歲幾獅子兔

琴日有人唔要隻兔仔想送去愛協 我拎左返屋企
我未養過兔仔咖 有d野想問
1)兔仔唔食糧  (OXBOW ADULT RABBIT FOOD)
我拎佢返黎個時個兜入面已經有糧 我唔多覺佢有食到
可能放耐左唔香佢唔食?? 我岩岩放過d新ge糧入去 聽朝睇下佢有冇食到啦

2)兔仔唔係好食草
係2nd cut ge T草 , 佢唔係唔食 只係食得好少 草架只係1/3滿 到今日都食唔晒
我見寵物店放好多入去  D兔兔係咁食咖喎

3)兔仔琴日同今日主要食左2條菜芯 同幾舊蘿蔔  
蔬菜係可以當主糧定只係小食?!

4)佢主人話佢鐘意食花生 但係花生食得咖咩?!

5)兔兔D屎好細粒 好似咖啡豆咁大咋 有冇問題咖?!

6)兔兔出黎跑跑跳跳個時好似好'SIN'咁 我睇過佢腳板底毛都好厚 有冇需要修剪?

7)兔兔琴日返黎個時掂一掂都飛好多毛出黎 我同佢梳左幾個字 已經甩左好多死毛
但都仲係有毛飛出黎 係咪換緊毛定係之前冇人同佢梳所以咁?

8)聽佢主人講 兔兔之前有中耳炎 咁我有冇咩要特別注意?

我淨係養過鼠鼠同刺刺 之前都有睇過D兔兔GE資料 但始終冇經驗 好多野都唔肯定
唔該晒咁各位GE解答呀^^

唔是呀比花生佢食

1.首先你個隻係BB多定成兔? 成兔既話你一係問返舊主人佢食開咩糧..要照跟返之前既糧..一時間轉兔兔再聰明都好難適應
2.都係要問返..究竟兔兔係成兔定BB兔...唔食草可能因為轉換左新環境仲適應緊...如果觀察多1日仲係食咁少草...就真係有問題了...正常兔兔係會狂食草的
3.菜最好等兔兔6個月後腸胃冇咁敏感先好俾吧...紅蘿蔔係唔可以俾的..你係咪傻嫁?
4.花生一定唔可以食啦..唔好俾D無謂既垃圾俾兔兔食OK? 以前既主人白痴..你唔好同佢一樣咁白痴
5.正常兔兔D便便應該係好似IPHONE HOME制咁大粒..因為我家隻Be就係咁大粒同金黃色...如果你話兔兔便便係細細粒既..可能因為佢食少左草同糧先咁細...如果仲係粒狀乾身既都ok
6.隻兔好跣..係咪因為你家的地板跣?可以選擇買ABC膠墊地下...同埋兔兔腳毛一定唔可以剪...兔兔腳毛係佢地既保護層..你剪左佢..佢一定嬲死你
7.呢個問題答你唔到
8.都答你唔到..因為我家兔兔未有呢個問題



希望答到你...可能答錯...有錯請其他兔友請指教

原來我冇睇到標題.原來已經係歲幾兔兔...咁佢食咁少糧同咁少草...真係有問題真係有心既BOOK下Dr.Ma 做個body check啦..穩陣D

你話兔兔係幾歲.. 甘我當佢1歲up ~  成年兔 ..
如果細個1歲 .. 有d野食會唔同

1)兔仔唔食糧  (OXBOW ADULT RABBIT FOOD)
我拎佢返黎個時個兜入面已經有糧 我唔多覺佢有食到
可能放耐左唔香佢唔食?? 我岩岩放過d新ge糧入去 聽朝睇下佢有冇食到啦
糧 早晚各1匙   ((其實兔兔都可以唔食糧既

2)兔仔唔係好食草
係2nd cut ge T草 , 佢唔係唔食 只係食得好少 草架只係1/3滿 到今日都食唔晒
我見寵物店放好多入去  D兔兔係咁食咖喎
食緊咩牌子既草?  同埋睇返兔兔d牙仔.. 試下可唔可以反轉佢睇  牙仔太長佢覺得辛苦會食唔到草!!!   牙仔正常既話.. 可能係之前食得太多零食.. 搞到唔食草=  =+..

