左眼流眼水

上星期五發現包包眼水, 眼角d毛濕濕地, 已經book左今日Dr. Ma, 但到星期日又冇流, 星期四都冇事, 正準備cancel booking 之際, 但到昨天包包又流番眼水, 所以都係要去睇

請問大家兔兔有冇發生過依個清況, 包包除左流眼水, 冇咩特別都係食得痾得, 會唔會係淚線有問題?...唉包包一有事就好擔心...真係寧願自己病, 今次仲要係我老公同我阿B都一齊病

可能眼膜炎或者淚線塞左

要睇醫生啊，可能眼損左，或淚線問題

剛睇完醫生返來, 第一次睇Dr. Ma, 佢check得好詳細同好細心, 由眼,耳, 牙仔, 鼻, 頭骨, 皮膚, 腳, 大便位都check過晒, very very good! Dr. Ma話包包各方面都好健康, 以4歲幾既兔仔黎講都算幾好.不過佢話包包好緊張, 係依兩日見過最緊張, 心跳成260

講返眼仔問題, dr.ma 首先check包包眼角膜有有損傷, 滴左一d顯影劑落眼, 角膜無損, 但d顯影劑無落到鼻哥, 即係淚管塞左, 淚管塞可能因為牙齦過長or有d污物塞住左, 所試下用一條幼管睇下通唔通到先, 我問dr.ma咁樣痛唔痛, 佢話唔痛只係有少少唔舒服, 而且佢會滴d麻醉藥,所以只係好minor的…如果通到淚管時包包會打乞痴, 好好彩包包淚管通得番, 打左個乞痴d污濁野噴左出左黎! 我即刻輕鬆晒, 包包都舒服晒!

我問dr.ma 為如包包會淚管塞呢, 佢話都好難講…可能隨住年紀大會有依d小問題.

不過我都會留意會唔會屋企有d地方唔係咁乾淨今包包吸左d塵引起.

樓主,今次睇左幾錢??

我個仔隻眼仔又有事lu,聽日睇下可吾可以book到,你上次book要等幾耐??

syt174698 發表於 2011-10-15 11:32 PM
我個仔隻眼仔又有事lu,聽日睇下可吾可以book到,你上次book要等幾耐??

又有事？你仔仔隻眼淚線都有問題會復發的嗎

biomama 發表於 2011-10-15 11:27 PM
剛睇完醫生返來, 第一次睇Dr. Ma, 佢check得好詳細同好細心, 由眼,耳, 牙仔, 鼻, 頭骨, 皮膚, 腳, 大便位都 ...

我想問下眼屎多..係咪關流眼淚多事?因為我2隻囡囡每日都要清眼屎..我覺得佢地D眼屎都幾多下

syt174698 發表於 2011-10-15 11:31 PM
樓主,今次睇左幾錢??

$690, 比我想像中平, 我以為要成千蚊

syt174698 發表於 2011-10-15 11:32 PM
我個仔隻眼仔又有事lu,聽日睇下可吾可以book到,你上次book要等幾耐??

我上星期日book, 琴日睇.
你阿仔眼眼又有事呀...其實係咪好易番發呢, 我都擔心緊.
dr.ma 話平時可以滴d藥水同佢按摩下個鼻樑位可能可以預防...唔知有冇人試過呢?

sanny0066 發表於 2011-10-16 02:06 AM
我想問下眼屎多..係咪關流眼淚多事?因為我2隻囡囡每日都要清眼屎..我覺得佢地D眼屎都幾多下 ...

會唔會多到gel住隻眼同d毛, 如果係可能要睇睇e生.

今次係第四次塞，兔兔未夠三歲，佢天生呀，因為佢係侏儒兔，比其他品種好易番發，第一次用左五千，以之我都預成千蚊，每個月都要覆診

我個仔左眼又塞,右眼暫時無事,不過可能會同一時間塞,又或者輪流塞

有第一次,就會又第二次,唔知今次可吾可以通到,我好擔心

呢d病真係好難斷尾