求救求救

各位兔爸兔妈:請問你地知唔知邊到有底盤或豬仔板同草架買?因為,我個兔蘢係超超超級大果反而入邊冇底盤或豬仔板.搞到的草同屎、尿混埋一齊.而兔兔區自己識得去厠所,區又唔肯去結果,搞到區自己成個身都系點分泌物結果,我要一日同去冲兩次凉其實,可唔可以一日冲甘多次凉?








多謝各位帮忙,卡卡ge問題己解决!不過,以後仲要麻煩你地啦!

你所講既沖涼唔會係同佢濕洗呀???     /  沖涼粉??

草  同 屎混埋一齊唔緊要..  因為你無低盤 = =  都一定每日執2次..   

你話兔兔識去WC 但唔去..  有機會係你放個個岩佢唔中意..   你睇下佢中意係咩位屙放返係個到.
屙錯左  就搵醋抺返佢 ...   
又有機會係新兔仔.. 去新環境所以唔習慣...   周圍霸地盤(?)

你個兔籠幾大個? 6X? 7X 8X 長?

佢屙錯尿..  要搵濕毛巾拎乾幫佢抺返好D腳仔 用PAT PAT  腳既內側 ..   跟住用乾毛巾幫佢卒返好..   再用梳梳 ...   唔係會一餅野嫁 ...

你唔係真係走去買兔兔下話= =
如果你隻兔係pet shop買返去話..你所指既識去廁所..應該係從pet shop員工口中得知..你知唔知兔兔點先為之識去廁所呢??? 最基本係小便係自動自覺走去廁所柯...你所講既佢識去但又唔肯去..呢個講法好矛盾
另外..你一日幫佢沖幾次涼???你用咩幫佢沖涼???請加以說明
你個籠大到咩SIZE? 豬仔板可以另外加.....如果你想+底盤應該沒有可能吧...所以係買兔兔用品時...請問下其他兔友意見

sanny0066 發表於 2011-10-24 02:45 AM
你唔係真係走去買兔兔下話= =
如果你隻兔係pet shop買返去話..你所指既識去廁所..應該係從pet shop員工口中 ...

你做乜咁勞氣呀？新手唔識嗎！我同你都買過唔啱用既籠啦!我之前唔知，乜野係猪仔板tim,要慢慢學，到時到侯就會識啦!

因為佢之前話set個期限領養唔到就走去買ma我係激動左少少

首先你要知個籠几大，先可以配猪仔板，呢d野pet shop有售！{:3_114:基本上兔唔需要冲涼,初初我唔識聽pet shop d人講買樽亁洗粉，原來係唔使。
你隻兔兔係買定領養？

花芝媽 發表於 2011-10-24 01:13 AM
你所講既沖涼唔會係同佢濕洗呀???     /  沖涼粉??

草  同 屎混埋一齊唔緊要..  因為你無低盤 = =  都一定 ...

係濕身洗!因為,我昨日領養區果時區ge主人同我講要同區濕身洗,我隻獅子兔三歲我以為濕身洗無咩問題!?個籠8X長

兔兔唔使沖涼呀,佢自己會自行清潔,你咁樣會好容易嚇死佢,你係呢度拎兔兔返嚟呀??三歲???領養嗎??無理由唔識去厠所,前主人有無講佢唔識去厠所呀???

sanny0066 發表於 2011-10-24 02:45 AM
你唔係真係走去買兔兔下話= =
如果你隻兔係pet shop買返去話..你所指既識去廁所..應該係從pet shop員工口中 ...

冤枉!個兔兔我系領養返來加!唔好冤枉好人兔籠系前主人被加!8X長到時先发相俾你地睇!

點解你唔領養BB兔呢??依家教可能好難教,兔兔可能習慣左GA LA, 不過你可以重新教佢去厠所,但唔係一定識去,因為始終3歲,你唔想咁煩,換過有底盤既籠,咁可以方便清潔之餘,兔兔又唔駛比VV同CC醃住,因為灼傷既話,可大可少,要睇獸醫呀

唔好濕洗!    E加天氣仲要涼涼地   ...   一濕洗  你一定要同佢吹到乾哂先好放返佢走..  
你小心你個吹風機D聲嚇死佢=   =+++  !!!!               唔係UP住會有皮膚病佢又會凍
正常既兔仔係唔洗沖涼 ..  我2個女養左1年 都係佢自己搞掂  ...  我有時會索下佢D兔仔味.. 有少少草香  ...
除非你個環境真係十分污穢   咁樣佢身上先會傳出臭味....  

睇黎你個隻兔兔3歲幾...   前主人已經幫佢濕洗過好多次...     但你養返...唔好再濕洗了...
佢錯 唔 = 你要同佢一樣錯嫁~~

有D兔仔係要濕洗..   但頂多洗PAT PAT  腳仔用手仔...   仲要係真係十分十分十分污穢 ... 用水濕佢方便D...
但真係可免就免...   
我識過1個兔友..   知道有D兔仔係一定要濕洗.. 因為有少少問題 令到佢清潔唔到自己PAT PAT..  所以先要幫佢.. 醫生都知道的..


佢亂屙尿既...  你為有買個有底盤既籠   咁樣如果佢亂屙都唔會話中好多尿係腳仔到...

你教佢去廁所一定要有心理準備...  會教長時間....   如果前主人根本無教過...   而佢又習慣左
有機會教極唔識...   因為佢已經慣左...   

新養  我覺得你要帶去比醫生做檢查先... 因為唔知佢身體會唔會已經有皮膚病 比尿葉傷左呀個D問題 ..      記得搵個識養+醫兔仔既醫生...
仲有 你兔兔男定女...  絕左育未..     未絕育又係女仔既話..  快D睇比醫生睇下...

omg!!! 兔兔唔駛沖涼嫁....千其唔好濕身呀....

另外兔兔巳經3歲係好難教嫁啦,你只好用返托盤龍或者豬仔板..
個人見解係托盤比較好.因為就算你加豬仔板佢都係會掂到d尿嫁囉...不過我都係bb養起毛毛,佢都係唔識去次所..咁就唯有辛苦小小,清龍痳煩d啦.
最重要,係唔好比佢掂到自己既尿,一定要快d解決呀,唔係沖涼去解決~

你攞個籠返黎未呀?不如買一個可以拉底盤出黎嗰籠仲好,呢嗰係長遠計!!我係矇矇猪見到jolly別墅籠$599,係我見到既最平,你諗吓啦!!

Wandywan 發表於 2011-10-27 03:23 PM
你攞個籠返黎未呀?不如買一個可以拉底盤出黎嗰籠仲好,呢嗰係長遠計!!我係矇矇猪見到jolly別墅籠$599,係我見 ...

但我之前問過..佢呢間要訂..仲要星期一前落order..如果過左星期一又要等多1星期...呢間野星期一先拎一次大貨

sanny0066 發表於 2011-10-27 03:26 PM
但我之前問過..佢呢間要訂..仲要星期一前落order..如果過左星期一又要等多1星期...呢間野星期一先拎一次 ...

都ok ga,等一星期,但平好多!!!