故事有少少長, 不過我好想同大家分享, 同埋唔知大家有冇好似我既經歷 :
話說, 上個星期六我在兔協做完義工, 暫養家庭帶左我準備領養兔兔番黎。因為兔協話都想比我睇下佢, 抱下佢接觸下佢至confirm我會唔會領養佢。
點知,咁就出事喇。當我兩隻手接住的時候, 佢好乖咁比我抱住, 跟住我好細聲咁同佢講"你想唔想跟我番屋企呀, 想就好乖乖比我抱啦"跟住佢整個比我抱既過程基本上任我擺佢post, 反肚, bb抱, 抱住佢周圍行, 伏在我身上, 佢完全無反抗, 寄養家庭個媽媽見到佢咁乖重問我, 你養過兔兔?好熟手咁喎﹗跟住同佢玩完一大輪, 準備要走之際。。。佢細細力咬個肚腩!佢一定係聽到我講話我要走!!!! 我放左入去, 佢就用屁股對住我!!! 我同佢講左好耐byebye佢至係咁e 回個頭望下我。果晚~ 我半夜三點鐘都未訓得著, 因為我好掛住佢。
我重有一堂護理班, 要下個星期四上埋至可以帶佢番屋企。
但係到左尋晚, 我終於忍唔住,我上左兔協見佢,佢應該記得我掛!!! 因為佢今次同我洗鼻,雖然兩下only.... 佢都係任我武佢,點知我掛住同人傾計, 冇同佢玩, 佢即刻跳左上黎我心口 --- 第一個抓痕(我離開左兔協見到d朋友, 竟然係同佢地玄耀!! 佢地都話我傻!!!)我走既時候, 佢伏在籠邊look大隻眼望住我, 果一刻, 我好想帶佢走。尋晚~我都係三點幾都未訓得著, 就黎掛死我了。
我依家既心情, 唔知大家明唔明白?日日夜夜都掛住佢, 死未~~ 兔兔究竟比左咩迷藥我食???
|
|