3)兔仔琴日同今日主要食左2條菜芯 同幾舊蘿蔔  
蔬菜係可以當主糧定只係小食?!
菜菜可以每日都食! 1隻成年兔可以食1杯既分量 裝滿一杯   但蘿蔔就免了=  =

4)佢主人話佢鐘意食花生 但係花生食得咖咩?!
兔兔主要食草.. 食愈多就愈好 ..1個星期可以食少量生果(但唔好比好甜既水果)..   菜菜可以每日一次   其他野可以免

5)兔兔D屎好細粒 好似咖啡豆咁大咋 有冇問題咖?!
正常既兔仔屎屎   係有大粒版既m&m 甘大粒嫁 仲會係硬身..  近睇會望到d草碎係到     佢e加d屎屎除左細粒   你摸上手係癡手??  濕濕地??     如果係咁盡量比佢食返多d草先!   菜個d 糧可以唔好比甘多..

6)兔兔出黎跑跑跳跳個時好似好'SIN'咁 我睇過佢腳板底毛都好厚 有冇需要修剪?
全身毛都剪得..   但腳板低毛一定唔剪得..  佢地既腳板毛係保護佢腳仔! 功用就好似人地貓貓狗狗既肉球.. d腳低毛 十分珍貴

7)兔兔琴日返黎個時掂一掂都飛好多毛出黎 我同佢梳左幾個字 已經甩左好多死毛
但都仲係有毛飛出黎 係咪換緊毛定係之前冇人同佢梳所以咁?
有機會係換緊毛..  or少梳..  

8)聽佢主人講 兔兔之前有中耳炎 咁我有冇咩要特別注意?
中耳炎 唔清楚   但嚴重既話好似會令到佢有側頭

我淨係養過鼠鼠同刺刺 之前都有睇過D兔兔GE資料 但始終冇經驗 好多野都唔肯定
唔該晒咁各位GE解答呀^^

我諗兔兔帶佢去睇一次醫生好d    因為可以東身體檢查..睇下有無皮膚病呀  失呀.. 個d古怪野               
記得搵返1個識醫兔仔既醫生..唔好係出面隨便搵獸醫
我諗盡快帶左佢睇一次醫生..  跟住同醫生講埋佢之前有中耳炎個d..     
我之前第1次養兔兔去搵9龍城個個dr.ma   佢知我第1次養..   仲教我點養.. d屎屎點睇好定壞呀..  食咩野食最好=  =      

希望會幫到你....  但我諗睇左醫生當身體檢查先! x___x   希望你會比到兔兔幸福

樓主,你快D帶兔兔睇醫生同做BODY CHECK,呢D錢唔慳得, 寧願花幾百蚊,好過到兔兔病先帶佢睇醫生,兔兔有病,好多病徵唔明顯,相差一日就可以令兔兔無命,同埋到病發先至睇醫生,手尾好長,醫藥費亦唔止數百蚊.

唔該晒咁多位..
補充返少少先 我係餵甘荀唔係紅蘿蔔 咁甘荀得唔得?
至於花生我都冇俾過佢食
我睇過兔兔牙仔唔長 食野冇困難
原來俾兔兔我個個人只係照顧左佢17日. 係哩女仔帶佢睇e生 醫返好個中耳炎
仲話佢之前個主人冇俾草佢食
我諗係因為哩個原因 佢唔係幾食草
我用手餵佢食就食得多少少
便便係細粒 但摸上手唔係濕 唔係散開 都係粒狀
咁我帶佢去body check 係咪要帶埋佢d便便去好d呀?
仲有,, 兔兔腳仔d毛黃黃黑黑咁 我應該點幫佢清潔?

Candyce 發表於 2011-10-23 08:17 PM
唔該晒咁多位..
補充返少少先 我係餵甘荀唔係紅蘿蔔 咁甘荀得唔得?
至於花生我都冇俾過佢食

甘荀 唔知..     不過E加對兔兔黎講  零食少食先..  比佢食返多D草草..  等D便便大粒D...
你胃佢肯食多少少 甘得閒就胃多D比佢食下~~  最緊要佢肯食就問題方便了..

你睇醫生可以帶埋D便便比醫生睇..  記得搵返1個識睇兔兔既醫生呀

Candyce 發表於 2011-10-23 08:17 PM
唔該晒咁多位..
補充返少少先 我係餵甘荀唔係紅蘿蔔 咁甘荀得唔得?
至於花生我都冇俾過佢食

可以帶埋便便俾獸醫睇...腳仔黃既話..你可以每日用濕布幫兔兔抹...每日抹甩少少既漬...就會慢慢淺返色