小弟新手..有關小露寶同居問題一問

我相信 呢度好多位會員都養緊/養過倉鼠
小弟養倉鼠經驗超淺..
所以自己近日都去左圖書館  讀下d資料咁
同埋上下網搵下資料咁
我得知 其實倉鼠係獨居動物  呢個point基本上每本書/每個網站都有提及到
同時 有4-5本書就有提及過  話小露寶雖然都係獨居動物  但其實都可以一齊養
最緊要係2隻都要同性  咁先唔會打交
係呢度 我見到好多會員都係一對對小露寶咁養
搞到我自己好亂 - -  其實  小露寶係咪可以一對對養  而係少打交/唔打交
同時- - 小弟係youtube見到小露寶打交打到死+食埋另一隻鼠鼠
所以我更加亂- -  希望有會員可以幫下我
其實 小露寶係可以一對對養  定唔可以 ??
Or 小露寶有冇話係咩情況下可以一對對養
/___\

有機會可以一齊養
如果打交就要分開養

咁咪變左要貫到番黎先知lor - -?

我一頭都有放佢地一齊養,
但係 3 個月後    突然有日打左交   都係要分開

如果你本身已經有一只既 ( A 鼠 ) , 唔會SUGGEST 你去買多只 ( B 鼠 )番黎放入去
因為咁好易令A 鼠 同 B 鼠打啊
好似人本身一個人住咁   無啦啦多個外人入黎   自己都唔慣吧 )
(( << 一齊養好睇鼠夾鼠的   到佢地發情時  就好大機會打交 ))

如果你想養 2 只都要有隨時分籠既機會~~

同性都唔擔保唔會打交GA...最好分開養啦...
一係養一隻啦..一隻鼠鼠都會帶俾你好多歡樂GA..

就算"話"得都唔好試,,"

除非你可以24小時可以望住佢地..不過都沒可能吧?

↓同一胎出世既兄弟都會打交打到死..仲咬緊條屍...你認為仲博唔博得過?

http://zizi-land.info/viewthread.php?tid=3922&extra=page%3D9

咁多會員都反對一對對咁養= =
但我真係好想見到佢地一對對咁開心 係咪真係冇辦法 ??
只有一開始可以同籠  之後打交就要分籠 ??
如果用3層又會唔會打交  因為可能空間有機會低左爭地盤既意識.....

咁多會員都反對一對對咁養= =
但我真係好想見到佢地一對對咁開心 係咪真係冇辦法 ??
只有一開始可以同籠  之後打交就要分籠 ??
如果用3層又會唔會打交  因為可能空間有機會低左爭地盤既意識.....
drumlouis 發表於 2010-3-26 08:13 PM

個問題係..當你睇唔到佢地既時間(出街,訓教)佢地打起上黎點算呢?

如果你有錢的話..可以請人24小時睇住佢地咪得囉..咁就可以有事即刻分得開喇,,"

我都同你一樣..想見到佢地幾隻一齊玩一齊食一齊訓....真係好得意呀..但係都冇辦法..佢地係獨居既動物..冇得變的,,"

咁多會員都反對一對對咁養= =
但我真係好想見到佢地一對對咁開心 係咪真係冇辦法 ??
只有一開始可以同籠  之後打交就要分籠 ??
如果用3層又會唔會打交  因為可能空間有機會低左爭地盤既意識.....
drumlouis 發表於 2010-3-26 08:13 PM

你咪試下一開始就3層比佢地睇下佢地會唔會打交law-0-
不過打交都係要分開嫁啦~.~

咁我試問- - d會員個d一對對咁養又係點養= =

佢地一對對係個主人覺得開心定係D鼠開心先...
就算唔打, 有第二隻鼠o係度, 聞到陣味都精神緊張啦
有好多資料都話D鼠可以多隻一籠, 但係事實上唔得
打交係好正常, 分別在於打得西利定只係打一兩下, 但無論點都有風險
至於有人一對對咁養, 而又唔打交, 可能都係"未打"... 點養真係唔知佢地
個人認為一籠養多鼠係唔負責任o既行為, 到打傷左打死左先黎喊都無謂

聽左咁多會員既反對聲音
我知道點做喇~.~ 唔該哂咁多位會員幫助小弟