倉鼠熊仔鼠都係 $ 20 領養費 =]

我以前熊仔鼠係大小都識去廁所咖添@@
木糠我之前見過有人話用白楊木糠好..
而家最煩惱既係用咩做墊材好:056:
木糠/廚紙/貓砂/紙砂
太多選擇唔知邊個最好..

原來熊仔鼠唔識沖涼@@
不過pet home有埋浴室- -

pet home果間屋我比佢當屋訓架,佢又好鐘意係果到訓喎
反而我覺得長放D沖涼沙係到,唔太乾淨,一來佢唔識沖,又會抓到沙跌晒出黎,又會係到尿尿,仲可能訓返落去
所以我係洗籠果時先會用手幫佢沖幾下~

我買左pet home 3層=]
首先想講既就係..d膠管同埋駁住屋企個個圈好難塞入去..
我又驚太大力會整爛..

本身諗住間屋企ok易拆落黎,比佢做廁所既,方便日日清,
點知又咁難- -
今日冇買到屋,d size唔岩(淨係去左i love),
佢就訓係屋仔啦
比左少少木糠佢,佢整開哂,廁紙都係..

不過2樓上3樓我係用2個膠管,
佢個身=2個膠管既上度,
唔知係咪因為咁,佢唔上3樓,同埋擺佢上3樓都唔點落去..
淨係訓係條管度,唔出唔入咁

不過有d擔心佢唔飲水..因為水樽係3樓..d糧都係3樓..
所以放左條蜜糖xx棒係2樓度..但佢望都唔望= ="

擺左個廁紙筒係2樓..佢整係咬2野..

聽日去q兔度買返2間屋企比佢先,佢訓係籠個間屋企度縮埋一舊又頂住頂住咁:024: