請問一下我的倉鼠是否有病?(更新左相片)

我的倉鼠今日比我發現pat pat位有脫毛跡象
佢本身個pat位一向有d黃色..整唔走的..有水洗都唔得
但今日就發現佢pat位脫毛..仲見到肉既地步..但我檢查佢既便便係正常既..同平時一樣
同埋佢都係正常咁活動..有食有玩有訓.
請問大家認為佢有無事?有事既係小事定大事?小事可以做d咩?(大事當然醫生)

倉鼠幾大啊?? 有冇成日 r 痕??

查脫毛, 第二頁第二行
http://zizi-land.info/thread-846-1-1.html

大慨5個月..唔係成日r 一時時r

佢個陰部位好似腫腫地咁

似對墊料敏感or環境污糟影響  你有冇日日換墊料呀  
試吓換另一隻墊料  可暫時用廚房紙  勤d清潔鼠籠日日換墊料  
可用布沾少少暖水輕抹patpat位  然後用乾布抹乾

你係咪有用沖涼粉幫鼠鼠沖涼?要用冇味沖涼沙喎 3-5日沖一次

5# eva0101
thx..我的而且確係最近幫佢換墊料..我會2-3日幫佢換一次
沖涼就1-2日沖一次..不過用左alex有味既沖涼沙
唔該唒你..我試下跟你既做法試下

最好日日換墊料啦  尤其係鼠鼠而家皮膚唔好  唔日日換哂墊料都盡量換走有尿尿ge墊料
沖涼唔洗咁密架  沖太密反而令皮膚乾燥

暫時用其他墊料  注意鼠籠清潔  日日換墊料  換另一隻冇味沖涼沙(mr幾好用)  睇吓有冇改善

我做左上述既野..效果係點未知
但唔知做咩鼠鼠由尋晚開始變到無咩精神咁
成日訓..但又有食又有飲嫁喎.
係好小玩.仲有佢比平時R痕多多.
係佢覺得唔舒服先變成咁?定係有病呢?

本身鼠鼠都會成日R痕lam毛(鼠鼠習性)  淨係聽你講鼠鼠R痕多左  好難界定佢係咪有病
如果佢唔係集中只R patpat甩毛位都唔驚ge  留意多d佢毛毛甩毛有冇嚴重左
冇繼續惡化已經ok  生返毛毛都要一段時間
天氣熱鼠鼠係會比較懶洋洋唔願郁  
而家天氣炎熱  你留意鼠籠空氣要流通  有微風吹到鼠籠  太陽唔好曬到/太近鼠籠

你多d留意鼠鼠  如果唔放心就帶佢睇獸醫

除了皮膚敏感外，因為天氣熱，鼠鼠會甩少許毛換毛的，看你的圖片，暫時看不是很嚴重，比較似牠去了尿尿，墊材吸濕不佳，牠自已沾回令pat pat位甩毛。
如果這樣，你可試試買龍貓皮膚藥粉(20g)，籠物店賣$50多元，在原本用的沖涼沙加少許一起用便可，一星期加一次，亦可用籠物or BB(人用)的濕紙巾每天幫牠抹抹pat pat，但注意要買不含酒精等化學物質。
如怕鼠鼠不懂自己沖涼&買錯濕紙巾，可以用紙巾濕水抹，之後用迷你電風扇吹乾pat pat，不要用風筒，因為發出的聲音會令鼠鼠不安和過熱。
希望幫到你啦~

唔該唒大家=]咁樣我都放心d
而家日日都有同佢清潔個pat pat
今日情況好似好左..我行過識出黎搵我:037:前兩日都唔識:056:

如果patpat唔係太污糟唔洗用水抹  日日用水抹驚會令鼠鼠皮膚乾燥
注意鼠籠乾淨  勤換墊料就ok
3-4日抹一次patpat吧  尿漬太利害就隔日抹  抹鼠鼠要用布沾乾淨暖水(最天然唔會刺激皮膚)  
如果抹全身一定要扭乾水唔可以太濕(驚凍親鼠鼠)  只抹patpat可以微濕  然後用乾淨布抹乾
(我會一星期一次用布+暖水 扭乾水輕抹鼠鼠全身)

唔記得講...記得用冇香味ge墊料  
俾鼠鼠用ge野要冇加香味  食ge野盡量簡天然冇人工加工ge

救命..我有跟各位朋友既方法做
開頭幾日好在..變番以前咁活潑..生番d毛
但今日再檢查..發現佢好似比之前嚴重左..patpat個兩粒野大粒左..d毛疏..連個肚仔都有小小甩毛
但佢活動照常..食玩訓全部ok..
最後請問天然既食物係指咩?

patpat果2粒野大左?你果隻係咪男鼠?係男鼠ge話...果2粒係睪丸  睪丸大左所以你覺得d毛疏左囉
轉天氣鼠鼠都會輕微甩毛換毛(毛毛疏左,唔係一忽忽咁甩)
你繼續注意鼠籠,鼠鼠清潔  日日換墊料  觀察吓鼠鼠先
聽你形容你鼠鼠甩毛情況好輕微

你餵邊隻鼠糧俾鼠鼠食?鼠糧唔夠蛋白質都會引致鼠鼠甩毛

我講ge天然食物係..如果要俾零食鼠鼠食  簡d天然冇添加食物  例如:蟲乾,喬麥,燕麥,草餅,草磚,蝦乾,魚乾
唔好買乳酪糖,餅,人工合成零食
可間中餵鼠鼠食新鮮菜  大約一星期3次  洗乾淨菜要再浸水1小時  抹乾水才餵鼠鼠  每次俾一隻手指大小菜葉
鼠鼠食唔哂要拎走  唔可以擺太耐
最好餵比較大路,鼠鼠一定可以食ge菜  例如:菜心,白菜,娃娃菜,生菜,油麥菜,耶菜,
西蘭花莖(批皮),紅蘿蔔(批皮),栗米2-3粒
鼠鼠食完新鮮蔬果要留意佢d便便  有軟便肚痾要停止再餵新鮮蔬果