本來好開心終於買到刺b , 黎左一星期 , 就要帶佢睇獸醫, 又係同一個問題 , 有寄生蟲 , 疥暪 , 細細隻白色, 問個賣家 , 佢話刺b係會r痕 , 唉 , 一睇就見到d蟲蟲四圍行 , 要連續打4星期呀 , 我都係去大圍睇 , 佢話點完佢要洗手 , 疥暪係會傳染人 , 覺得痕就去睇醫生 , 寫左張紙比我 , 話有需要時比醫生睇就得!
一隻刺b幾百蚊 , 獸醫診病+藥又幾百蚊, 連續去4次 , 第二和第三次唔使比診病費 , 只比打針又幾百 , 最後一次診病+藥又幾百蚊 , 再加上刺b用品(墊材+食物+窩) , 全部總和都要2千幾! 你可能話你的刺B冇皮膚病 , 我都問過獸醫 , "十隻刺蝟,九隻有皮膚病" , 特別係香港的刺B , 他還說跟遺傳有關!所以打完4針都有機會再番發!還有因為刺B有蟲蟲 , 要勤力換過哂D墊材 , 一日換至少2次!
講真一星期我和刺B都未建立到一個好的關係 , 係佢冇咁驚時 , 我又破壞了 , 帶佢睇醫生 , 一出門口就已經又屎又尿!番到黎立即起刺 , 我諗現在每次有聲佢都會起刺!
最後刺B是好可愛 , 但絕不是用來繁殖作為賣買 , 你們不斷過分繁殖 , 令它們越來越多病 , 最後做成刺B死亡!
要買刺B就要留多一倍的金錢醫病 , 你是它一生的主人 , 別讓它們在你手上死去 , 別把它們遺棄 , 有病早一點看獸醫 , 刺蝟一般而言是很少說話/叫 , 除了生氣時的"咕咕"聲 , 就算多痛多痕 , 它也在忍耐 , 你的刺B要多多關心 , 有沒有R痕 , 有沒有脫刺 , 有沒有脫皮屑 , 皮膚有沒有紅 , 鼻有沒有白白的皮屑 , 手腳有沒有曚曚的皮 , 眼睛明亮 , 指甲會太長 , 體重會過輕 , 大便有沒有蟲 , 大小便量多不多 , 有沒有飲水 , 要多多留意它哦! 我是用紙巾做墊材 , 佢自己固定去大小便 , 所以只有厠所位有紙巾 , 但一直有一些出界 , 紙巾又不見了 , 變成大小便黏住厠所位 , 原來它把紙巾統統拿去窩中去 , 因為我開空調 , 佢太凍要找東西保暖 , 現在我在佢窩中同出便放一些乾淨的 , 佢就冇再拎厠所位的紙巾 , 其實刺B唔識講 , 佢用行動來話我們知 , 多D了解自己的刺B!多D關心佢地!
自問不是一個好主人 , 但它依然是我的小刺B , 今日終於同佢改名"刺紙"大小姐 , 要人服侍嫁 , 以後多多指教! (它依然在震呢.....醫生...下星期還要去...) |
分享
收藏
支持
反對
