求教！點先令鼠鼠肯食藥?

大家好.. 我其中一只鼠鼠冬甩佢琴晚曳曳係書台跌左落黎…
佢之前已經跌過好幾次, 今次我望實佢都仲係咁... 我失職
雖然之前都無事, 但今次唔知係扭親定斷腳呀!!! 嗚...
我捉番佢上黎果陣已經SENSE到佢其中一只腳林芝芝咁
但佢仲係要彈下彈下周圍爬
果陣係深夜, 所以我只有爬文, 搬佢去細籠等佢唔好成日郁

今日我去左MK度買左支藥水俾佢呀~ 店長介紹我 話如果佢發炎就用食既
佢有隻係搽既, 不過佢冇咩點講 話有傷口就用哩個
我最後買左食既 佢話鼠鼠每日食5滴就夠 可以溝落水度.又或者就咁餵
但我拎到番屋企比佢食. 佢LAM左一啖之後就死都唔肯食啦
我溝水加幾滴落針筒佢都唔肯要!
但比鸚鵡奶粉就好肯食-_-

今日我捉佢出黎睇 腳仔腫到紅左啦! 點算呀
佢再唔肯食藥咁好難好番 佢又唔似我另一只鼠鼠咁中意飲水

我知道大家應該會建議我睇醫生...但請問有冇類似CASE既解救方法?
點算肯食藥? 一滴都好呀！

THANKS!

我睇過一個blog話..如果鼠鼠唔肯食藥ge話..就可以放佢係手掌上..摸下佢(依個動作ge作用應該係安撫下隻鼠鼠..等佢安心d)..就可以試下喂藥比佢..

睇到你話比鸚鵡奶粉佢就肯食ge話..可唔可以張藥水加少少落鸚鵡奶粉到再比佢食呢..不過唔知果d藥水d味有冇影響到奶粉d味..

如果依2個方法都唔得ge話..就唯有格硬捉起佢喂佢..(對唔住鼠鼠都要咁做..因為食藥都係為佢好)

用針筒都得架 , 放入口唧入去 , 5多5小都會食到D , 我之前走了只小拉 , 又係5小心比布D線綑住左成晚 ( 果時係冬天 ) 用布蓋住籠 , 第二朝我起身見到佢只腳吊住左 , 只腳又紅又紫 , 赫死我 , 睇左E生 , E生叫幫佢按摩下腳仔 , 不過我都係建議你帶佢去睇E生 , D藥未必岩佢食 , 份量又5知幾多 .

捉住佢塞落個口度???比佢佢唔肯要 唔知跑去邊
今日隻腳仔冇咁腫...仲係ER下ER下咁
但係龍精虎猛周街跳 已經將佢放係單層屋 唔比碌碌唔比野佢爬上爬落
我打電話問個店長佢話5滴 我滲左係水度 今朝一睇
T_T 嗚 水樽漏水...琴日先換完紙砂咋T_T 好在應該冇凍親佢呀
睇醫生唔知貴唔貴?洗唔洗七舊?

下!!吊住左!!!倒吊定卡住? 咁佢點呀...有冇爭扎左成晚
咁我明白, 冬天一定要用布遮住唔係就凍凍
唯有小心D!!

Azusa 發表於 2011-11-9 12:05 PM
我睇過一個blog話..如果鼠鼠唔肯食藥ge話..就可以放佢係手掌上..摸下佢(依個動作ge作用應該係安撫下隻鼠鼠. ...

多謝你回復!!!
我就怕放入奶粉佢會認到有藥味 遲D連奶粉都唔肯食T_T 不過我會試!!!
我將5滴藥滲入水度 佢好聰明架WO 一D都唔肯飲
我比清水就飲 救命

格硬捉住佢又好心痛
唔知用棉花棒了開佢個口再塞支針筒落去 餵得唔得呢?
不過自此之後佢一定好憎我-_-

加d有味嫁落d藥度試下la
e.g.芝士+藥
我估鼠鼠中意芝土多過5中意食藥

　 你好叻呀！不過鼠鼠真係可以食芝士？今日溝左一點落奶粉度真係肯食呀！

上次個E生教過我用手輕輕捉住佢後頸果D肉 ( 不會整修佢 ) , 可以製服度佢架啦 .

真既??我見過人地影相捉住佢後面成隻拎起都得呀! 但係唔痛架咩!!!?
已book聽日去睇獸醫,, 溝左d藥系奶粉係肯食既!!!

首先將鼠鼠騙到手上面 找出鼠鼠的頸部下皮 抓住再翻過來 另佢翻肚甘嘅樣 再將針管放到鼠鼠口前 再喂佢食
希望條片幫到你
http://www.youtube.com/watch?v=fTG6I8kLYyI&feature=player_embedded#!

可以用針筒仔餵牠