求救!!倉鼠唔識郁~

我係新手,問幾條問題:
1)隻倉鼠成日訓覺正唔正常?
2)佢D便便好稀(基本上係水~)點解?
3)佢唔食正餐又唔做運動,點算?(淨食補充食品)
4)佢好鍾意做挖地動作,點解?
5)係唔係擺團棉花入籠,佢地就識用?(使唔使教?)
6)佢唔肯食美毛膏/唔肯沖涼,點算?
7)原本2鼠一籠,宜家1鼠一籠,有冇影響?

以上,thanks alot!!!

1)隻倉鼠成日訓覺正唔正常?
   倉鼠係夜行動物 多數都係深夜先開始活躍
2)佢D便便好稀(基本上係水~)點解?
    病左 有可能係肚痾/濕尾症 請盡快帶佢睇獸醫
3)佢唔食正餐又唔做運動,點算?(淨食補充食品)
     唔食正餐剩係食補充食品? 咩補充食品? 做運動係指咩?
4)佢好鍾意做挖地動作,點解?
      天性
5)係唔係擺團棉花入籠,佢地就識用?(使唔使教?)
      有d唔識用 同埋棉花有機會kick腳受傷
6)佢唔肯食美毛膏/唔肯沖涼,點算?
      美毛膏係無用的 唔洗用, 唔肯沖涼係指咩?
7)原本2鼠一籠,宜家1鼠一籠,有冇影響?
        一籠一鼠先係正確 恭喜你

p.s. 唔該搵齊資料先養鼠鼠  唔係好易搞出鼠命

補充食品指的是牛奶糖、乾果，
唔肯沖涼係指唔肯落沖涼室~
運動係指轉輪~

你試下比d面包佢.c c佢食唔食..
如果係少少肚痾.食d面包就會慢慢冇事..
佢唔去沖涼既你試下放佢入去沖涼房.
用匙將d沙倒落佢個身度( 但唔好整到佢隻眼仔 )
如果佢唔玩轉轉既.你試下將佢放出籠.
比佢通屋走.咁都算係運動:048:
p.s.你最好都係帶佢去睇 E 生啦!鼠鼠都係一條命黎架!!

3# akuma


擺個沖涼室俾佢..佢接觸多左之後就唔會驚..!!我果隻是咁lo~~

ZIZI LAND 既倉鼠寶典都有大量資料 .     http://zizi-land.info/forum-44-1.html

希望你可以搜尋好資料先養鼠  (:

係鼠鼠未肯食主糧之前，唔好比零食或補充品佢地，唔駛驚話會餓親佢地，係野外生存的話，隨時幾日都無得食架啦，到佢地真係好肚餓，就會死死氣去食主糧。（我個d都係咁！）

千其唔好寵壞佢地呀！

係鼠鼠未肯食主糧之前，唔好比零食或補充品佢地，唔駛驚話會餓親佢地，係野外生存的話，隨時幾日都無得食架啦，到佢地真係好肚餓，就會死死氣去食主糧。（我個d都係咁！）

千其唔好寵壞佢地呀！
珮兒 發表於 2009-11-16 11:05 PM

寵壞?
似係玩死多d

8# androgynymc

唔可以咁講既，買左有問題再請教大家都係正常！

雖然玩死都有可能…