有個問題仲未克服到

其實拎左鼠鼠返黎5日我都仲未敢親手捉佢, 要屋企人捉佢沖涼, 噴藥, 清潔換兜都唔敢用手抱走佢
唔知點解好驚佢咬我, 驚佢係我手上掙札個種感覺, 又怕我捉唔住佢
唔知點克服好

佢叫係因為佢驚= =
小鈴 發表於 2010-4-23 10:41 AM

係呀, 因為我緊張得太大力 :053:

我成日捉佢捉到鬼咁緊張, 唔覺意大力左, 可能搞到佢痛
佢既動作實在太快, 好難先捉到, 所以我一捉到就用錯力扼住佢, 嚇到佢死
每次聽到佢慘叫我都覺到自己好衰

尋晚我捉佢噴藥, 佢不停咁逃跑, 好辛苦先捉到佢, 但佢掙扎時我鬆手, 想捉返住佢, 混亂之中我唔知點係咁倒轉左佢, 佢一口咬落我手指到, 之後佢好驚我, 我行近個籠, 或者比野佢食, 佢都即刻鼠入屋仔, 個刻好傷心, 佢好似唔彩我仲好怕我
我次次都搞到佢驚餐死, 好憎自己咁粗魯

尋晚我捉佢噴藥, 佢不停咁逃跑, 好辛苦先捉到佢, 但佢掙扎時我鬆手, 想捉返住佢, 混亂之中我唔知點係咁倒轉左佢, 佢一口咬落我手指到, 之後佢好驚我, 我行近個籠, 或者比野佢食, 佢都即刻鼠入屋仔, 個刻好傷心, 佢好 ...
funnytabo 發表於 2010-4-24 10:51 AM

鼠鼠大多唔鍾意比人反轉, 所以先會咬人架
佢未返屋企已經有皮膚病, 冇辦法啦~ 如果佢冇事o既話, 先可以按返正常新鼠到步程序, 隔離, 餵食, 聞手, 上手, 培養感情~
你都唔係想粗魯o既~ 係要噴藥先咁咋嘛
我有隻鼠開頭返屋企都係一行近就閃左去, 好正常架~ 對人有戒心嘛
而家最緊要係佢皮膚問題快d好返, 然後再慢慢同佢培養感情
要鼠鼠同你熟, 最緊要係佢健康, 有病係乜都做唔到架!
所以唔好氣餒, 噴藥嘗試快手快腳就搞掂, 比心機!

我養過4隻小露寶
吾知係咪因為佢地性格特別好.
買左返黎 1日就肯上手食野同我玩

而我隻小灰霸(肥BB)   6個月都追住我隻手指想咬想咬甘( 洗吾洗手都係甘)