我隻鼠鼠眼發炎, 流眼水, 要睇醫生,
我想問有帶過鼠鼠睇醫生既主人, 你地有冇推薦邊間??
九龍dr.yen dr.betty好唔好??
有冇人睇過大圍覺得好好架??
其實我之前帶過另一隻倉鼠皮膚病, 睇大圍dr.tiger, 過程非常不愉快。
我好有禮貌, 但職員好串, 冇禮貌,問佢養倉鼠既野佢叫我上網search(語氣好串),
dr.tiger抱鼠鼠果陣甩手, 差d跌死鼠鼠,好彩最好跌左落佢大脾, 好險!!!!
而且要驗好多好多野(我唔知其他診所係咪咁), 每個過程鼠鼠都好痛苦好驚.
藥就一般啦, 食完有好返, 不過1個星期後個病番發.
我覺得大圍出名, 其實只係醫療設備好, 好多設備全港冇得佢有.
加上全港得佢一間標明專門醫珍禽異獸, 所以個個都覺得醫倉鼠就搵大圍最好。
但我睇過大圍一次, 我覺得如果要做大型大術,冇錯大圍係最好,
但如果醫一d常見病, 其實會唔會搵其他識醫倉鼠既獸醫好d? (我冇睇過其他醫生我唔知, 所以我想問)
既然眼發炎唔需要用上大型醫療設備(我估), 我不如搵個有heart既醫生, 問佢野會答, 唔會好粗魯咁抱鼠鼠仲差d跌死佢, 唔洗受職員氣, 唔洗驗好多我覺得無謂既野令到鼠鼠咁痛苦咁驚。
所以我想問你地有冇推薦邊間?? 最好醫過眼發炎覺得好~~
尤其有冇人睇過九龍dr.yen dr.betty, 覺得點?
萬分感謝!!
|
|