倉鼠糧的轉變

最近其他討論區的鼠友都傾緊倉鼠糧轉變的問題
本人依家淨返1隻2歲多的小露寶,在牠年輕時都餵過Mazuri 糧
依家一直都係PS+Oxbow,但怕現有的糧食哂後買糧問題..
PS依家轉變最大,但一向鼠鼠最受落,
Mazuri 糧鼠鼠都岩食,但基於依家年老..怕蛋白質太高受唔到
Oxbow 糧都知難食但健康(此糧亦有所轉變)
依家我Oxbow+PS都各淨下3分1包..
以上3種本身都係穩陣既糧,但因轉變問題...
想知道各位年資較高(餵糧時間相對較長,認識較深)的鼠友的意見及做法
當然新手亦可從而認識更多,再講下自己的睇法

Q1.養咁耐係餵開咩糧?
Q2.依家鼠糧有所改變,糧亦同時食完,你會點做?
Q3.由鼠鼠年輕至年老,你餵糧的轉變,原因?

另外,希望有心人可以分享一下新糧與舊糧成分的分別,以供參考

以下係轉載其他討論區鼠友的意見
PS糧
唔出"Prestige "e個品牌  用VERSELE-LAGA  代替
Prestige同VERSELE-LAGA  係同一間廠  唔知佢咩原因唔用"Prestige"  
VERSELE-LAGA (HAMSTER NATURE)750g＝Prestige高級倉鼠糧800g(有水果)
VERSELE-LAGA (MINI HAMSTER NATURE)400g＝Prestige迷你倉鼠糧400g(有水果)

完全成包唔同樣..!!!
糧..差唔多一半唔同咗 (須然d瓜子, 花生, 果干都小咗同細粒咗)
味...完全係第二隻香味 (以前無乜味, 宜家d氣味重d...有d似 s 糧 (盒裝果隻糧)

Oxbow糧
陣味其實差不多, 不過好似好聞左, 依個都唔係重點呀
D糧一拎上手, 嘩, 細粒左o既, 仲要都幾吉手咁喎
覺得係草少左, 麥多左, 我人o既角度就覺得好食左添

Mazuri 糧
新買比較淋  佢又唔似受潮果種淋囉  係冇咁硬  好易mit開

養左鼠唔係好耐, 一包oxbow都未食哂~
不過oxbow變o既似乎問題唔大, 你有1/3包淨, 不如買多包開始混住糧先? 咁樣如果真係差好遠, 都易d接受嘛@@

出世一個月買番黎,餵左一包ps,就轉左oxbow..
因為鼠鼠食ps糧一直有軟便同揀食情況出現,仲一個月已經變到痴肥,所以我決定轉做oxbow
到而家一歲都係食oxbow,體重同便便變正常,都冇得揀食XD
一開頭佢已經肯食oxbow,但怕不夠旦白質,,
所以我係溝埋蕎麥粒+青豆片~

我新買左oxbow番黎都發現有唔同左,變左好細粒,陣味都濃左,,
鼠鼠食ge份量都一樣,,所以唔覺有唔妥~都會keep住食~

Q1.養咁耐係餵開咩糧?
初初開始果時就買左包pet 88海鮮糧~因為未諗定買邊隻做主糧好~而家就用mazuri同oxbow~

Q2.依家鼠糧有所改變,糧亦同時食完,你會點做?
之前oxbow係人地比ge@@,因為我都怕我隻鼠唔鍾意食~不過佢一開始就好似好鍾意~所以之後買左包oxbow~不過買果時應該已經轉變左~而且佢肯食~就算d糧有dd轉變我覺得都好正常@@好似oxbow咁~就算變左都同之前差唔多~我覺得冇咩問題..所以食哂都係繼續買oxbow@@"

Q3.由鼠鼠年輕至年老,你餵糧的轉變,原因?
我諗都係會比oxbow佢食law..反正mazuri未必會啦~一黎我自己唔係好鍾意d味,2黎我覺得oxbow好d~應該岩老左ge佢食多d@@因為覺得食得多mazuri果排d便便好似唔多健康-0-

你隻鼠年紀大, 我都係建議你餵OXBOW, 始終高纖維, 再加D穀物咁囉
況且我暫時覺得OXBOW變化不是有太大影響
但的而且確食落去麥味係重左好多, 有食過以前個D同宜家個D對比下就知

好想睇下新oxbow係點...
宜家個包仲有一半小d, 我諗仲可以食到幾個月...