mimi你永遠都係媽咪既乖囡

mimi你永遠都係媽咪既乖囡mimi係8月13日下午5點離開左我地~

mimi,你走得好突然,我仲以為你好似平時咁鐘意係梳化底？覺.
到你再走返出廳之後,四周圍沖,我仲係度諗,
你隻臭豬做咩咁興奮!?唔通知我整緊草粉比你食?
我完全冇諗過,原來呢次係你最後一次跑比媽咪睇!
跟住你就走左去？底好大力咁抖氣,
兔爸行埋去望？你,想睇真？你點,點知你抖氣抖到要用埋個口,
跟住你仲一路用力抖氣一路叫,我即刻跑去打電話比醫生,
一收線我就即刻一路望住你一路換衫,拎袋......
當兔爸捉到你入袋既時候,突然見到你抽左幾下,
伸手入袋摸你,你已經唔識郁!
我即刻摸你心口,冇心跳,肚仔都唔再郁!
我喊住咁係咁不停叫你,但你已經唔再會回應我~

媽咪個心真係好痛,好痛,點解你要走得咁突然!
點解你唔早d話比媽咪知,等媽咪搵人去救你!
係咪媽咪照顧得你唔陪好!?所以你選擇就咁走!?
如果媽咪細心d,就可以早d知道你有問題,帶你見醫生,
你就唔會就咁走左去,亦唔駛你咁辛苦!
mimi,你有冇怪媽咪咁蠢?咁大意?

媽咪抱住你好耐好耐,仍然唔相信你真係走左,
好想你會突然間跳返起身,跑出去玩!
但你冇咁做,你依然繼續全身放軟係媽咪個懷抱~
我一直係咁不停按摸住你既身體,希望你能夠最暖,
你對耳仔開始凍啦,媽咪都仲未能接受你既離開!
我幫你按摩耳仔,手仔,腳仔,以及全身,只希望你會暖d,
但可能我真係抱左你好耐,你既手仔,腳仔都開始硬.......
爸爸打左電話搵人黎接你走,媽咪一路摸你......

mimi,你仲記唔記得臨走前爸爸同媽咪同你講既野呀?
你好叻囡架啦,爸爸同媽咪永遠都咁愛你,
mimi唔駛驚驚,你唔會自己一個架,
爸爸已經叫左momo係彩虹橋度接你,哥哥會帶住你陪住你,
果度唔會再有病痛,又唔駛食藥,仲有好多小朋友陪你架~
mimi你要記住,以後冇爸爸媽咪係你身邊,
你要好好咁照顧自己,好好地同momo哥哥相處~

mimi你永遠都係爸爸媽咪心目中既乖囡!!
爸爸媽咪今生今世都唔會忘記你呢個寶貝!!

[ 本帖最後由 carbee 於 2011-8-14 01:32 PM 編輯 ]
附件20110702047.jpg(190.65 KB)                                2011-8-14 01:32 PM                                                                                       

好感動
希Mimi係天上活得快樂

動物真係好有靈性...又忠心
自己知快要離開世界都用盡力表演比主人睇, 用作道別
可愛的乖兔兔...安息了

Carbee 你好d未呀, 唔好咁傷心, 我好明白你既感受, 因為剛剛這個星期日, 我的寶貝都係咁離開左..... 係我同姑娘講緊佢既情況時候, 佢好辛苦咁望住我大叫幾聲之後就離開左, 我當時即刻喊到收唔到聲, 希望 mimi 係彩虹橋開心快樂.

szesze 發表於 2011-8-30 05:09 PM
Carbee 你好d未呀, 唔好咁傷心, 我好明白你既感受, 因為剛剛這個星期日, 我的寶貝都係咁離開左..... 係我同 ...

szesze多謝關心,心情已經平復,只係夜深人靜時會不期然咁諗起mimi,mimi真係好乖女,雖然佢唔鐘意人抱,但佢好乖,唔會周圍咬野,所以我都好放心咁比佢24小時自由行~
最近都打算再領養~因為剩左好多野,藥果d就比左兔協,同埋始終養慣兔兔唔想養其他,而且mimi走左之後屋企好似死氣沉沉,冇話題咁,無所事事,當下我先發現,原來mimi已經陷入我心裡面,佢已經係我既全部~
你都唔好咁傷心,依家最緊要搞好佢既身後事,你家寶貝係彩虹橋好快樂咁生活緊,mimi會陪伴住佢架,r.i.p.

我好明白...樓主你心情...
因為我家檬檬都係走得好突然...
同埋...我最有同感係...有好多時都係我地自己的過錯/唔小心...
你同我一樣都係遲左...

但係我知...你咁鍚mimi...佢會原諒你..即使到左另一世界都知道你係鍚佢的...

所以,r.i.p

carbee 發表於 2011-8-31 12:48 AM
szesze多謝關心,心情已經平復,只係夜深人靜時會不期然咁諗起mimi,mimi真係好乖女,雖然佢唔鐘意人抱,但佢 ...

我都多謝 Carbee 既關心~~ ^^
我依家好好多喇, 寶貝既身後事我係當日直接帶左佢去x之天國辦理, 都好快安排佢火葬, 不過當服務員幫佢消毒左放係我面前見佢最後一面既時候, 真係熱淚盈眶, 無辦法收聲.......陪左好耐我先肯走.

yoruko 發表於 2011-8-31 01:18 AM
我好明白...樓主你心情...
因為我家檬檬都係走得好突然...
同埋...我最有同感係...有好多時都係我地自己的 ...

係,真係要打醒十二分精神~
我當日就以為mimi係老毛病,所以冇特別注意~

szesze 發表於 2011-9-1 01:13 AM
我都多謝 Carbee 既關心~~ ^^
我依家好好多喇, 寶貝既身後事我係當日直接帶左佢去x之天國辦理, 都好快安 ...

我都係一樣,喊到眼都損到埋收唔到聲,
我相信兔兔佢地真係會明我地好錫佢~