我領養左有蚤的兔仔，依家到我被蚤咬！怎辦？

事先聲明，呢隻兔仔前主人係個別例子
我相信悉心照顧兔仔，可減低牠們有蚤的情況！

早幾日上網，領養左隻貓貓兔，
回家先發現牠有蚤，即刻帶牠去睇獸醫，滴左蚤水，
獸醫話：滴左蚤水，只可以令到D蚤唔敢埋牠身，
仲要個個月滴，未必一次就搞點！！
再加上偏瘦，要食草粉

我未為牠改到名的兔仔，
到我手兩個半鐘，
計埋睇五百蚊的獸醫
買草、籠、糧、木糠…就用左    千幾蚊啦！

但…重點係…
依家我成屋都有蚤，
仲要係不停咬我，
兩日內咬左近五十啖！
好痕好痕好痕呀！

我買左沙薑粉係屋企，
都阻唔到D蚤，
但就好似無再咬得太多啖！

除左用滅蚤噴霧，還有無其它天然的方法？
我怕影響隻貓貓兔！

如果真係要用滅蚤噴霧的話，
我應否將貓貓兔暫托到寵物店兩天呢？
因我日日幫牠梳毛檢查的時候，
都仍搵到一兩隻蚤的
咁會唔會傳染寵物店的動物？
但用左噴霧的話，我要清潔好間屋，
我先放心俾牠同蒼鼠返屋企！


怎辦？有無人俾到意見我！
我第一次養兔仔咋！

有蚤的話寵物店5會收的

你係睇邊個醫生???
滴邊隻蚤水??
兔仔, 獸醫一般都係開 revolution
如上, 寵物店唔收架

元朗城市獸醫
蚤水應該係：revolution kitten/puppy (selamectin)

我就話唔驚呢D噴霧嗜！
隻兔仔同兩隻蒼鼠唔得喎！
牠們怎辦？

用兔袋帶出街, 涼下冷氣

係囉 帶兔兔出街涼下冷氣
跟住自己早D番去抹下D地方....

兔仔同我一齊喎，
咁即係三個鐘後，
牠們要同我一齊返屋企開窗，
再落街等D毒氣散，
再同牠們一齊返屋企抹屋？！

不如你帶你只兔仔去朋友屋企，
叫你朋友照顧佢先，然後你番屋企清潔，
去番兔仔果度，係你朋友休息一陣…
直到間屋冇味…

kwan104kwan 發表於 2011-8-22 06:56 AM
兔仔同我一齊喎，
咁即係三個鐘後，
牠們要同我一齊返屋企開窗，

要等無味先入得屋

你可以試下燒艾草條 (藥房果D都有) 呀。如果唔係全屋有蚤，可以安置你的寵物喺第度 (例如平時放佢入房，就帶佢地出廳先) 跟住點着艾草閂房門，等佢燒完清潔D籠、地下等地方。

但係有一個缺點 --- 就係令房間 (尤其是床) 有一股燒草味.

如果用滅蚤噴霧 ~ 回到家個籠最好徹底再消毒下先~~保持屋企通風~放返入籠就清潔下屋企~~
個日唔好俾佢出黎跑, 等第2日讓D滅蚤噴霧散咁D先放~~

唔該晒咁多位的意見！但又有個新問題！

我前晚心血來潮，開左液體驅蚊器（超市有得買個D）
又好似無新的蚤癩，
只係訓著的時候忍唔住R，
R到每點蚤癩的水泡都俾我R穿晒！
（搽左藥膏，但半夜無效啦！）

咁即係話D蚤死左？呢埋左？搬左其它房？
仲使唔使滅蚤？

有兔友用過呢個牌子,好似話幾好~
雖然佢寫係可以噴係動物身上,
不過兔友都只係噴係兔兔用品,同屋企周圍,
可以參考吓~(本人冇用過)
http://huskypets.shopping.ttyy.h ... 14b19a5bb92cd298d37

開 噴霧之前..將兔兔同鼠鼠放入寵物袋先... 攪掂好曬..就放噴霧... 即刻立嘢設退去朋友屋企坐幾粒鐘
差不多時間就自己回家做清潔...做完之後就接佢地返屋企!!!!
我屋企每6個月都會進行滅虱架..都係咁做..連人帶兔出街hea 幾粒鐘..返屋企第1時間幫佢個籠做左清潔sin... 然後就將兔兔放入籠..再進行清潔...當清潔完先放佢地出黎玩...(記住進行消毒之前一定要確保佢地d食物同草要封閉好..唔好流氣..)
希望我個方法幫到你同兔兔啦..祝你同兔兔快d好返